Read William Morgan Bible 1588 original edition Barn-wŷr 17 Bible Online

Barn-wŷr 17 - William Morgan Bible 1588 original edition bible

Barn-wŷr 17

¹Gau-dduwiaeth Micah. AC yr oeddgŵr o fynydd Ephraim aienw Micah,

²Ac efe a ddywedodd wrth ei fam, y mîl a’r cant [sicl] arian hynny y rhai a dducpwyd oddi arnat, ac y rhegaist [am danynt] fel y dywedaist hefyd lle y cluwais, wele yr arian gyd a mi, myfi ai cymmerais hwynt: yna y dywedodd ei fam ef, bendigedic [fyddech] fy mab gan yr Arglwydd.

³Pan roddodd efe y mîl a’r cant [sicl] arian adref iw fam: yna ei fam a ddywedodd gan gyssegru y cyssegrais yr arian i’r Arglwydd o’m llaw fy hun i’m mab i wneuthur delw gerfiedic, a thoddedic, am hynny yn awr mi ai rhoddaf eil-waith.

⁴Wedi talu o honaw yr arian iw fam: yna ei fam ef a gymmerth ddau cant [sicl] o arian, ac ai rhoddodd i’r toddudd, ac efe ai gwnaeth yn ddelw gerfiedic a thoddedic, a hi a fu yn nhŷ Micah.

⁵A chan y gŵr hwn Micah [yr oedd] teml: ac efe a wnaeth Ephod a Theraphiaid, ac a gyssegrodd vn oi feibion i fod yn offeiriad iddo.

⁶Yn y dyddiau hynny nid [oedd] brenin yn Israel: pôb vn a wnae yr hyn oedd inion yn ei olwg ei hun.

⁷Ac yr oedd llangc o Bethlehem Iuda o dylwyth Iuda: a Lefiad [oedd] efe, ac efe a ymdeithiase yno.

⁸(A’r gŵr a aeth o’r ddinas [sef] o Bethlehem Iuda) i drigo pa le bynnac y caffe efe [lê:] ac efe a ddaeth i fynydd Epraim hyd yn nhŷ Micah yn ei ymdaith.

⁹A Micah a ddywedodd wrtho ef, o ba le y daethost ti? dywedodd yntef wrtho, Lefiad ydwyf o Bethlehem Iuda, a myned yr ydwyf i drigo lle y caffwyf [lê.]

¹⁰Yna Micah a ddywedodd wrtho ef, trig gyd a mi, a bydd i mi yn dad, ac yn offeiriad, a minne a roddaf i ti ddec [o siclau] arian bob blwyddyn, a dwy wisc, a’th lynniaeth: felly y Lefiad a aeth [gyd ag ef.]

¹¹A’r Lefiad a fu fodlon i aros gyd a’r gŵr: a’r llangc oedd iddo fel vn oi feibion ei hun.

¹²A Micah a vrddodd y Lefiad, a’r llangc fû yn offeiriad iddo: ac a arhosodd yn nhŷ Micah.

¹³Yna y dywedodd Micah, yn awr y gwn y gwna’r Arglwydd daioni i mi: gan fod Lefiad gennifi’n offeiriad.