Read William Morgan Bible 1588 original edition 1.Petr 1 Bible Online

1.Petr 1 - William Morgan Bible 1588 original edition bible

1.Petr 1

¹2 Dangos y mae efe mai trwy aml drugaredd Duw i’n detholwyd, ac i’n adgenhedlwyd i obaith bywiol, 7 a’r modd y treir ffydd, 10 nad yw’r iechydwriaeth yng-Hrist beth newydd, eithr peth wedi ei brophwydo gynt, 13 y mae efe yn eu hannog hwy i ymwreddiad duwiol, yn gymmeint a’u geni hwy yn awr o newydd gan air Duw. Petr Apostol Iesu Grist, at dieithriaid y rhai sy ar wascar rhyd Pontus, Galatia, Cappadocia, Asia, a Bithinia,

²Y rhai a ddetholwyd trwy ragwybodaeth Duw y Tâd i sancteiddrwydd yr Yspryd, trwy vfydd-dod a thaenelliad gwaed Iesu Grist, grâs i chwi a heddwch a amlhauer.

³Bendigedic fyddo Duw a Thâd ein Harglwydd Iesu Grist, yr hwn o’i fawr drugaredd a’n ad-enillodd ni i obaith bywiol, trwy ail-gyfodiad Iesu Grist oddi wrth y meirw,

⁴I gael etifeddiaeth ddiddiwedd, a dilwgr, a diddiflannedig, yr hon a rodded i gadw yn y nef i chwi,

⁵Y rhai trwy allu Duw ydych gadwedig trwy ffydd i gael y diogelwch a ddarparwyd, iw arddangos yn yr amser diweddaf:

⁶Yn yr hwn beth yr ydych yn llawenhau, cyd byddech ennyd bach (o bae raid) mewn tristwch, herwydd amryw brofedigaethau,

⁷Fel y caffer profiad eich ffydd chwi, yr hwn sydd werthfawrusach nâ’r aur colladwy (cyd profer ef trwy dân) er mawl, ac anrhydedd, a gogoniant i chwi pan ymddangoso Iesu Grist:

⁸Yr hwn heb ei weled yr ydych yn ei garu, yn yr hwn, er nas gwelwch ef yr awr hon, yr ydych er hynny yn credu, ac yn llawenhau â llawenydd anhraethadwy, a gogoneddus:

⁹Gan dderbyn terfyn eich ffydd [sef] iechydwriaeth yr eneidiau.

¹⁰Am yr hon iechydwriaeth yr ymofynnodd, ac y chwiliodd y prophwydi, y rhai a brophwydasant am y grâs yr hwn [a ddeue] ichwi,

¹¹Gan chwilio pa bryd, neu pa ryw amser y bydde i Yspryd Crist yr hwn oedd ynddynt hwy yn testiolaethu yn y blaen, yspysu y dioddefaint [a gaffe] Crist, a’r gogoniant au cyd ganlyne hwynt.

¹²I’r rhai y dangoswyd nad iddynt hwy, eithr i nyni y gwasanaethe y pethau a fynegwyd i chwi, trwy y rhai a bregethasant i chwi yr Efengyl trwy’r Yspryd glân, yr hwn a ddanfoned o’r nefoedd, ac ar y rhai y mae yr angelion yn chwennych cael edrych.

¹³O blegit hyn gwregyswch lwynau-eich meddwl: byddwch sobr: a gobeithiwch yn berffaith ar y grâs a dducpwyd attoch, trwy ymddangosiad Iesu Grist,

¹⁴Megis plant vfydd, y rhai ni chyd-ymgyffelybwch eich hunain â hên drachwantau eich anwybodaeth.

¹⁵Eithr megis y mae y neb a’ch galwodd chwi yn sanctaidd, byddwch chwithau hefyd sanctaidd ym mhôb ymwreddiad,

¹⁶Am hynny yr scrifennir, byddwch sanctaidd, canys sanctaidd ydwyfi.

¹⁷Ac os gelwch ef yn Dâd, yr hwn heb dderbyn ŵyneb neb a farna ar ôl gweithred pawb, ymddygwch tros amser eich preswylfod [ymma] mewn ofn,

¹⁸Gan ŵybod nad â phethau llygredig [megis] arian neu aur i’ch prynwyd oddi wrth eich ofer ymwreddiad, yr hon a gawsoch o draddodiadau y tadau:

¹⁹Eithr â gwerthfawr waed Crist, megis oen difrycheulyd, dihalogedig.

²⁰Yr hwn a ddarparwyd yn y blaen cyn gosod sylfaenau’r bŷd, eithr a yspyswyd yn yr amser diweddaf er eich mwyn chwi,

²¹Y rhai ydych trwyddo ef yn credu i Dduw, yr hwn ai cyfodes ef oddi wrth y meirw, ac a roddes iddo ef ogoniant, fel y bydde eich ffydd chwi a’ch gobaith ar Dduw.

²²A chwi wedi puro eich eneidiau gan vfyddhau i’r gwirionedd trwy’r Yspryd, mewn cariad brawdol diledrith, cerwch bawb ei gilydd â chalon bûr yn rymmus,

²³Chwi a aned o newydd, nid o had marwol, eithr anfarwol trwy air Duw, yr hwn sydd yn byw, ac yn parhau yn dragywydd.

²⁴Canys pob cnawd fel y glas-welltyn yw, a phob rhyfyg dyn fel blodeun y glas-wellt: gwywo a wna’r glas-wellt, a’r blodeun a syrth i lawr.

²⁵Eithr gair yr Arglwydd a erys yn dragywydd, a hwn ydyw y gair a bregethwyd i chwi.