Read William Morgan Bible 1588 original edition Iaco 2 Bible Online

Iaco 2 - William Morgan Bible 1588 original edition bible

Iaco 2

¹1 Ymma y mae yn gwahardd derbyn wyneb, sef ystyried mewn neb yr hyn sydd. fydol, megis cyfoeth cenedl a’r cyfryw. 8 Ac y mae yn erchi bod yn garedigol, ac yn drugarog. 14 Ac na ymhonner ffydd lle ni bo gweithredoedd. 17 Canys ffydd farw yw yr hon sydd heb weithredoedd da. Fy-mrodyr na fydded gennych chwi ffydd ein Harglwydd ni Iesu Grist gogoueddus yng-hyd â derbyn wyneb.

²O blegit os daw i mewn i’ch cynnulleidfa chwi ŵr yn arwen modrwy aur ac mewn dillad gwychion, a dyfod gwr tlawd hefyd mewn dillad gwaelion,

³Ac edrych o honoch ar y nêb sydd yn arwen dillad gwychion, a dywedyd wrtho: eistedd di ymma mewn lle da: a dywedyd wrth y tlawd, eistedd di yna, ne eistedd ymma islaw fy stôl droed i.

⁴Ond ydych chwi ynoch eich hunain yn barnu, ac [oni] waethbwyd chwi yn farnwŷr meddyliau drwg?

⁵Gwrandewch fy mrodyr annwyl, oni ddewisodd Duw dlodion y byd hwn, i fôd yn gyfoethogion mewn ffydd, ac i fôd yn etifeddion i’r deyrnas, yr hon a addawodd efe i’r rhai ai carant ef?

⁶Chwithau ydych yn amherchi y tlawd, onid yw y cyfoethogion yn gwneuthur yn drahaus â chwi, ac ond ydynt hwy yn eich llusco chwi ger bron y gorsedd-feingciau?

⁷Ond ydynt hwy yn cablu yr enw rhagorol trwy yr hwn y cyfenwir chwi?

⁸Os cyflawnwch chwi y frenhinol gyfraith ar ôl yr scrythur: câr dy gymydog fel ty di dy hun, da y gwnewch.

⁹Eithr os derbyniwch chwi wyneb [dŷn] yr ydych yn gwneuthur pechod, ac yr ydych yn cael cerydd gan y gyfraith fel trosedd-wyr.

¹⁰Canys pwy bynnag a gatwo’r gyfraith ei gyd, ac a ballo mewn vn [pwngc] y mae efe yn euog o’r cwbl.

¹¹Oblegit y neb a ddywedodd, na odineba, a ddywedodd hefyd, na ladd: os ti ni odinebi, ac etto a leddi, yr wyt yn drosseddudd y gyfraith.

¹²Felly dywedwch, ac felly gwnewch, megis rhai a fernir wrth gyfraith rhydd-did.

¹³Canys barn heb drugaredd fydd i’r nêb ni wnêl drugaredd, ac y mae trugaredd yn gorfoleddu yn erbyn barn.

¹⁴Pa fudd fy mrodyr o dywed nêb fod ganddo ffydd, ac hêb fod ganddo weithredoedd? a ddichon y ffydd honno ei gadw ef?

¹⁵O blegit os bydd brawd ne chwaer yn noeth, ac eisieu bennyddol ymborth,

¹⁶A dywedyd o vn o honoch wrthynt, ewch mewn hedd, ymdwymnwch, ac ymlenwch, ac etto heb roddi iddynt anghenrheidiau’r corph, pa lês fydd?

¹⁷Felly ffydd oni bydd iddi weithredoedd marw ydyw ynddi ei hun.

¹⁸Eithr rhyw vn a ddywed: ty di, ffydd sydd gennit, minnef gweithredoedd sy gennif: dangos i mi dy ffydd wrth dy weithredoedd, ac myfi a ddangosaf i ti fy ffydd wrth fyngweithroedd.

¹⁹Credu yr wyt ti mai vn Duw sydd: da yr wyt yn gwneuthur, y mae y cythreuliaid hefyd yn credu ac yn crynu.

²⁰Eithr a fynni di wybod, ô dy di ofer-ddyn, mai marw yw’r ffydd yr hon sydd heb weithredoedd.

²¹Onid trwy ffydd y cyfiawnwyd Abraham ein tâd ni, pan offrymmodd efe Isaac ei fab ar yr allor?

²²Ef a weli fod ffydd yn cydweithio â’i weithredoedd ef, a thrwy weithredoedd y perffeithiwyd y ffydd.

²³A’r scrythur a gyflawnwyd yr hon a ddywed: credodd Abraham i Dduw, a chyfrifed iddo yn lle cyfiawnder: a galwyd ef yn gyfaill i Dduw.

²⁴Chwi a welwch gan hynny mai o weithredoedd y cyfiawnheir dyn, ac nid o ffydd yn vnic.

²⁵Yr vn ffunyd Rahab y buttain, onid o weithredoedd y cyflawnhawyd hi, pan dderbynniodd hi y cennadau, a’u danfon ymmaith ffordd arall?

²⁶Canys megis y mae’r corph heb yr yspryd yn farw: felly ffydd heb weithredoedd marw ydynt.