Read William Morgan Bible 1588 original edition Barn-wŷr 10 Bible Online

Barn-wŷr 10 - William Morgan Bible 1588 original edition bible

Barn-wŷr 10

¹1 Llywodraeth Tholah ac Iair. 4 Sorriant Duw wrth Israel am eu pechodau. Yna y cyfododd ar ôl Abimelech i waredu Israel Tholah mab Phuah mab Dodo, gŵr o Issachar: ac efe oedd yn trigo yn Samir ym mynydd Ephraim.

²Ac efe a farnodd Israel dair blynedd ar hugain, ac a fu farw, ac a gladdwyd yn Samir.

³Ac ar ei ôl ef y cyfododd Iair y Gileadiad: ac efe afarnodd Israel ddwy flynedd ar hugain.

⁴Ac iddo ef yr oedd deng-mab ar hugain yn marchogeth ar ddec ar hugain o ebolion assynnod, a dec dinas ar hugain [oedd] ganddynt: y rhai a elwid trefydd Iair hyd y dydd hwn, y rhai [oeddynt] yng-wlâd Gilead.

⁵Yna Iair a fu farw, ac a gladdwyd yn Camon.

⁶A meibion Israel a chwanegasant wneuthur yr hyn oedd ddrwg yng-olwg yr Arglwydd, ac a wasanaethasant Baalim, ac Astaroth, a duwiau Syria, a duwiau Sidon, a duwiau Moab, a duwiau meibion Ammon, a duwiau y Philistiaid: a gwrthodasant yr Arglwydd, ac nis gwasanaethasant ef.

⁷Am hynny y llidiodd digllonedd yr Arglwydd yn erbyn Israel: ac efe ai rhoddodd hwynt yn llaw y Philistiaid, ac yn llaw meibion Ammon.

⁸A hwynt a flinasant, ac a ddrylliasant feibion Israel o’r flwyddyn honno allan (sef tair blynedd ar bymthec) [ie] holl feibion Israel y rhai [oeddynt] tu hwnt i’r Iorddonen, yng-wlâd yr Amoriaid yr hon [sydd] yn Gilead.

⁹A meibion Ammon a aethant trwy’r Iorddonen i ymladd hefyd yn erbyn Iuda, ac yn erbyn Beniamin, ac yn erbyn tŷ Ephraim: fel y bu gyfyng iawn ar Israel.

¹⁰Yna meibion Israel a lefasant ar yr Arglwydd, gan ddywedyd: pechasom yn dy erbyn, o herwydd gwrthodasom ein Duw ni, a gwasanaethasom Baalim.

¹¹A dywedodd yr Arglwydd wrth feibion Israel: oni [waredais chwi] rhac yr Aiphtiaid, ac rhac yr Amoriaid, ac rhac meibion Ammon, ac rhac y Philistiaid?

¹²Y Sidoniaid hefyd a’r Amaleciaid a’r Moaniaid a’ch gorthrymmasant chwi: a chwi a alwasoch arnaf, a minne a’ch gwaredais chwi oi llaw hwynt.

¹³Etto chwi a’m gwrthodasoch i, ac a wasanaethasoch dduwiau dieithr: am hynny ni waredaf chwi mwyach.

¹⁴Ewch, a llefwch at y duwiau y rhai a ddewisasoch: hwynt a’ch gwaredant chwi yn amser eich cyfyngdra.

¹⁵A meibion Israel a ddywedasant wrth yr Arglwydd, pechasom, gwna di i ni fel y gwelech yn ddâ: etto gwaret ni attolwg y dydd hwn.

¹⁶Yna hwynt a fwriasant ymmaith y duwiau dieithr oi mysc hwynt, ac a wasanaethasant yr Arglwydd: ai enaid ef a dostyriodd o herwydd adfyd Israel.

¹⁷Yna meibion Ammon a ymgynnullasant, ac a werssyllasant yn Gilead: a meibion Israel a ymgasclasant, ac a werssyllasant yn Mispah.

¹⁸Y bobl hefyd [a] thywysogion Gilead a ddywedasant bob vn wrth ei gilydd, pa ŵr bynnac a ddechreuo ymladd yn erbyn meibion Ammon: efe a fydd yn bennaeth ar drigolion Gilead.