Read William Morgan Bible 1588 original edition Gweledigaeth 1 Bible Online

Gweledigaeth 1 - William Morgan Bible 1588 original edition bible

Gweledigaeth 1

¹1 Achos y weledigaeth hon, 3 am y rhai a’i darllenant, 4 Ioan yn scrifennu at y saith eglwys, 5 mawredd a swydd Mab Duw, 20 gweledigaeth y canhwyll-brennau a’r sêr. Gweledigaeth Iesu Grist, yr hon a roddes Duw iddo ef, i ddangos iw wasanaeth-wŷr y pethau a orfydd yn fuan eu dyfod i ben, ac a ddanfofonodd, ac a ddangosodd efe trwy ei Angel iw wasanaeth-wr Ioan:

²Yr hwn a destiolaethodd am air Duw, ac am destiolaeth, Iesu Grist, ac am bôb pêth a welodd efe.

³Dedwydd yw’r nêb a ddarlleno, a’r rhai a wrandawant eiriau y brophwydoliaeth hon, ac a gadwant y pethau sy yn scrifennedig ynddi hi, canys y mae’r amser yn agos.

⁴Ioan at y saith eglwys y rhai [ydynt] yn Asia: Grâs fyddo gyd â chwi, a heddwch oddi wrth yr hwn sydd, yr hwn a fu, a’r hwn a fydd rhag-llaw, ac oddi wrth y saith Yspryd y rhai ydynt ger bron ei orsedd-faingc ef,

⁵Ac oddi wrth Iesu Grist yr hwn sydd dŷst ffyddlon y cyntaf-anedic o’r meirw, a thywysog brenhinoedd y ddaiar, iddo ef yr hwn a’n carodd ni, ac a’n golchodd ni oddi wrth eini pechodau yn ei waed ei hun,

⁶Ac a’n gwnaeth ni yn frenhinoedd, ac yn offeiriaid i Dduw ei Dâd ef, iddo ef y byddo gogoniant, ac emherodraeth yn oes oesoedd, Amen.

⁷Wele, y mae efe yn dyfod gyd â’r wybrennau, a phob llygad a’i gwel ef, a’r rhai hefyd a’i gwanasant ef: ac wylofain a wna ger ei fron ef holl dylwythau y ddaiar, felly y mae, Amen.

⁸Mi ŵyf Alpha ac Omega, y dechreu a’r diwedd, mêdd yr Arglwydd, yr hwn sydd, a’r hwn fu, ac yr hwn a ddaw, [sef] yr Holl-alluog.

⁹Myfi Ioan eich brawd chwi, a’ch cydymmaith mewn cystudd, ac yn y deyrnas, ac mewn dioddefgarwch Iesu Grist, oeddwn mewn ynys a elwir Patmos am air Duw, ac am destiolaeth Iesu Grist,

¹⁰Yr oeddwn yn yr Yspryd yn nŷdd yr Arglwydd, ac mi a glywais yn fy ôl lais vchel fel vdcorn

¹¹Yn dywedyd, mi ŵyf Alpha ac Omega, y cyntaf a’r diweddaf, a’r peth yr hwn ŵyt ti yn ei weled, scrifenna mewn llyfr, a danfon i’r saith eglwys y rhai sy yn Asia, i Ephesus, ac i Smyrna, ac i Pergamus, ac i Thyatira, ac i Sardis, ac i Philadelphia, ac i laodicia.

¹²A mi a droais yn fy ôl i weled y llais a ddywedase wrthifi, a phan droais, mi a welwn saith ganhwyll-bren o aur,

¹³Ac yng-hanol y saith ganhwyll-bren aur vn yn debyg i Fab y dŷn, wedi ymwisco â, gwisc laes hyd ei draed, ac wedi gwisco gwregys aur yng-hylch ei fronnau.

¹⁴Ei benn a’i walt oeddynt wynnion, fel gwlân gwyn, ac fel eira, a’i lygaid oeddent fel fflam dân.

¹⁵A’i draed oeddent fel prês coeth, megis yn llosci mewn ffwrn, a’i lais fel sŵn llawer oddyfroedd.

¹⁶Ac yr oedd yn ei law ddehau saith seren, o’i ênau yr ydoedd cleddyf yn myned allan llym dau-finiog, a discleiriodd ei ŵyneb ef fel yr haul yn ei nerth.

¹⁷A phan welais ef, mi a syrthiais wrth ei draed fel marw, ac efe a roddodd ei law ddehau arnaf, gan ddywedyd wrthif, nac ofna mi ŵyf y cyntaf a’r diweddaf,

¹⁸Ac yr ŵyf yn fyw, ac a fum farw, ac wele, yr ŵyf yn fyw yn oes oesoedd, Amen, ac y mae gennif agoriadau vffern, a marwolaeth.

¹⁹Scrifenna y pethau a welaist, a’r pethau ydynt, a’r pethau a orfydd fôd rhag llaw.

²⁰Dirgelwch y saith seren a welaist yn fy llaw-ddehau, a’r saith ganhwyll-bren aur [yw hyn:] y saith seren, angelion y saith eglwys ydynt, a’r saith ganhwyll-bren a welaist, y saith eglwys ydynt.