Read William Morgan Bible 1588 original edition Barn-wŷr 15 Bible Online

Barn-wŷr 15 - William Morgan Bible 1588 original edition bible

Barn-wŷr 15

¹Samson yn llosci yd y Philistiaid. 6 Hwythau yn llosci ei wraig ef ai thâd. 19 Samson yn cael dwfr o gilddant carr gên assyn. Ac wedi [talm] o ddyddiau yn amser cynhaiaf y gwenith, yna Samson a aeth i ymweled ai wraig, a mynn gafr, ac a ddywedodd, mi a âf i mewn at fyng-wraig i’r stafell: ond ni chanhiade ei thâd hi iddo ef fyned i mewn.

²Yna ei thâd a lefarodd gan ddywedyd, tygaswn it ei chasau hi, am hynny y rhoddais hi i’th gyfell di: onid [yw] ei chwaer ieuangach yn lanach na hi? bydded [honno] i ti attolwg yn ei lle hi.

³A Samson a ddywedodd wrthynt, difeiach ydwyf y waith hon na’r Philistiaid: am hynny y gwnaf niwed iddynt.

⁴Yna Samson a aeth allan, ac a ddaliodd dry-chant o lwynogod: ac a gymmerth ffaglau, ac a drodd gynffon y naill at y llall, ac a osododd vn ffagl rhwng [pob] dwy gynffon yn y canol.

⁵Felly efe a gynueuodd dân yn y ffaglau, ac a loscodd hyd yn oed y dasau a’r ŷd a oedd ar ei draed, y gwinllannoedd hefyd [a’r] oliwydd.

⁶Yna y Philistiaid a ddywedasant, pwy a wnaeth hyn? hwythau a ddywedasant, Samson daw y Thimniad, canys efe a ddûg ei wraig ef, ac ai rhoddodd iw gyfell: a’r Philistiaid a aethant i fynu, ac ai lloscasant hi ai thâd a thân.

⁷A dywedodd Samson wrthynt, er i chwi wneuthur fel hyn: etto mi a ymddialaf arnoch chwi, ac wedi [hynny] y peidiaf.

⁸Ac efe ai tarawodd hwynt [ar] glûn [ac] ar froddwyd a phlâ mawr: yna efe a aeth i wared, ac a arhosodd yng-hoppa craig Etam.

⁹Yna y Philistiaid a aethant i fynu, ac a werssyllasant yn Iuda: ac a ymledasant yn Lehi.

¹⁰A gwŷr Iuda a ddywedasant, pa ham y daethoch i fynu i’n herbyn ni? a dywedasant hwythau i rwymo Samson y daethom i fynu, i wneuthur iddo ef fel y gwnaeth efe i ninnau.

¹¹Yna tair mîl o wŷr o Iuda a aethant i wared i goppa craig Etam, ac a ddywedasant wrth Samson, oni wyddost ti mai yr Philistiaid sydd yn arglwyddiaethu arnom ni? pa ham gan hynny y gwnaethost hyn a ni? dywedodd yntef wrthynt, fel y gwnaethant hwy i mi, felly y gwneuthum inne iddynt hwythau.

¹²Dywedasant hwythau wrtho, i’th rwymo di y daethom i wared, [ac] i’th roddi yn llaw y Philistiaid: a Samson a ddywedodd wrthynt, tyngwch wrthif na ruthroch i’m herbyn eich hunain.

¹³Hwythau ai hattebasant ef gan ddywedyd, ni [ruthrwn] eithr gan rwymo i’th rwymwn di, ac i’th roddwn yn eu llaw hwynt, ond ni lladdwn monot: a rhwymasant ef a dwy o raffau newyddion, ac ai dugasant ef i fynu o’r graig.

¹⁴Efe a ddaeth hyd Lehi, a’r Philistiaid a floeddiasant wrth gyfarfod ag ef: ac yspryd yr Arglwydd a ddaeth arno ef, a’r rhaffau y rhai oeddynt am ei freichiau a [aethant] fel edafedd llîn y rhai a loscasyd yn tân, a’r cylymmau a a ddatodasant oddi am ei ddwylaw ef.

¹⁵Ac efe a gafodd ên assyn îr, ac a estynnodd ei law, ac ai cymmerodd, ac a darawodd a a hi fil o wŷr.

¹⁶Yna Samson a ddywedodd, a gên yr assyn [y lledais] ben-twrr, [îe] ddau ben-twrr: a gên yr assyn y tarewais fil o wŷr.

¹⁷A phan orphennodd efe lefaru, yna efe a daflodd yr ên oi law: ac efe a alwodd y lle hwnnw Ramath Lehi.

¹⁸Ac efe a sychedodd yn dôst, ac a lefodd ar yr Arglwydd, ac a ddywedodd, tydi a roddaist yn llaw dy wâs yr ymwared mawr ymma: ac yn awr a fyddafi farw gan syched? ac a syrthiafi yn llaw y rhai dienwaededic?

¹⁹Yna Duw a holltodd y cilddant yr hwn [oedd] yn yr ên fel y daeth allan ddwfr o honaw, ac efe a yfodd, ai yspryd a ddychwelodd, fel yr adfywhaodd efe: am hynny y galwyd ei henw ffynnon y geilwad, yr hon [sydd] yn Lehi hyd y dydd hwn.

²⁰Ac efe a farnodd Israel yn nyddiau y Philistiaid vgain mlhynedd.