Read William Morgan Bible 1588 original edition Barn-wŷr 18 Bible Online

Barn-wŷr 18 - William Morgan Bible 1588 original edition bible

Barn-wŷr 18

¹Meibion Dan yn gyrru i chwilio y wlâd am ehangder iddynt hwy. 11 Eu rhyfel wŷr hwynt yn dwyn eulyn dduwiau Micah ai offeiriad. 27 ac yn ennill Lais. Yn y dyddiau hynny nid [oedd] frenin yn Israel: ac yn y dyddiau hynny llwyth Dan oedd yn ceisio iddo etifeddiaeth i drigo, canys ni syrthiase iddo ef hyd y dydd hwnnw etifeddiaeth ym mysc llwythau Israel.

²Am hynny meibion Dan a anfonasant oi tŷ lwyth hump o wŷr oi brô [sef] gwŷr grymmus, o Sorah, ac o Esthaol i gerdded y wlâd, ac iw chwilio, ac a ddywedasant wrthynt, ewch, chwiliwch y wlâd; yna y daethant i fynydd Ephraim hyd tŷ Micah ac a letteuasant yno.

³[Pan oeddynt] hwy wrth dŷ Micah, yna hwynt a adnabuant lais y llangc [sef] y Lefiad: ac a droasant yno, ac a ddywedasant wrtho, pwy a’th ddûg di ymma? a pheth yr ydwyt ti yn ei wneuthur ymma? a pheth [sydd] i ti ymma?

⁴Ac efe a ddywedodd wrthynt, fel hyn, ac fel hyn y gwnaeth Micah i mi: ac efe a’m cyflogodd i, ai offeiriad ef ydwyfi.

⁵A hwynt a ddywedasant wrtho ef, ymgynghora attolwg a Duw: fel y gwypom a lwydda ein ffordd yr hon yr ydym ni yn rhodio arni.

⁶A’r offeiriad a ddywedodd wrthynt ewch mewn heddwch: yr Arglwydd a lwydda eich ffordd chwi yr hon a gerddwch chwi.

⁷Yna y pum-wr a aethant ymmaith, ac a ddaethant i Lais: pan welsant hwy y bobl y rhai [oeddynt] ynddi yn trigo mewn diogelwch yn ôl arfer y Sidoniaid yn llonydd, ac yn ddiofal, ac heb ddim yn gwneuthur sarhaed ar y wlad, [na neb] yn etifeddu y frenhiniaeth, ai [bod] hwynt ym mhell oddiwrth y Sidoniaid, ac heb gyweithas rhyngddynt a neb.

⁸Yna y daethant at eu brodyr i Sorah, ac Esthoal: ai brodyr a ddywedasant wrthynt, beth [a ddywedwch] chwi?

⁹Hwythau a ddywedasant, cyfodwch ac awn i fynu arnynt, canys gwelsom y wlâd, ac wele da iawn [yw hi:] ai tewi’r ydych chwi? na russwch fyned i ddyfod i mewn i orescyn y wlâd.

¹⁰(Pan ddeloch, chwi a ddeuwch at bobl ddiofal, a gwlâd ehang [ei] therfynau) canys Duw ai rhoddodd hi yn eich llaw chwi: [sef] lle’r hwn nid [oes] ynddo brinder o ddim oll a’r y [sydd] yn y byŷd.

¹¹Am hynny yr aeth oddi yno, o dylwyth y Daniaid, o Sorah, ac o Esthaol chwe chanwr wedi ymwregyssu ag arfau rhyfel.

¹²A hwynt a aethant i fynu, ac a werssyllasant yn Ciriath-Iearim yn Iuda: am hynny y galwasant y fann honno * Mahaneh Dan hyd y dydd hwn, wele [y mae] o’r tu ôl i Ciriath-Iearim.

¹³Ac hwy a aethant oddi yno i fynydd Ephraim: a daethant hyd tŷ Micah.

¹⁴A’r pum-wr y rhai a aethent i chwilio gwlâd Lais a lefarasant, ac a ddywedasant wrth eu brodyr, oni ŵyddoch chwi fod yn y tai hyn Ephod, a Theraphiaid, a delw gerfiedic, a thoddedic: : gan hynny gwybyddwch yn awr beth a wneloch.

¹⁵A hwy a droasant yno, ac a ddaethant hyd dŷ y llangc [sef] y Lefiad [yn] nhŷ Micah: ac a gyfarchasant iddo yn heddychlon.

¹⁶A’r chwe chan-wr y rhai oeddynt wedi eu gwregyssu ag arfau rhyfel, oeddynt yn sefyll [wrth] ddrws y porth: [sef] y rhai [oeddynt] o feibion Dan.

¹⁷Yna’r pum-wr y rhai a aethent i chwilio y wlâd a escynnasant, [ac] a aethant i mewn yno, [a] dugasant ymmaith y ddelw gerfiedic a’r Ephod, a’r Teraphiaid, a’r ddelw doddedic: a’r offeiriad oedd yn sefyll wrth ddrws y porth gyd a’r chwe-chan-wr y rhaioeddynt wedi ymwregyssu ag arfau rhyfel.

¹⁸Pan aeth y rhai hynny i dŷ Micah, a [phan] ddugasant ymmaith y ddelw gerfiedic, yr Ephod, a’r Teraphiaid, a’r ddelw doddedic: yna’r offeiriad a ddywedodd wrthynt, beth yr ydych chwi yn ei wneuthur?

¹⁹Hwyntau a ddywedasant wrtho, taw-sôn, gosot dy law ar dy safn, a thyret gyd a ni, a bydd i ni yn dâd ac yn offeiriad: ai gwell i ti fod yn offeiriad i dŷ vn gŵr? na’th fod yn offeiriad i lwyth, ac i deulu yn Israel?

²⁰A da fu [hynny gan] galon yr offeiriad, ac efe a gymmerth yr Ephod, a’r Teraphiaid, a’r ddelw gerfiedic rac efe a aeth ym mysc y bobl.

²¹A hwynt a droasant, ac a aethant ymmaith: ac a osodasant y plant, a’r anifeiliaid, a’r golud oi blaen hwynt.

²²[Pan] oeddynt hwy ym mhell oddi wrth dy Micah: yna y gwŷr y rhai [oeddynt] yn y tai, y rhai [oeddynt] wrth dŷ Micah, a ymgasclasant, ac a erlidiasant feibion Dan.

²³A hwynt a waeddasant ar feibion Dan, hwythau a droasant eu hwynebau: ac a ddywedasant wrth Micah: beth [a ddarfu] i ti pan ydwyt yn bloeddio?

²⁴Yntef a ddywedodd, y duwiau y rhai a wneuthum i a ddugasoch chwi ymmaith, a’r offeiriad, ac a aethoch i ffordd, a pheth [sydd] gennifi mwyach? pa ham gan hynny y dywedwch wrthif beth [a ddarfu] i ti?

²⁵A meibion Dan a ddywedasant wrtho, na phâr glywed dy lef yn ein mysc ni: rhac i wŷr digllon ruthro i’th erbyn, a cholli o honot dy enioes, ac enioes dy [dylwŷth.]

²⁶Felly meibion Dan a aethant iw ffordd: pan ganfu Micah mai cryfach oeddynt hwy nag ef, yna efe a drôdd, ac a ddychwelodd iw dy ei hun.

²⁷A hwynt a gymmerasant yr hyn a wnaethe Micah, a’r offeiriad yr hwn oedd ganddo ef, ac a ddaethant i Lais at bobl lonydd, a diofal, ac ai tarawsant hwynt a mîn y cleddyf: ac a loscasant y ddinas a thân.

²⁸Ac nid [oedd] waredudd, canys pell [oedd] hi oddi wrth Sidon, ac nid [oedd] cyweithas rhyngddynt a nêb, hefyd [yr oedd] hi mewn dyffryn yr hwn [ydoedd] wrth Bethrehob: yna’r adailadasant y ddinas, ac a drigasant ynddi.

²⁹A galwasant enw y ddinas Dan, yn ôl henw Dan eu tad yr hwn a anesyd i Israel: ac er hynny Lais [oedd] henw y ddinas yn gyntaf.

³⁰Yna meibion Dan a osodasant iddynt y ddelw gerfiedic: ac Ionathan mab Gersom mab Manasses efe ai feibion fuant yn offeiriaid i lwyth Dan, hyd ddydd caeth gludiad y wlâd.

³¹Felly y gosodasant iddynt y ddelw gerfiedic yr hon a wnaethe Micah, yr holl ddyddiau a’r y bu tŷ Dduw yn Silo.