Read William Morgan Bible 1588 original edition 3.Ioan 1 Bible Online

3.Ioan 1 - William Morgan Bible 1588 original edition bible

3.Ioan 1

¹Duwiol fuchedd Gaius. 9 Anglod Diotrephes. 12 A chlod Demetrius. Yr henuriad at yr annwyl Gaius, yr hwn yr wyf yn ei garu mewn gwirionedd.

²Yr annwyl, yr ydwyf yn dymuno yn bennaf dy fôd yn llwyddo, ac yn dda’r bŷd arnat, fel y mae dy enaid yn llwyddo.

³Canys llawenychais yn fawr, pan ddaeth dy frodyr a thestiolaethu am y gwirionedd sydd ynot, fel yr ydwyt yn rhodio mewn gwirionedd.

⁴Nid oes gennif lawenydd mwy nâ hyn [nid amgen,] clywed bôd fy meibion yn rhodio mewn gwirionedd.

⁵Yr annwyl, yr ydwyt yn gwneuthur yn ffyddlon yr hyn yr wyt yn ei wneuthur i’r brodyr, ac i estroniaid,

⁶Y rhai a destiolaethasant am dy gariad ger bron yr eglwysi, y rhai os hebryngi rhagddynt megis y gwedde o herwydd Duw, da y gwnei.

⁷Canys er mwyn ei enw ef yr aethant allan, heb gymmeryd dim gan y cenhedloedd.

⁸Nyni a ddylêm gan hynny dderbyn y cyfryw rai, fel y byddom gynhorthwy-wŷr i’r gwirionedd.

⁹Scrifennais at yr eglŵys: eithr Dietrephes yr hwn sydd yn chwennych cael blaenori yn eu plith hwy, ni dderbyn ddim o honom.

¹⁰O herwydd pa ham, os deuaf, mi a fynegaf ei weithredoedd y rhai y mae yn eu gwneuthur, gan siarad yn ein herbyn ni â geiriau drygionus: ac nid yn fodlon i hynny, hefyd nid yw efe ei hun yn derbyn y brodyr, eithr y mae yn gwahardd y rhai a ewyllysient, ac yn eu gyrru o’r eglwys.

¹¹Fy annwylyd, na ddilyn yr hyn sydd ddrwg, ond yr hyn sydd dda: yr hwn sydd yn gwneuthur daioni o Dduw y mae: a’r hwn a wna ddrygioni, ni welodd Dduw.

¹²Y mae i Demetrius air da gan bawb, a chan y gwirionedd ei hunan: a nyni hefyd ein hunain ydym yn testiolaethu, a gwyddoch fôd ein testiolaeth ni yn wîr.

¹³Y mae i mi lawer o bethau iw scrifennu: eithr nid a phen ac ingc yr escrifennaf i attat.

¹⁴Gobeithio yr ydwyf gael dy weled ar fyrder, ac y cawn ymddiddan enau yng-enau.

¹⁵Tangnheddyf i ti, y mae y cyfeillion i’th annerch: annerch y cyfeillion wrth eu henwau.