Read William Morgan Bible 1588 original edition Gweledigaeth 10 Bible Online

Gweledigaeth 10 - William Morgan Bible 1588 original edition bible

Gweledigaeth 10

¹Yr angel yr hwn yr oedd y llyfr agoredd ganddo yn tyngu na bydde amser mwy, ac yn rhoi y llyfr i Ioan, ac yntef yn ei fwytta ef. Ac mi a welais angel cadarn arall yn descyn o’r nef, wedi ei ddilladu ag ŵybren, ac enfys ar ei ben, ai wyneb ef ydoedd fel yr haul, a’i draed ef oeddent fel colofnau tân,

²A llyfr bychan oedd yn agored yn ei law ef, ac efe a roddodd ei droed dehau ar y môr, a’r droed asswy ar y ddaiar.

³Ac efe a lefodd â lef vchel, fel y rhûa llêw, ac wedi darfod iddo lefain, saith daran a leisiasant eu lleisiau.

⁴Ac wedi darfod i’r saith daran wneuthur eu lleisiau, yr oeddwn ar fedr scrifennu, ac mi a glywais lais o’r nêf yn dywedyd wrthif, selia y pethau a leisiodd y saith daran, ac na scrifenna hwynt.

⁵A’r angel yr hwn a welais i yn sefyll ar y môr, ac ar y tîr, a gododd ei law i’r nêf,

⁶Ac a dyngodd i’r hwn sydd yn byw yn dragywydd, yr hwn a greodd y nêf, a’r pethau ydynt ynddi a’r ddaiar, a’r pethau ydynt ynddi hi, a’r môr, a’r pethau sy ynddo ef, na fydde amser mwy.

⁷Ond yn nyddiau llais y seithfed angel, pan ddechreuo efe ganu yr vdcorn, diweddu a wneir dirgelwch Duw, fel y mynegodd efe iw wasanaeth-wŷr y prophwydi.

⁸A’r llais a glywais o’r nêf, a lefarodd eilwaith wrthif, ac a ddywedodd, dôs, cymmer y llyfr bychan, yr hwn sydd yn llaw’r angel, yr hwn sydd yn sefyll ar y môr, ac ar y tîr.

⁹Ac mi a aethym at yr angel, gan ddywedyd wrtho, dyro i mi y llyfr bychan: ac yntef a ddywedodd wrthif fi, cymmer, a llyngca ef, ac efe a wna dy fol di yn chwerw, ond efe a fydd melys yn dy enau di, fel mêl,

¹⁰Ac mi a gymmerais y llyfrau o law’r angel, ac a’i llyngcais ef, ac yr ydoedd efe yn felys yn fyng-enau megis mêl, ac wedi i mi ei lyngcu ef, fy mol a aeth yn chwerw.

¹¹Ac efe a ddywedodd wrthif, rhai i ti brophwydo eil-waith ym mysc y bobloedd, a’r cenhedloedd, a’r tafodau, ac i lawer o frenhinoedd.