Read William Morgan Bible 1588 original edition Barn-wŷr 13 Bible Online

Barn-wŷr 13 - William Morgan Bible 1588 original edition bible

Barn-wŷr 13

¹1 Y Philistiaid yn gorthrymmu Israel am eu hanwiredd. 3 Angel Duw yn ymddiddan a gwraig Manoah ag yn addo iddi fâb yr hwn a warede Israel. 24 Ganedigaeth Samson. A meibion Israel a chwanegasant wneuthur yr hyn oedd ddrwg yng-olwg yr Arglwydd: am hynny y rhoddodd yr Arglwydd hwynt yn llaw y Philistiaid ddeugain mlhynedd.

²Yna’r oedd rhyw ŵr yn Zorah o dylwyth y Daniaid, ai enw ef [oedd] Manoah, ai wraig ef [oedd] amhlantadwy, sef heb planta.

³Ac angel yr Arglwydd a ymddangosodd i’r wraig: ac a ddywedodd wrthi, wele yn awr amhlantadwy ydwyt ti, ac heb planta, ond ti a feichiogi, ac a escori ar fab.

⁴Ac yn awr ymochel, ac nac ŷf wîn, na diod gadarn: ac na fwytta ddim aflan.

⁵Canys wele ti a feichiogi, ac a escori ar fab, ac ni chyffwrdd ellyn ai benn ef, canys Nazaread Duw fydd y bachgen o’r grôth: ac efe a ddechreu waredu Israel o law y Philistiaid.

⁶Yna y daeth y wraig, ac a fynegodd iw gŵr gan ddywedyd, gŵr Duw a ddaeth attafi, ai brŷd ef [oedd] fel prŷd angel Duw yn ofnadwy iawn: ond ni ofynnais iddo o ba le yr oedd efe, ac ni fynegodd yntef i mi ei henw.

⁷Ond efe a ddywedodd wrthif, wele, ti a feichiogi, ac a escori ar fab: ac yn awr nac ŷf wîn, na diod gadarn, ac na fwytta ddim aflan, canys Nazaread Duw fydd y bachgen o’r grôth hyd yn nydd ei farwolaeth.

⁸Yna Manoah a weddiodd ar yr Arglwydd, ac a ddywedodd: attolwg fy Arglwydd gad ti i ŵr Duw’r hwn a anfonaist ti ddyfod eil-waith attom ni, fel y dysco efe i ni beth a wnelom ni i’r bachgen yr hwn a enir.

⁹A Duw a wrandawodd ar lef Manoah: ac angel Duw a ddaeth eilwaith at y wraig pan oedd hi yn eistedd yn y maes, a Manoah ei gŵr heb [fod] gyd a hi.

¹⁰A’r wraig a fryssiodd, ac a redodd, ac a fynegodd iw gŵr, ac a dywedodd hefyd wrtho ef: wele ymddangosodd y gŵr i mi yr hwn a ddaetth attafi y dydd [arall.]

¹¹Yna Manoah a gyfododd, ac a aeth ar ôl ei wraig: ac a ddaeth at y gŵr, ac a ddywedodd wrtho ef, ai ti [yw]’r gŵr yr hwn a leferaist wrth y wraig? dy wedodd yntef [îe] myfi.

¹²A dywedodd Manoah, deled yn awr dy eiriau: [ond] pa ddull fydd y bachgen ai weithredoedd?

¹³Ac angel yr Arglwydd a ddywedodd wrth Manoah: rhac yr hyn oll a ddywedais wrth y wraig, ymocheled hi.

¹⁴Na fwyttaed hi o ddim a’r a ddel allan o’r win-wydden, nac yfed hi wîn, na diod gadarn, ac na fwyttaed dim aflan: cadwed yr hyn oll a orchymynnais iddi hi.

¹⁵Yna y dywedodd Manoah wrth angel yr Arglwydd: gad attolwg i ni dy attal, fel y paratôm fynn gafr ger dy fron di.

¹⁶Ac angel yr Arglwydd a ddywedodd wrth Manoah, pe attelit fi ni fwytawn o’th fara di, ond os gwnei boeth offrwm, gwna ef i’r Arglwydd: canys ni wydded Manoah mai angel yr Arglwydd [oedd] efe.

¹⁷A Manoah a ddywedodd wrth angel yr Arglwydd, beth [yw] dy enw? fel i’th anrhydeddom di pan ddelo dy eiriau di [i benn.]

¹⁸Ac angel yr Arglwydd a ddywedodd wrtho ef i ba beth yr ymofynni a’m fy enw? canys rhyfeddol yw.

¹⁹Yna Manoah a gymmerth fynn gafr, a bwyd offrwm, ac a boeth offrymmodd ar y graig i’r Arglwydd: ac efe a wnaeth yn rhyfedd, a Manoah ai wraig oeddynt yn edrych.

²⁰Canys pan dderchafodd y fflam oddi ar yr allor tua’r nefoedd, yna angel yr Arglwydd a dderchafodd yn fflam yr allor: Manaoh ai wraig oeddynt yn edrych, a hwynt a syrthiasant i l awr ar eu hwynebau.

²¹Ac ni chwanegodd angel yr Arglwydd ymddangos mwyach i Manoah, nac iw wraig ef: yna y gwybu Manoah mai angel yr Arglwydd [oedd] efe.

²²A Manaoh a ddywedodd wrth ei wraig, gan farw y byddwn farw: canys Duw o welsom.

²³Yno ei wraig a ddywedodd wrtho ef, pe mynnase’r Arglwydd ein lladd ni, ni chymmerase efe y poeth offrwm, a’r bwyd offrwm o’n llaw ni, ac ni ddangosase efe i ni’r holl bethau hyn: ac ni pharase efe i ni y pryd hyn glywed y fath bethau.

²⁴A’r wraig a ymddug fab, ac hi a alwodd ei enw ef Samson: a’r bachgen a gynnyddodd, a’r Arglwydd ai benthiodd ef.

²⁵Ac yspryd yr Arglwydd a ddechreuodd ar amseroedd ddyfod arno ef yng-werssyll Dan: rhwng Sorah, ac Esthoal.