Read William Morgan Bible 1588 original edition Gweledigaeth 3 Bible Online

Gweledigaeth 3 - William Morgan Bible 1588 original edition bible

Gweledigaeth 3

¹Y mae efe yn annog yr eglwysi a’u gweinidigion i wir broffesu ffydd, ac i wilio. 12 Gan wneuthur addewidion i’r rhai a barhânt. Scrifenna hefyd at angel yr eglwys yr hon sydd yn Sardis, hyn a ddyweodd yr hwn sydd a saith Yspryd Duw ganddo, ac a’r saith seren, mi a adwen dy weithredoedd, canys y mae enw i ti dy fôd yn fyw, ond yr ŵyt yn farw,

²Deffro, a chadarnhâ y lleill, y rhai ydynt yn barod i feirw, canys ni chefais i dy weithredoedd yn gyflawn ger bron Duw.

³Am hynny cofia pa bêth a dderbynniaist, ac a glywaist, a dal yn siccr, ac edifarhâ am hynny oni wili, mi a ddeuaf attat fel lleidr, ac ni chei ŵybod pa awr y deuaf attat,

⁴Eithr y mae gennit ychydig o henwau etto yn Sardis, y rhai ni halogasant eu dillad, a’r rhai hynny a rodiant gyd â mi mewn dillad gwynion, canys teilwng ydynt.

⁵Yr hwn a orfyddo, a ddilladir mewn dillad gwynion, ac ni ddeleuaf ei henw ef allan o lyfr y bywyd, ond mi a gyffesaf ei henw ef ger bron fy Nhâd, a cher bron ei angelion.

⁶Y nêb sydd â chlust ganddo, gwrandawed, pa bêth a ddywed yr Yspryd wrth yr eglwysi.

⁷Scrifenna hefyd at angel yr eglwys yr hō sydd yn Philadelphia, hyn a ddywed yr hwn sydd sanctaidd a chywir, yr hwn y mae ganddo agoriad Dafydd, yr hwn a egyr, ac ni chaea nêb, ac a gaea, ac ni egyr nêb,

⁸Mi a adwen dy weithredoedd, wele, mi a roddais ger dy fron ddrws agored, ac ni ddichon nêb ei gaeu, canys y mae gennit ychydig nerth, a thi a gedwaist fyng-air, ac ni wedaist fy henw.

⁹Wele, mi a wnaf iddynt hwy o Synagog Satan, y rhai a’u galwant eu hyn yn Iddewon, ac nid ydynt, ond y maent yn gelwyddog, wele meddaf, mi a wnaf iddynt ddyfod, ac anrhydêddu ger bron dy draed, a chydnâbod fy môd i yn dy gâru di,

¹⁰O achos i ti gadw gair sy nioddefgarwch i, am hynny mi a’th gadwaf di oddi wrth awr y brofedigaeth, yr hon a ddaw ar yr hôll fyd, iw profi hwynt y rhai ydynt yn trigo ar y ddaiar.

¹¹Wele, yr ŵyf yn dyfod ar frŷs, dal yr hyn sydd gennit rhag i nêb ddwyn dy goron,

¹²Mi a wnaf yr hwn a orfyddo yn golofn yn nheml fy Nuw i, ac nid aiff efe allan mwyach, ac mi a scrifennaf arno ef henw fy-Nuw i, a henw dinas fy Nuw i, yr hon ydyw Ierusalem newydd, yr hon sydd yn descyn o’r nêf, oddi wrth fy Nuw i, ac [mi a scrifennaf arno ef] fy henw newydd i,

¹³Y nêb sydd â chlûst ganddo, gwrandawed pa beth a ddywed yr Yspryd wrth yr eglwysi.

¹⁴Scrifenna hefyd at angel eglwys y Laodiciaid, hyny mae Amen yn ei ddywedyd, y tyst ffyddlon a chywir, dechreuad creaduriaid Duw,

¹⁵Mi a adwen dy weithredoedd, nid ydŵyt na thwymn, nac oer, mi a fynnwn pe bait naill ai twymn ai oer.

¹⁶Ac am hynny gan dy fôd yn glaiar, heb fôd nac yn oer, nac yn dwymn, mi a’th chwdaf di allan o’m genau,

¹⁷Canys yr ŵyt yn dywedyd, yr ŵyf i yn gyfoethog, a chennif amlder o dda, ac nid oes arnaf i eisieu dim, ac ni ŵyddost dy fôd yn druan, ac yn resynol, ac yn dlawd, ac yn ddall, ac yn noeth,

¹⁸Yr wyf yn dy gynghori i brynu gennifi aur wedi ei buro trwy dân fel i’ch gyfoethoger, a dillad gwynion fel i’th wiscer, ac fel nad ymddangôso gwarth dy noethder di, îra hefyd dy lygaid ag eli llygaid, fel y gwelech,

¹⁹Yr ŵyf yn ceryddu, ac yn cospi y sawl yr ŵyf yn eu caru, am hynny cymmer zêl, ac edifarhâ.

²⁰Wele, yr ŵyf yn sefyll wrth y drŵs, ac yn curo, o chlyw vn dyn fy llais, ac agoryd y drŵs, mi a âf i mewn atto ef, ac a swperaf gyd ag ef, ac yntef gyd â minne.

²¹Yr hwn a orfyddo mi a roddaf iddo ef eistedd gyd â mi ar fyng-orseddfaingc, fel y gorfum i, ac yr eisteddais gyd â fy Nhad ar ei orsedd-faingc ef.

²²Y nêb sydd â chlûst ganddo, gwrandawedd pa beth a ddywed yr Yspryd wrth yr eglwysi.