Read William Morgan Bible 1588 original edition 1.Samuel 27 Bible Online

1.Samuel 27 - William Morgan Bible 1588 original edition bible

1.Samuel 27

¹Dafydd yn ffoi at Achis, ac yn cael aros yn Siclag. 8 Ac oddi yno yn lladd rhai o’r Philistiaid heb wybod i Achis. Dywedodd Dafydd hefyd yn ei galon yn awr difethir fi ryw ddydd drwy law Saul: onid goref i mi ddiang i dîr y Philistiaid, (fel yr anobeithio Saul [ddyfod] i mi,) ac nim cais i yn holl derfynau Israel? felly y diangaf oi law ef?

²Yna Dafydd a gyfododd, ac a drammwyodd, efe a’r chwe chan-ŵr y rhai [oeddynt] gyd ag ef, at Achis fab Maoc brenin Gath.

³A Dafydd a arhosodd gyd ag Achis yn Gath, efe, ai wŷr, pôb vn ai deulu ei hun: Dafydd ai ddwy wragedd Ahinoam yr Iezrahelithes, ac Abigail gwraig Nabal y Garmelithes.

⁴Yna y mynegwyd i Saul ffoi o Ddafydd i Gath: ac ni chwanegodd efe ei geisio ef mwy.

⁵A Dafydd a ddywedodd wrth Achis, o chefais yn awr ffafor yn dy olwg di, rhodder i mi le yn vn o’r maes drefi fel y trigwyf yno: canys pa ham yr erys dy wâs di yn ninas y brenin gyd a thi?

⁶Yna Achis a roddes iddo ef y dydd hwnnw Siclag: am hynny y mae Siclag yn eiddo brenhinoedd Iuda hyd y dydd hwn.

⁷A rhifedi y dyddiau y rhai yr arhosodd Dafydd yng-wlâd y Philistiaid [oeddynt] ddyddiau a phedwar mis.

⁸Yna Dafydd a aeth i fynu, ai wŷr, ac a ruthrasant ar y Gesuriaid, ar Girziaid, a’r Amaleciaid: hwynt oeddynt yn presswylio y wlâd honno erioed, ffordd y delech i Sur, îe hyd wlâd yr Aipht.

⁹A Dafydd a darawodd y wlâd, ac ni adawodd yn fyw ŵr, na gwraig: ac efe a ddûg ddefaid, a gwarthec, assynnod hefyd a chamêlod, a gwiscoedd, ac a ddychwelodd, ac a ddaeth at Achis.

¹⁰Ac Achis a ddywedodd, i ba le y rhuthrasoch chwi heddyw? yna y dywedodd Dafydd yn erbyn tu dehau Iuda, ac yn erbyn tu dehau yr Ierameeliaid, ac yn erbyn tu dehau y Ceneaid.

¹¹Ac ni adawse Dafydd yn fyw ŵr na gwraig iw dwyn i Gath, gan ddyweddyd: rhac mynegu o honynt i’n herbyn gan ddywedyd: fel hyn y gwnaeth Dafydd, ac felly [yr oedd] ei arfer ef yr holl ddyddiau tra yr arhosodd efe yng-wlâd y Philistiaid.

¹²Ac Achis a gredodd Ddafydd gan ddywedyd: efe ai gwnaeth ei hun yn ffiaid, ac yn wrthgas gan ei bobl ei hun yn Israel, am hynny y bydd efe yn wâs i mi yn dragywydd.