Read William Morgan Bible 1588 original edition 1.Petr 5 Bible Online

1.Petr 5 - William Morgan Bible 1588 original edition bible

1.Petr 5

¹2 Dylêd y bugelydd eglwysic yw porthi defaid Crist, a pha obr a gânt os gwnânt hynny yn ddiwyd. 5 Cynghori y mae y rhai ieuaingc i ymddarostwng i’r henafiaid. 8 Bod yn sobr, a gwilied i allu o honynt wrthladd y gelyn. Yr henaduriaid y rhai sy yn eich plith, yr attolygaf finne yr hwn [wyf] hefyd henadur a thŷst dioddefiadau Crist, a chyfrannog hefyd o’r gogoniant a eglurir rhag llaw,

²Porthwch braidd Duw yr hwn sydd tann eich llaw, ac ymgeleddwch hwynt nid trwy gymmell, eithr yn ewyllyscar, nid er chwant budr-elw, eithr o barodrwydd meddwl:

³Nid fel rhai a fynnant fod yn arglwyddi ar etifeddiaeth [Dduw,] eithr fel y galloch fod yn siampl i’r praidd.

⁴A phan ymddangoso y Pen bugail, cewch anllygradwy goron y gogoniant.

⁵Yr vn ffunyd yr ieuaingc byddwch ostyngedic i’r henuriaid [6]a chyd-ymostyngwch bawb iw gilydd: ac ymdrwsiwch oddifewn ag vfydd-dra meddwl, canys Duw a wrthladd y beilchion, ac a rydd râs i’r rhai vfydd.

⁶Ymostyngwch o achos hyn tann alluog law Dduw, fel y gallo eich derchafu pan ddêl amser.

⁷Bwriwch gwbl o’ch gofal arno ef: canys y mae efe yn gofalu trosoch,

⁸Byddwch sobr, a gwiliwch, canys eich gwrthwyneb-wr diafol sydd megis llew rhuadwy yn rhodio oddi amgylch, gan geisio y nêb a allo ei lyngcu.

⁹Yr hwn, gwrthwynebwch yn gadarn yn y ffydd, gan ŵybod fod yn cyflawni yr vn rhyw ddioddefaint yn eich brodyr, y rhai ydynt yn y hyd.

¹⁰A Duw [awdur] pob grâs, yr hwn a’n galwodd ni iw dragywyddol ogoniant trwy Iesu Grist, wedi i chwi oddef ychydig, a’ch cryfhâo, ac a’ch siccrhâo.

¹¹Iddo ef y byddo gogoniant ac emerodraeth yn oes oesoedd. Amen.

¹²Gyd â Sylfanus brawd ffyddlon i chwi, i’m tŷb i, yr scriefnnais ar ychydig, gan eich cynghori, a thestiolaethu, mai gwir râs Duw ydyw hwn yr ydych yn sefyll ynddo.

¹³Y mae’r [eglwys] yr hon sydd yn Babylon yn gyd-etholedig â chwi yn eich annerch a Marcus fy mâb i.

¹⁴Anherchwch bawb ei gilydd â chusan cariad, tangneddyf i chwi oll y rhai ydych yng-Hrist Iesu, Amen.