Read William Morgan Bible 1588 original edition Barn-wŷr 5 Bible Online

Barn-wŷr 5 - William Morgan Bible 1588 original edition bible

Barn-wŷr 5

¹Cân Debora i ddiolch i Dduw am yr oruchafiaeth yn erbyn Sisera. Yna y canodd Debora, a Barac mab Abinoam y diwrnod hunnw gan ddywedyd:

²Am ddial dialeddau ar Israel, [ac] am ymgymmell o’r bobl: bendithiwch yr Arglwydd.

³Clywch o frenhinoedd, gwrandewch o dywysogion: myfi, myfi a ganaf i’r Arglwydd, canmolaf Arglwydd Dduw Israel.

⁴Oh Arglwydd pan aethost allan o Seir, pan gerddaist o faes Edom, y ddaiar a grynnodd, y nefoedd hefyd a ddiferasant: a’r cwmylau a ddefnynnasant ddwfr.

⁵Y mynyddoedd a doddasant o flaen yr Arglwydd: megis Sinai hwnnw o flaen Arglwydd Dduw Israel.

⁶Yn nyddiau Samgar mab Anath, yn nyddiau Iael y llwybrau a beidiasant: a’r fforddolion a gerddasant lwybrau ceimion.

⁷Trefi a darfuant yn Israel: darfuant nes i mi Debora gyfodi, nes i mi gyfodi yn fam yn Israel,

⁸[Israel] a ddewisodd dduwiau newyddion, yna rhyfel [oedd] yn y pyrth: a welpwyd tarian, na gwaiw-ffon ym mysc deugain mîl yn Israel?

⁹Fyng-halon [sydd] tu ag at ddeddf-wŷr Israel, [a thu ag at] y rhai ewyllyscar ym mhlith y bobl: bendithiwch yr Arglwydd.

¹⁰Y rhai sy yn marchogeth ar assynnod gwynnnion, y rhai sy yn aros ym Midin, a’r rhai sy yn rhodio ar hyd y ffordd, lleferwch.

¹¹Canys trwst y saethyddion ym mysc y rhai a dynnent ddwfr [a beidiodd,] yno’r adroddant gyfiawnderau’r Arglwydd, cyfiawnderau [tu ag at] y trefydd yn Israel: yna pobl yr Arglwydd a aethant i wared i’r porth.

¹²Deffro, deffro Debora, deffro, deffro traetha gân: cyfot Barac, a chaethgluda dy gaethglud ô fab Abinoam.

¹³Yna’r hwn a adewir a lywodraetha ar bendefigion y bobl: yr Arglwydd a rydd lywodraeth ar gedyrn i mi.

¹⁴O Ephraim [yr oedd] eu gwreiddin hwynt yn erbyn Amalec, ar dy ôl di [yr oedd] Beniamin ym mysc dy bobl: y deddf-wŷr a ddaethant i wared o Machir, a scrifennyddion o Zabulon.

¹⁵A thywysogion Issachar [oeddynt] gyd a Debora, îe Issachar, a Barac, a anfonwyd ar ei draed i’r dyffryn: am ddosparthiadau Ruben [yr oedd] mawr ofal calon.

¹⁶Paham yr arhosaist rhwng y corlannau i wrando brefiadau y defaid? am ddosparthiadau Ruben yr oedd mawr ofal calon.

¹⁷Gilead a drigodd o’r tu hwnt i’r Iorddonen, a pha ham yr erys Dan mewn llongau? Aser a drigodd wrth borthladd y mor, ac a arhosodd ar ei adwyau.

¹⁸Pobl Zabulon a roddes eu henioes i farw, felly [y gwnaeth] Nephthali ar vchel-fannau y maes.

¹⁹Brenhinoedd a ddaethant, [ac] a ymladdasant, yna brenhinoedd Canaan a ymladdasant yn Thaanac wrth ddyfroedd Megido: [ond] ni ddygasant [gymmaint a] dernyn o arian.

²⁰O’r nefoedd yr ymladdasant: y sêr oi graddau a ymladdasant yn erbyn Sisara.

²¹Afon Cison ai scubodd hwynt, yr hên afon [sef] afon Cison: fy enaid, ti a gerddaist yn lew.

²²Yna y drylliodd carnau y meirch gan aml garlamman ei gryfion ef.

²³Melldigwch Meroz medd angel yr Arglwydd, gan felldigo melldigwch ei thrigolion: am na ddaethant yn gynnorthwy i’r Arglwydd, yn gynnorthwy i’r Arglwydd yn erbyn y cedyrn.

²⁴Bendithier Iael gwraig Heber y Cenead goruwch gwragedd [eraill:] bendithier [hi] goruwch gwragedd [yn presswylio]mewn pebyll.

²⁵Dwfr a geisiodd efe, llaeth a roddes hithe: mewn phiol ardderchog y dûg hi ymenyn.

²⁶Ei llaw [asswy] at yr hoel, ai llaw ddehau at forthwyl y gweithwŷr a ymestynnasant: a hi a ddrylliodd Sisara, ac a dorrodd ei benn ef, archollodd hefyd, a thrywanodd ei arlais ef.

²⁷Wrth ei thraed yr ymgrymmodd efe, syrthiodd a gorweddodd: wrth ei thraed yr ymgrymmodd efe, syrthiodd lle’r ymgrymmodd, yno y syrthiodd yn anrhaithiedic.

²⁸Mam Sisara a edrychodd drwy’r ffenestr, ac a waeddodd drwy’r dellt, pa ham yr oeda ei gerbyd heb dyfod? paham yr arafodd olwynion ei gerbyd?

²⁹Ei harglwyddesau doethion ai hattebasant, hithe hefyd a adroddodd ei geiriau wrthi ei hun.

³⁰Oni chawsant hwy, [ac oni] rannasant yr anrhaith? llangces [neu] ddwy i bob gŵr, anrhaith o [wiscoedd] symmud-liw (sydd] eiddo Sisara, [îe] anrhaith o wniadwaith symmudliw: symmudliw o wniadwaith o’r ddautu, i rannwr pennaf yr anrhaith.

³¹Felly y darfyddo am dy holl elynnion di ô Arglwydd, a’r rhai a’th hoffant di [fyddant] fel yr haul yn myned yn ei rym: a’r wiâd a gafodd lonydd ddeugain mhlynedd.