Read William Morgan Bible 1588 original edition 2.Petr 3 Bible Online

2.Petr 3 - William Morgan Bible 1588 original edition bible

2.Petr 3

¹Y mae efe yn dangos scelerder y rhai sy yn gwatwar addewidion Duw. 7 A’r modd y diweddir y byd. 16 A phwy sydd yn cam arfer yr scrythurau. 18 Gan roddi mawr ddiolch i Grist. Yr ail epistol hwn yr ydwyf yn awr yn ei scrifennu attoch fy annwylyd, yn yr hwn yr ydwyf yn dadebru eich meddwl puraidd trwy adgoffau [i chwi,]

²Fel y byddo cofus gennych y geiriau a ragddywedodd y prophwydi sanctaidd, a’n gorchymyn ninnau y rhai ydym Apostolion yr Arglwydd a’n Achubwr.

³Yn gyntaf dehellwch hyn, y daw yn dyddiau diweddaf watwar-wŷr, y rhai a rodiant ar ôl eu trachwantau eu hunain,

⁴Ac a ddywedant, pa le y mae addewid ei ddyfodiad ef? canys er pan fu farw y tadau pob peth sydd yn parhau yn yr vn modd, o ddechreuad y creaduriaeth.

⁵Canys hyn o’u bodd ni’s gŵyddant, fod y nefoedd er ystalm bŷd trwy air Duw, a’r ddaiar ar hefyd sydd o’r dwfr, ac yn y dŵfr.

⁶O herwydd pa ham y bŷd yr hwn a ydoedd y pryd hynny a gollwyd trwy ddwfr diluw.

⁷Eithr y nefoedd a’r ddaiar sy yr awr hon, trwy yr vn gair a roddwyd i gadw i dân erbyn dydd farn, a destruw yr anwir ddynion.

⁸Fy annwylyd, na fydded yr vn peth hyn yn ddirgel i chwi: fod vn dydd gyd â’r Arglwydd megis mîl o flynyddoedd, a mîl o flynyddoedd megis vn dydd.

⁹Nid ydyw’r Arglwydd yn oedi ei addewid (megis y tybia rhai am oed,) eithr ymarhous ydyw efe tu ag attom ni, ac ni fyn efe fôd neb yn golledig, ond dyfod o bawb i edifeirwch.

¹⁰Eithr dydd yr Arglwydd a ddaw megis lleidr y nôs, yn yr hwn y nefoedd a ânt heibio mewn trwst, a’r defnyddiau yn wîr o wrês a dodant, a’r ddaiar a’r gwaith a fyddo ynddi a loscir.

¹¹A chan fôd yn rhaid i hyn eu gyd ymollwng, pa ryw fath ddynion a ddylech chwi fôd mewn sanctaidd ymwreddiad a duwioldeb?

¹²Yn disgwil, ac yn bryssio at ddyfodiad dydd Duw, yn yr hwn y llysc y nefoedd, ac yr ymollwng: a’r defnyddiau gan wrês a doddant.

¹³Eithr yr ydym ni yn disgwil am nefoedd newydd, a daiar newydd, ar ôl ei addewid ef, yn y rhai y cyfannedda cyfiawnder.

¹⁴Am hynny fy annwylyd, gan eich bôd yn gwilied am gyfryw bethau, rhoddwch eich bryd ar allu o honaw ef eich cael yn ddifrychau, ac yn ddilwgr mewn tangnheddyf.

¹⁵Ac am hir ammynedd ein Harglwydd, cyfrifwch mai iechyd yw, megis yr scrifennodd ein caredic frawd Paul attoch chwi yn ôl y doethineb a rodded iddo ef.

¹⁶Megis yr hwn sydd yn sôn ym mhôb epistol am y fath hyn: ym mysc y rhai y mae rhyw bethau anhawdd eu deall, y rhai a ŵyra y saul sydd annyscedig, ac anwadal, fel yr scrythurau eraill er destruw iddynt eu hunain.

¹⁷Chwy-chwi am hynny fy annwylyd, gan eich bôd yn gwybod y pethau hyn ym mlaen llaw, gochelwch rhag eich tynnu chwithau hefyd ar gyrwydr yr anwiriaid, a chwympo oddi wrth eich sicrwydd eich hunain.

¹⁸Eithr cynnyddwch mewn grâs, ac adnabyddiaeth ein Harglwydd a’n Ceidwad Iesu Grist: i’r hwn y byddo gogoniant yr awr hon, ac yn dragywyddol byth. Amen.