Read William Morgan Bible 1588 original edition Gweledigaeth 21 Bible Online

Gweledigaeth 21 - William Morgan Bible 1588 original edition bible

Gweledigaeth 21

¹3 24 Gwynfydedig gyflwr y rhai duwiol. 8 37 A thruan helynt y rhai annuwiol. 11 A gwedd yr Ierusalem nefol, ac am wraig yr Oen. Ac mi a welais nêf newydd, a daiar newydd, canys y nef gyntaf a’r ddaiar gyntaf a aethant heibio, ac nid oedd môr mwyach.

²A myfi Ioan a welais y ddinas sanctaidd Ierusalem newydd yn descyn o’r nêf oddi wrth Dduw, wedi ei pharatoi fel priodas-ferch wedi ei thrwssio iw gŵr.

³Ac mi a glywais lef vchel allan o’r nêf yn dywedyd, wele, [y mae] pabell Dduw gyd â dynion, ac efe a drig gyd â hwynt, ac hwy a fyddant bobl iddo ef, a Duw ei hun a fydd gyd ag hwynt yn Dduw iddynt.

⁴Duw a sych ymmaith yr holl ddagrau oddi wrth eu llygaid, ac ni bŷdd dim marwolaeth mwy, na thristwch, na llefain, ac ni bydd dim poen mwy, canys y pethau cyntaf a aethant heibio.

⁵A’r vn a eisteddodd ar yr orsedd-faingc a ddywedodd, wele, yr wŷf yn gwneuthur pôb heth yn newydd, ac efe a ddywedodd wrthif, scrifenna, canys y mae y geiriau hyn yn ffyddlon, ac yn gywir.

⁶Ac efe a ddywedodd wrthifi, fe a ddarfu, myfi ŵyf Alpha ac Omega, y dechreuad a’r diwedd, mi a roddaf i’r vn sydd sychedig o ffynnon dwfr y bywyd yn rhâd.

⁷Yr vn a orchfyga a gaiff etifeddu y cwbl, ac mi a fyddaf Dduw iddo ef, ac yntef fŷdd fâb i minne.

⁸Ond yr ofnog a’r anghredyniaid, a’r rhai sceler, a’r llofruddion, a’r putteinwŷr, a’r cyfaredd-wŷr, a’r delw-addolwyr, a phôb celwyddog, eu rhan hwynt a fydd yn y pwll yr hwn sydd yn llosci o dân a brwmstan, yr hwn ydyw yr ail farwolaeth.

⁹Ac vn o’r saith angel, y rhai oeddent â’r saith phiol ganddynt yn llawn o’r saith blâ diweddaf a ddaeth attaf, ac a ymddiddanodd â mi, gan ddywedyd, tyret, mi a ddangosaf i ti y briodas-ferch gwraig yr Oen.

¹⁰Ac efe am dygodd i ymmaith yn yr Yspryd i fynydd mawr, ac vchel, ac a ddangosodd i mi y ddinas fawr Ierusalem sanctaidd, yn descyn allan o’r nef oddi wrth Dduw.

¹¹A gogoniant Duw ganddi, a’i discleiriad hi oedd debyg i faen gwerthfawrysaf, megis maen Iaspis eglur fel grisial.

¹²Ac yr ydoedd iddi fûr mawr vchel, a deuddec porth iddi, ac wrth y pyrth deuddec angel, ac henwau yn scrifennedig, y rhai ydynt deuddec-llwyth meibion Israel.

¹³O du y dwyrain yr oedd tri phorth, o du y gogledd tri phorth, o du y dehau tri phorth, o du y gorllewyn tri phorth.

¹⁴A chaer y ddinas oedd â deuddec sylfaen iddi, ac ynddynt hwy henwau deuddec Apostol yr Oen.

¹⁵Ac yr ydoedd gan yr vn a ymddiddanodd â mi gorsen o aur i fesuro y ddinas, ai phyrth hi, a’i chaer hi.

¹⁶A’r ddinas a osodwyd yn bedwar ochrog, a’i hŷd oedd gymmaint a’i llêd, ac efe a fesurodd y ddinas â’r gorsen, yn ddeuddeng-mîl stâd, a’i llêd a’i huchter sydd yn ogymmaint.

¹⁷Ac efe a fesurodd ei chaer hi, yn bedwar cufydd a saith vgain, wrth fesur dŷn, sef mesur yr angel,

¹⁸Ac adeilad ei chaer hi oedd o faen Iaspis, a’r ddinas oedd aur pûr, yn debyg i ŵydr gloiw

¹⁹A seiliau caer y ddinas oeddynt wedi eu harddu â phôb rhyw faen gwerthfawr, y sail cyntaf oedd maen Iaspis, yr ail o Saphyr, y trydydd oedd o faen Calcedon, y pedwêrydd o Smaragdus.

²⁰Y pummed Sardonix, y chweched Sardius, y seithfed Crysolithus, yr ŵythfed Beryl, y nawfed Topazius, y decfed Crysoprasus, yr vnfed ar ddêc Hyacinthus, y deuddecfed, Amethystus.

²¹A’r deuddec porth deuddec perl oddent, a phôb porth sydd o vn perl, a heol y ddinas sydd o aur pûr, fel gŵydr disclair.

²²Ac ni welais i vn deml ynddi, canys yr Arglwydd Dduw holl-alluog, a’r Oen yw ei theml hi.

²³Ac nid rhaid i’r ddinas wrth yr haul, na’r lleuad i oleuo ynddi, canys y mae gogoniant Duw yn ei goleuo hi, a’r Oen yw ei goleuni hi.

²⁴A’r bobl gadwedig a rodiant yn ei goleuni hi, a brenhinoedd y ddaiar a ddygant eu gogoniant a’u hanrhŷdedd iddi hi.

²⁵Ac ni cheuir ei phyrthi liw dŷdd, o blegit ni bydd dim nôs yno.

²⁶A gogoniant ac anrhŷdedd y cenhedloedd a ddygir iddi hi.

²⁷Ac nid aiff i mewn iddi hi ddim aflan, neu bêth bynnag a weithio ffieidd-dra, neu gelwyddau, ond y rhai a scrifennwyd mewn llyfr bywyd yr Oen.