Read William Morgan Bible 1588 original edition Iudas 1 Bible Online

Iudas 1 - William Morgan Bible 1588 original edition bible

Iudas 1

¹Y mae yn cynghori pawb i ymgadw oddi wrth y gau athrawon gan ddangos eu drwg cynneddfau a’u mawr ddialedd, ac yna yn annog i barhau yn y gwirionedd. [1]Iudas gwasanaethwr Iesu Grist, a brawd Iaco at y rhai a alwyd, ac a sancteiddiwyd gan Dduw Tâd, ac ydynt gadwedig i Iesu Grist:

²Trugaredd i chwi, a thangneddyf, a chariad a luosoger.

³Fy annwylyd, pan roddais fyng-hwbl ddiwydrwydd ar scrifennu attoch, am yr iechydwriaeth gyffredinol, anghenrhaid oedd i mi scrifennu attoch i’ch annog i ymdrech ym mhlaid y ffydd, yr hon a rodded vn-waith i’r sainct.

⁴Canys y mae rhyw ddynion wedi ymlusco i mewn, y rhai oeddynt gynt wedi eu rhagordeinio i’r farnedigaeth hon: annuwolion ydynt, y rhai sy yn dymchwelyd grâs Duw yn drythyllwch, ac yn gwadu Duw yr vnic Arglwydd, a’n Harglwydd Iesu Grist.

⁵Ewyllysio gan hynny yr ydwyf eich coffa, yn gymmaint, ac i chwi vn-waith ŵybod hyn, pa wedd y bu i’r Arglwydd, wedi darfod iddo waredu y bobl allan o’r Aipht, ddestruwio eilwaith y rhai ni chredent.

⁶Yr angelion hefyd y rhai ni chadwasant eu dechreuad eithr gadel eu trigfa eu hun, a gatwodd efe mewn cadwynau tragywyddol i dân tywyllwch, hyd farn y dydd mawr.

⁷Megis Sodoma, a Gomorha, a’r dinasoedd o’u hamgylch, y rhai yn gyffelyd fodd ag hwynt a wnaethant odineb, ac a ddilynasant gnawd arall, a osodwyd yn siampl, gan ddioddef dialedd tân tragywyddol.

⁸Yn gyffelyb i hynn y mae y breuddwydwŷr hyn yn halogi’r cnawd, ac yn dirmygu llywodraeth, ac yn cablu y rhai sy mewn awdurdod.

⁹Eithr Mihangel yr arch-angel, pan ymrysonodd efe yn erbyn diafol, ac ymddadle am gorph Moses, ni feiddiodd feio arno â chablau, onid dywedyd, cerydded yr Arglwydd di.

¹⁰Eithr y rhai hyn a gablant y pethau ni ŵyddant, a pha beth bynnag a ŵyddant yn naturiol, megis anifeiliaid y rhai sy yn ddireswm, yn y pethau hynny y maent yn ymlygru.

¹¹Gwae hwyntwy, canys cerddasant yn ffordd Cain, ac a’u ddifethwyd gan dwyll gwobr * Balaam, ac a’u cyfrgollwyd yng-wrth ddywediad Core.

¹²Y rhai hyn ydynt frychau yn eich cariad-wleddoedd pan fyddant yn cŷd-wledda â chwi, yn ddiofn, yn eu pesci eu hunain: cwmylau ydynt diddwfr, wedi eu cylch-arwain gan wyntoedd: prennau llygredic heb ffrwyth, dwy waith yn feirw, ac wedi eu diwreiddio.

¹³Tonnau cynddeiriog y môr ydynt, yn ewynnu allan eu cywilydd eu hunain: sêr gwibiog, i’r rhai y cadwyd niwl y tywyllwch yn dragywydd.

¹⁴Ac Enoc hefyd y seithfed o Adda, a brophwydodd am y cyfryw rai, gan ddywedyd: wele, y mae’r Arglwydd yn dyfod gyd â myrddiwn o’i seinctiau,

¹⁵I roi barn yn erbyn pawb. ac i argyweddu’r holl anuwolion yn eu plith hwynt am eu holl annuwiol weithredoedd, y rhai a wnaethant hwy yn annuwiol, ac am eu holl ymadroddion caled, y rhai a ddywede pechaduriaid annuwiol yn eu herbyn.

¹⁶Y rhai hyn ydynt rwgnach-wŷr, achwynwŷr, [a] rhai yn cerdded yn ôl eu chwantau eu hunain: genau y rhai a ddywed falch bethau: yn mawrygu [dynion] er mwyn budd.

¹⁷Eithr (oh rai annwyl) cofiwch y geiriau a ragddywetpwyd gan Apostolion Iesu Grist.

¹⁸Gan iddynt ddywedyd wrthych, y bydde gwatworwŷr yn yr amser diweddaf, y rhai a gerddent yn ôl eu hannuwiol chwantau eu hunain.

¹⁹Y rhai hyn ydynt yn ymnailltuo yn gnawdol, heb fôd yr Yspryd ganddynt.

²⁰Eithr chwy-chwi annwylyd, ymadeiledwch yn eich santeiddiaf ffydd, gan weddio yn yr Yspryd glân.

²¹Am ymgedwch yng-hariad Duw, gan edrych am drugaredd Iesu Grist i fywyd tragywyddol.

²²A thrugarhewch wrth rai, gan ymrafael farnu.

²³Ac eraill cedwch ag ofn, gan eu tynnu allan o’r tân, gan gasau y wisc a halogwyd gan y cnawd.

²⁴Ac i hwn a ddichon eich cadw yn ddigwymp, a’ch gosod yn ddifeius yng-ŵydd ei ogoniant trwy orfoledd,

²⁵Sef, i Dduw yr vnic ddoeth, ein Iachawdur [y byddo] gogoniant, a mawredd, ac arglwyddiaeth, a meddiant, yr awr hon, ac yn yr holl oesoedd.Amen. Terfyn.