Read William Morgan Bible 1588 original edition 2.Petr 1 Bible Online

2.Petr 1 - William Morgan Bible 1588 original edition bible

2.Petr 1

¹Yn gymmeint a darfod i feddiant Duw roddi iddynt bob peth yn perthyn i fuchedd, y mae efe yn eu hannog i ffoi rhag llygredigaeth chwantau y byd. 10 Ac i wneuthur eu galwedigaeth yn ddiogel trwy weithredoedd da, a ffrwythau ffydd. 14 Y mae efe yn coffau am ei farwolaeth ei hun, 17 Gan yspysu bod yr Arglwydd Iesu Grist yn wir Fab Duw, megis ac y gwelse efe ei hun ar y mynydd. Symon Petr gwasanaethwr, ac Apostl Iesu Grist, i’r rhai a freiniasant gyffelyb werthfawr ffydd a ninnau, trwy gyfiawnder ein Duw a’n achubwr Iesu Grist

²Grâs i chwi, a thangneddyf a amlhaer, trwy adnabyddiaeth Duw, ac Iesu ein Harglwydd,

³Megis y rhoddes ei dduwiol allu ef i ni bôb peth a berthynant i fywyd, a duwioldeb, trwy ei adnabyddiaeth ef yr hwn a’n galwodd ni i ogoniant a rhinwedd.

⁴Gan hyn [sef] rhoddi i ni addewidion rhagor-fawr [a] gwerth fawr, fel y gallech trwy y rhai hynny fod yn gyfrannogion o dduwiol anian, wedi diangc o’r llwgr yr hwn sydd yn y byd trwy drachwant.

⁵Ac am hyn rhoddwch gwbl o’ch diwydrwydd, cyssylltwch yng-hŷd â’ch ffydd rinwedd ac yng-hyd, â rhinwedd gŵybodaeth:

⁶Ac yng-hyd â gwybodaeth, gymmedrolder, ac yng-hyd â chymmedrolder, ammynedd, ac yng-hyd ag ammynedd duwioldeb,

⁷Ac yng-hŷd a duwioldeb, caredigrwydd brawdol: ac yng-hŷd â charedigrwyod brawdol, cariad.

⁸Canys os byddwch â’r pethau hyn cennych, ac yn aml hwynt, peri a wnânt na boch na segur na diffrwyth yng-wybodaeth ein Harglwydd Iesu Grist.

⁹O blegit y nêb ni byddo y rhai hyn ganddo, dall ydyw, ac ni wel ddim o bell, yn gollwng tros gof ei lanhau o’i hên bechodau.

¹⁰Am hynny, fy-mrodyr byddwch yn fwy diwyd i wneuthur eich galwedigaeth a’ch etholedigaeth yn siccr: canys o gwnewch chwi hyn ni lithrwch chwi byth.

¹¹Canys felly y trefnir i chwi fforddiad yn helaeth i dragywyddol deyrnas ein Harglwydd a’n Achubwr Iesu Grist.

¹²Am hynny nid esceulusafi eich coffhau chwi byth am y pethau hyn, er eich bod chwi yn gyfarwydd, ac yn siccr yn y gwirionedd presennol.

¹³Canys yr ydwyf yn tybied fod yn iawn i mi, tra fyddwyf yn y tabernacl hwn, eich cyffroi gan ddwyn ar gôf i chwi,

¹⁴Gan wybod fod yn gyfagos yr amser y rhoddaf heibio y tabernacl hwn, megis ac y dangoses ein Harglwydd Iesu Grist i mi.

¹⁵Diwyd fyddaf hefyd ar allu o honoch wneuthur coffa am y pethau hyn, wedi fy ymadawiad i.

¹⁶Canys nid chwedlau dichellgar a ganlynhasom ni, pan oeddem yn mynegi i chwi rinwedd, a dyfodiad ein Harglwydd Iesu Grist, eithr â’n llygaid y gwelsom ei fawredd ef:

¹⁷Canys efe a dderbyniase gan Dduw Tâd, anrhydedd a gogoniant, pan ddaeth cyfryw lêf atto oddi wrth y dirfawr ogoniant, Hwn yw’r annwyl Fâb maufi, yn yr hwn i’m boddlonir.

¹⁸A’r llef hon a glywsom ni pan ddaeth o’r nêf, a ni gyd ag ef yn y mynydd sanctaidd.

¹⁹Yr ydym ni hefyd â gair cadarnaf y prophwydi cennym, i’r hwn da y gweithiwch, o ddarbod am dano, megis am oleuni yn llewyrchu mewn lle tywyll, hyd oni wawrio’r dydd, ac oni chodo’r seren-ddydd yn eich calonnau.

²⁰Os gwybyddwch chwi hynny yn gyntaf, nad oes vn brophwydoliaeth yn yr Scrythur o briod awenydd [dyn.]

²¹Canys nid trwy ewyllys dŷn y daeth gynt brophwydoliaeth: eithr dynnion sanctaidd Duw a ddywedasant megis y cynhyrfwyd gan yr Yspryd glân.