Read William Morgan Bible 1588 original edition Gweledigaeth 22 Bible Online

Gweledigaeth 22 - William Morgan Bible 1588 original edition bible

Gweledigaeth 22

¹1 Afon dwfr y bywyd, 2 Ffrwythlondeb a goleuni dinas Dduw. 6 Yr Arglwydd byth yn rhybuddio ei weision am bethau a ddaw, 9 Yr angel heb fynnu ei addoli, 18 Gair Duw nid iawn anghwanegu dim arno, na thynnu dim oddi wrtho. Ac efe a ddangosodd i mi afon bur o ddwfr y bywyd yn discleirio fel grisial, yn dyfod allan o orsedd-faingc Duw, a’r oen.

²Ac yng-hanol ei heol hi, ac o ddau tu’r afon, yr ydoedd pren y bywyd, yr hwn oedd yn dwyn deuddec rhyw ffrwythau, ac a rodde ffrwyth bôb mis, a dail y pren a wasanaethe i iachau yr cenhedloedd.

³Ac ni fŷdd dim melldith mwy, ond gorsedd-faingc Duw a’r Oen a fydd ynddi hi, a’i wasanaeth-wŷr a wasanaethant arno ef.

⁴Ac hwy a welant ei ŵyneb ef, a’i henw ef a fydd yn eu talcennau hwynt.

⁵* Ac ni bŷdd yno ddim nôs, anid rhaid iddynt ddim canwyll, na goleuad yr haul, canys yr Arglwydd Dduw sydd yn rhoi iddynt oleuni, ac hwy a deyrnâsant yn dragywydd.

⁶Ac efe a ddywedodd wrthifi, y geiriau hyn sydd ffyddlon a chywir, ac Arglwyd Dduw y prophwydi sanctaidd a ddanfônodd ei angel i ddangos iw wasanaeth-wŷr y pethau sy raid eu cyflawni ar frŷs,

⁷Wele, yr ŵyf yn dyfod ar frŷs, gwyn ei fyd yr vn a gadwo eiriau prophwydoliaeth y llyfr hwn.

⁸Ac myfi ŵyf Ioan, yr hwn a welais, ac a glywais y pethau hyn, a phan ddarfu mi glywed, a gweled, mi a syrthiais i law i addôli ger bron traed yr angel, yr hwn a ddangôsodd i mi y pethau hyn.

⁹Ac efe a ddywedodd wrthifi, gwêl na [wnelych] canys cŷd wasanaeth-wr wyfi i ti, ac i’th frodyr y prophwydi, a’r rhai sy yn cadw geiriau y llyfr hwn, addola Dduw.

¹⁰Ac efe a ddywedodd wrthifi, na selia eiriau prophwydoliaeth y llyfr hwn, canys y mae’r amser yn agos.

¹¹Yr hwn sydd anghyfiawn bydded anghyfiawn etto, a’r hwn sydd frwnt bydded frwnt etto, a’r hwn sydd gyfiawn bydded gyfiawn etto, a’r hwn sydd sanctaidd, bydded sanctaidd etto.

¹²Ac wele, yr wyf yn dyfod ar frys, a’m gwobr sydd gyd â mi, i roddi i bôb dyn yn ôl y byddo ei waith ef.

¹³Myfi wyf Alpha ac Omega, y dechreuad a’r diwedd, y cyntaf a’r diweddaf.

¹⁴Gwyn eu byd y rhai a wnelo ei orchymynnion ef, fel y byddo iddynt awdurdod ar bren y bywyd, ac y gallant ddyfod i mewn, trwy yr pyrth i’r ddinas.

¹⁵Canys o’r tu allan y bydd y cŵn, a’r cyfaredd-wŷr, a’r putteinwŷr, a’r llofruddiaid a’r delw-addolwŷr, a phôb vn a garo, neu a wnelo gelwydd.

¹⁶Myfi Iesu a ddanfonais fy angel i destiolaethu i chwi y pethau hyn yn yr eglwysi, myfi yw gwreiddin, a hiliogaeth Dafydd, a’r seren foreu eglur.

¹⁷Ac y mae yr Yspryd a’r briodas-ferch yn dywedyd tyret, a’r vn a wrandawo, dyweded, tyret, a’r vn sydd sychêdig, deued: a’r vn a fynno cymmered ddwfr y bywyd yn rhâd,

¹⁸Canys yr wyfi yn dangos i bôb vn a wrandawo eiriau prophwydoliaeth y llyfr hwn os rhydd nêb ddim at y pethau hyn, Duw a rŷdd atto ef y plâau scrifennedig yn y llyfr hwn.

¹⁹Ac o thynn nêb ymmaith ddim o eiriau llyfr y brophwydoliaeth hon, Duw a gymmer ymmaith ei ran ef allan o lyfr y bywyd, ac allan o’r ddinas sanctaidd, ac oddi wrth y pethau a scrifennir yn y llyfr hwn.

²⁰Yr hwn sydd yn testiolaethu y pethau hyn, sydd yn dywedyd, yn siccr yr ŵyf yn dyfod ar frŷs: Amen, tyret tithe ô Arglwydd Iesu.

²¹Grâs ein Harglwydd ni Iesu Grist fyddo gyd â chwi oll. Amen. I’r vnic Dduw y byddo’r gogoniant.