Read William Morgan Bible 1588 original edition 1.Petr 4 Bible Online

1.Petr 4 - William Morgan Bible 1588 original edition bible

1.Petr 4

¹Cynghor i ymado â phechod, ac na threuliom mwy o amser mewn camwedd 7 I fod yn sobr, ac yn hywaith i weddio, 8 I garu ei gilydd. 12 I ddioddef trallod, 15 I ymogelyd rhag bod i neb ddioddef fel dryg-ddyn, 16 Eithr fel Cristion. Am hynny gan ddioddef o Grist trosom ni yn y cnawd, chwithau hefyd arfogwch eich hunain âr vn rhyw feddwl, sef peidio o hwn a ddioddefodd yn y cnawd â phechod.

²Fel na byddo iddo o hyn allan (tros yr hyn sydd yng-weddill o’r amser y cnawd) fyw ar ôl trachwantau dynnion, eithr ar ôl ewyllys Duw.

³Canys digon yw i ni dreulio o honom yr amser a aeth heibio o’r enioes, ar ôl trachwant y cenhedloedd, gan rodio mewn trythyllwch, trachwantau, meddwdod, glothineb, ymŷfed, a ffiaidd eulyn-addoliad.

⁴O achos pa ham y mae yn ddieithr ganddynt, na byddech yn cyd-rêdeg gyd â hwynt, i’r vn rhyw ormod rhysedd, gan [eich] goganu chwi.

⁵Y rhai y bydd rhaid iddynt roddi cyfrif i’r nêb sydd barod i farnu y byw a’r meirw.

⁶Canys er mwyn hynny y pregethwyd yr Efengyl i’r meirw hefyd, fel y condemnid hwynt, o rann dynion yn y cnawd, eithr y gallent fyw o tann Duw yn yr yspryd.

⁷[5]Diwedd pôb peth sydd yn nesau: am hynny byddwch sobr, a gwiliadwrus i weddio.

⁸Ym mlaen pob peth bydded cariad twymn yn eich plith: canys cariad a guddia liaws o bechodau.

⁹Byddwch leteugar bawb iw gilydd yn ddirwgnach.

¹⁰Pawb megis ac y cafodd rodd bydded iddo gyfrannu â’i gilydd, fel daionus orchwylwŷr amryw râs Duw.

¹¹Os dywed neb, [dywedd] megis gair Duw, os gweini a wna neb, [gwnaed] hynny megis o’r gallu y mae Duw yn ei roddi, fel y molianner Duw ym mhôb peth trwy Iesu Grist, i’r hwn y mae gogoniant, ac arglwyddiaeth yn oes oesoedd. Amen.

¹²Oh rai annwyl, na fydded dieithr gennwch y prawf sydd arnoch trwy dân, yr hwn a wnei er profedigaeth i chwi, fel pe digwydde iwch ryw beth dieithr:

¹³Eithr llawenhewch, gan eich bod chwi yn gyfrannog o ddioddefaint Crist, fel y galloch pan eglurer ei ogoniant ef, fod yn llawen, ac yn hyfryd.

¹⁴Os dirmygir chwi er mwyn enw Crist, dedwydd ydych, canys Yspryd y gogoniant, ac Yspryd Duw a orphywys arnoch: yr hwn ar eu rhan hwynt a geblir, ac ar eich rhan chwi a foliennir.

¹⁵Eithr na fydded i neb o honoch oddef, fel llofrudd, neu leidr, neu drwy ddrwg-weithredwr, neu fel vn a fyddo yn ymmyryd â materion rhai eraill:

¹⁶Eithr os fel Cristion, na fydded gywilydd ganddo, eithr molianned Dduw yn hynny o ran.

¹⁷Canys yr amser a ddaeth y bydd rhaid i’r farn ddechreu ar dŷ Dduw: ac os ydyw yn gyntaf yn dechreu arnom ni, pa ryw ddiwedd [a fydd] i’r rhai ni chredant Efengyl Dduw?

¹⁸Ac os prin y bydd y cyfiawn gadwedig pa le yr ymddengys yr anwir a’r pechadur?

¹⁹Ac am hynny y rhai sy yn goddef ar ôl ewyllys Duw, ymroant eu heneidiau trwy wneuthur yn dda, megis i’r creawdydd ffyddlon.