Read William Morgan Bible 1588 original edition 1.Ioan 1 Bible Online

1.Ioan 1 - William Morgan Bible 1588 original edition bible

1.Ioan 1

¹2 Testiolaeth wir am dragywyddol air Duw. 7 Bod gwaed Crist yn glânhau oddi wrth bechod. 10 Ac nad oes neb heb pechod. [1]YR hyn oedd o’r dechreuad, yr hyn a glywsom, yr hyn a welsom â’n llygaid, yr hyn a edrychasom arno, ac a deimlodd ein dwylo o air y bywyd,

²(Canys y bywyd a ymddangosodd, a gwelsom, ac yr ydym yn testiolathu, ac yn dangos i chwi y bywyd tragywyddol, yr hwn oedd gyd â’r Tâd, ac a ymddangosodd i ni,)

³Yr hyn [meddaf] a welsom, ac a glywsom yr ydym yn ei fynegu i chwi, fel y byddo i chwithau hefyd gymdeithas gyd â ni, ac fel y byddo ein cymdeithas ni hefyd gyd â’r Tâd a’i Fâb Iesu Grist.

⁴A’r pethau hyn yr ydym yn eu scrifennu attoch fel y byddo eich llawenydd yn gyflawn.

⁵Hyn yw’r genadwri a glywsom ganddo ef, ac yr ydym yn ei adrodd i chwi, mai goleuni yw Duw, ac nad oes ynddo ddim tywyllwch.

⁶Os dywedwn fod i ni gymdeithas ag ef, a rhodio yn y tywyllwch, celwyddog ydym, ac nid ydym ar y gwîr.

⁷Eithr os rhodiwn yn y goleuni, megis y mae efe yn y goleuni, y mae i ni gymdeithas â’i gilydd, a gwaed Iesu Grist ei Fab ef sydd yn ein glanhau oddi wrth bob pechod.

⁸Os dywedwn nad oes ynom bechod, yr ydym yn ein twyllo ein hunain, ar gwirionedd nid yw ynom.

⁹Os cyfaddefwn ein pechodau, ffyddlon yw efe, a chyfiawn, fel y maddeuo i ni ein pechodau, ac ein glânhâo ni oddi wrth bob anwiredd.

¹⁰Os dywedwn na phechasom, yr ydym yn ei wneuthur ef yn gelwyddog, a’i air nid yw ynom.