Read William Morgan Bible 1588 original edition Ruth 3 Bible Online

Ruth 3 - William Morgan Bible 1588 original edition bible

Ruth 3

¹Cyngor Naomi i Ruth yng-hylch Booz. Yna Naomi ei chwegr hi a ddywedodd wrthi hi, fy merch oni cheisiafi lonyddwch i ti ’r hwn fyddo dâ i ti?

²Ac yn awr ein cyfathrach-wr ni [yw] Booz yr hwn y bûosti gyd ai langcesi? wele efe yn nithio yn llawr dyrnu ’r haidd y nos hon.

³Ymolch gan hyny, ac ymîra, a gosot dy ddillad am danat, a dos i wared i’r llawr dyrnu: na fydd gydnabyddus i’r gŵr nes iddo orphen bwytta, ac yfed.

⁴A phan gysco efe, yna gwybydd y fan yr hon y gorweddo efe ynddi, yna dôs, a dinoetha ei draed ef, a gorwedd: ac efe a fynega i ti ’r hyn a wnelech.

⁵A hi a ddywedodd wrthi, gwnaf yr hyn oll a erchaist i mi.

⁶Felly hi a aeth i wared i’r llawr dyrnu, ac a wnaeth yn ôl yr hyn oll a orchymynnase ei chwegr iddi.

⁷Pan fwyttaodd Booz, a [phan] yfodd fel y lawenhaodd ei galon, yna efe a aeth i gyscu i gwrr yr yscafn: hithe a ddaeth yn ddistaw, ac a ddinoethodd ei droed ef, ac a orweddodd.

⁸Ac yng-hanol y nôs y gŵr a ddychlamodd, ac a ymdrôdd: ac wele wraig yn gorwedd wrth ei draed ef.

⁹Yna efe a ddywedodd, pwy [ydwyt] ti? a hi a ddywedodd myfi [yw] Ruth dy lawforwyn, lleda gan hynny dy aden tros dy lawforwyn, canys fyng-hyfathrachwr i [ydwyt] ti.

¹⁰Ac efe a ddywedodd, bendigêdic [fyddech] fy merch gan yr Arglwydd, gwnaethost yn well dy drugaredd diwethaf na’r gyntaf: gan nad aethost ar ôl gwŷr ieuaingc, na thlawd na chyfoaethog.

¹¹Ac yn awr fy merch nac ofna, yr hyn oll a ddywedaist a wnaf it: canys holl ddinas fy mhobl a ŵyr mai gwraig rinweddol [ydwyt] ti.

¹²Ac yn awr gwir yw fy mod i yn gyfathrach-wr: etto er hynny y mae cyfathrach-wr nês na myfi.

¹³Aros hêno; a’r boreu os efe a ymgyfathracha a thi, dâ yw, ymgyfathrached, ond os efe ni fyn ymgyfathrachu a thi, yna myfi a ymgyfathrachaf a thi [fel] mai byw ’r Arglwydd: cwsc hyd y boreu.

¹⁴A hi a orweddodd with ei draed ef hyd y boreu, a hi a gyfododd cyn yr adwaene neb ei gilydd: canys efe a ddywedodd, na chaffer gwybod ddyfod y wraig i’r yscubor.

¹⁵Ac efe a ddywedodd, moes dy fantell yr hon [sydd] am danat, ac ymafl ynddi, a hi a ymaflodd ynddi: ac efe a fesurodd chwech [mesur] o haidd, ac ai gossododd arni, a hi aeth i’r ddinas.

¹⁶Pan ddaeth hi at ei chwegr, hi a ddywedodd, pwy [ydwyt] ti fy merch? a hi a fynegodd iddi ’r hyn oll a wnaethe y gŵr iddi hi.

¹⁷A hi a ddywedodd y chwech [mesur] hyn o haidd a roddodd efe i mi: canys dywedodd wrthif, ni ddeui yn wag at dy chwegr.

¹⁸Yna y dywedodd hithe, aros fy merch oni ŵypech pa fodd y digwyddo y peth [hyn:] canys ni orphywys y gŵr nes gorphen y peth hyn heddyw.