Read William Morgan Bible 1588 original edition 1.Petr 2 Bible Online

1.Petr 2 - William Morgan Bible 1588 original edition bible

1.Petr 2

¹Eu hannog y mae efe i roddi heibio bob camwedd, 4 Gan ddangos mai Crist yw’r sail y maent yn adailad arno. 9 Rhagorfraint y Cristianogion. 11 Y mae efe yn attolwg iddynt ymgadw oddi wrth chwantau cnawdol. 13 Vfyddhau’r llywiawdwyr. 18 Y mae yn dangos pa fodd y dyle’r gwasanaeth-ddynion ymddwyn wrth eu perchen. 20 Gan annog i ddioddef yn ôl siampl Crist. Oherwydd hyn rhoddwch heibio bôb drygioni, a phôb twyll, a phôb rhagrith, a chenfigen, a phôb enllibiad,

²Fel rhai bychain newydd eni byddwch awyddus i ddidwyll laeth y gair, fel y galloch trwy hwnnw gynnyddu,

³Os profasoch chwi fod yr Arglwydd yn dirion,

⁴At yr hwn yr ydych yn dyfod, megis at faen byw anghymmeradwy gan ddynion, eithr gan Dduw etholedig a gwerth-fawr.

⁵A chwithau hefyd megis main bywiol, a adeiladwyd yn dŷ ysprydol, ac yn offeiriadaeth sanctaidd i offrymmu aberthau ysprydol cymmeradwy gan Dduw trwy Iesu Grist.

⁶Am hynny y cynhwysir yn yr scrythur: wele, yr wyf yn rhoddi yn Sion sylfaen arbennic, etholedic, a gwerth-fawr: a’r nêb a gredo ynddo nis gwradwyddir ef.

⁷O blegit hyn i chwi y rhai ydych yn credu vrddas yw: eithr i’r anufyddion y maen a wrthododd yr adeilad-wŷr hwn a wnaed yn hen y gongl,

⁸Ac yn faen tramgwydd, a chraig rhwystr i’r rhai sy yn tramgwyddo wrth y gair gan anufyddhau, i’r hwn beth yr ordeiniwyd hwyntwy.

⁹Eithr chwychwi genhedloedd etholedic ydych, brenhinol offeiriadaeth, pobl sydd yn briodoriaeth [i Dduw,] fel y gallech fynegu rhinweddau y nêb a’ch galwodd o dywyllwch iw ryfedd oleuni ef.

¹⁰Y rhai gynt nid oeddech bobl, yn nawr ydych bobl i Dduw: y rhai gynt nid oedd i chwi drugaredd, yr awr hon a gawsoch drugaredd.

¹¹[1]Fy annwylyd, yr wyf yn attolwg i chwi megis dieithriaid a phererimon, ymgedwch oddi wrth drachwantau’r cnawd, y rhai sy yn rhyfela yn erbyn y cnawd,

¹²A bydded eich ymwreddiad yn honest ym mysc y cenhedloedd, fel y gallo y rhai sy yn eich gogânu fel pe byddech ddrwg weithredwyr, o herwydd eich gweithredoedd da a welant, foliannu Duw yn y dydd yr ymweler ag hwynt.

¹³Ymddarostyngwch oblegit hyn i bôb dynol ordinhâd er mwyn yr Arglwydd, ac i’r brenin fel i’r Goruchaf,

¹⁴Ac i’r llywiawdwŷr fel i’r rhai trwyddo ef a ddanfonir, er dialedd i’r rhai drwg, ac er mawl i’r rhai da.

¹⁵Canys felly y mae ewyllys Duw, fel y galloch trwy wneuthur yn dda ostegu anwybodaeth dynion ffolion.

¹⁶Megis yn rhyddion, ac nid fel rhai yn cymmeryd rydd-did yn lle cochl malis, eithr fel gwasanaethwŷr Duw.

¹⁷Perchwch bawb: cerwch gymdeithas brawdol, ofnwch Dduw: anrhydeddwch y brenin.

¹⁸Gweinidogion, ymostyngwch mewn pob ofn i’ch meistred, nid yn vnic i’r rhai da cyweithas, eithr i’r rhai anghyweithas hefyd.

¹⁹[2]Canys hyn sydd rasol, os o herwydd cydwybod i Dduw y bydd i neb ddwyn custydd, gan ddioddef yn ddiachos.

²⁰O blegit pa glôd yw, er bod yn dda eich ammynedd pan gernodier chwi am eihc beiau? eithr pan wneloch dda, ac er hynny yn dda eich ammynedd yn goddef, hyn sydd rasol ger bron Duw.

²¹Canys i hyn y galwyd chwi: o blegit Crist hefyd a ddioddefodd trosom ni, gan adel i ni siampl, fel y gallech chwi ganlyn ei ôl ef.

²²Yr hwn ni wnaeth bechod, ac ni chaed twyll yn ei enau.

²³Yr hwn pan ddirmygwyd ef, ni ddirmygodd eil-waith: pan ddioddefodd, ni fygythiodd, eithr rhoddodd ar y nêb sydd yn barnu yn gyfiawn.

²⁴Yr hwn ei hun a ddûg ein pechodau ni yn ei gorph ar y pren, fel y gallem ni wedi ein gwared oddi wrth bechod, fyw i gyfiawnder, trwy gleisiau yr hwn yr iachawyd chwi.

²⁵Canys yr oeddech megis defaid yn myned ar gyfeilorn, eithr yn awr chwi a droesoch at Fugail, ac Escob eich eneidiau.