Read William Morgan Bible 1588 original edition 1.Samuel 21 Bible Online

1.Samuel 21 - William Morgan Bible 1588 original edition bible

1.Samuel 21

¹Dafydd yn cael gan Ahimelec yr offeiriad y bara gosod iw fwytta, a chleddyf Goliath iw wisco. Yna y daeth Dafydd i Nob at Ahimelec yr offeiriad, ac Ahimelec a ddychrynnodd wrth gyfarfod a Dafydd, ac a ddywedodd wrtho ef: paham yr ydwyt ti yn vnic, ac heb nêb gyd a thi?

²Yna y dywedodd Dafydd wrth Ahimelec yr offeiriad, y brenin a orchymynnodd i mi beth, ac a ddywedodd wrthif, na chaed neb ŵybod ddim o’r peth [am] yr hwn i’th anfonais, ac [am] yr hwn y gorchymynnais i ti: a’r llangciau a gyfarwyddais i i’r lle a’r lle.

³Ac yn awr beth sydd dann dy law? dodi mi bump torth: neu [’r peth] a geffir.

⁴A’r offeiriad a attêbodd Ddafydd, ac a ddywedodd, nid [oes] fara cyffredin tann fy llaw i: eithr y mae bara cyssegredic [ymma,] os y llangciau a ymgadwasant yn enwedig oddi wrth wragedd.

⁵Yna’r attebodd Dafydd yr offeiriad ac a ddywedodd wrtho, diau attal gwragedd oddi wrthym ni erys dau ddydd neu dri, er pan gychwynnais i, llestri y llangciau hefyd ydynt yn sanctaidd, er [bod] y ffordd honno yn halogedic, etto diau y sancteiddir [y bara] heddyw yn y llestr?

⁶Felly yr offeiriad a roddes iddo ef [y bara] sanctaidd, canys nid oedd yno fara, onid bara gosod yr hwn a dynnasid ymmaith oddi ger bron yr Arglwydd i osod bara poeth yn y dydd y tynnid ef ymmaith.

⁷Ac yr oedd yno y diwrnod hwnnw vn o weision Saul yn aros ger bron yr Arglwydd ai enw Doeg yr Edomiad, y pennaf o’r bugeiliaid y rhai [oeddynt] gan Saul.

⁸A dywedodd Dafydd wrth Ahimelec onid oes ymma tann dy law di waiw-ffon, neu gleddyf? canys ni chymmerais fyng-hleddyf, na’m harfau ychwaith i’m llaw, o herwydd bod gorchymyn y brenin ar ffrŵst.

⁹Yna y dywedodd yr offeiriad, cleddyf Goliath y Philistiad yr hwn a leddaist di yn nyffryn Elah, wele ef wedi ei oblygu mewn brethyn o’r tu ôl i’r Ephod: o chymmeri hwnnw i ti cymmer: canys nid [oes] ymma arall onid hwnnw: a Dafydd, a dywedodd nid [oes] o fath hwnnw, dyro ef i mi.

¹⁰Dafydd hefyd a gyfododd, ac a ffôdd y dydd hwnnw o ŵydd Saul: ac a ddaeth at Achis brenin Gath.

¹¹Yna gweision Achis a ddywedasant wrtho ef, onid hwn yw Dafydd brenin y wlâd? onid i hwn y canâsant yn y dawnsiau gan ddywedyd: Saul a laddodd ei filoedd, a Dafydd ei fyrddiwn?

¹²A Dafydd a osododd y geiriau hynny yn ei galon: ac a ofnodd yn ddirfawr rhac Achis brenin Gath.

¹³Ac efe a newidiodd ei ymadrodd yn ei gŵydd hwynt, ac a gymmerth arno ynfydu rhwng eu dwylo hwynt, ac a scribliodd ar ddrysau y porth, ac a ollyngodd ei boeryn i lawr ar ei farf.

¹⁴Yna y dywedodd Achis wrth ei weision: wele gwelwch y gŵr yn gwallgofi, pa ham y dugasoch ef attafi?

¹⁵[Ai] eisieu ynfydion sydd arnafi, pan ddugasoch hwn i ynfydu o’m blaen i? a gaiff hwn ddyfod i’m tŷ i?