Read William Morgan Bible 1588 original edition 1.Samuel 3 Bible Online

1.Samuel 3 - William Morgan Bible 1588 original edition bible

1.Samuel 3

¹Mor amheuthyn oedd prophwydoliaeth yn amser Eli. 4 Duw yn dangos i Samuel ddinistr ty Eli. 18 A Samuel yn mynegu hynny i Eli. A’r bachgen Samuel a wasanaethodd yr Arglwydd ger bron Eli: a gair yr Arglwydd oedd werthfawr yn y dyddiau hynny, nid [oedd ychwaith]weledigaeth eglur.

²A’r pryd hynny (pan oedd Eli yn gorwedd yn ei fangre, wedi iw lygaid ef ddechreu tywyllu, [fel] na alle efe weled,

³A chyn i oleuni Duw ddiffoddi, a Samuel yn cyscu yn nheml yr Arglwydd yr hon [yr oedd] Arch Dduw ynddi)

⁴Yna y galwodd yr Arglwydd ar Samuel: dywedodd yntef wele fi.

⁵A rhedodd at Eli, a dywedodd, wele fi, canys gelwaist arnaf: yntef a ddywedodd, ni elwais i, dychwel [a] gorwedd, ac efe a aeth, ac a orweddodd.

⁶A’r Arglwydd a alwodd eil-waith ar Samuel: a Samuel a gyfododd, ac a aeth at Eli, a dywedodd wele fi, canys gelwaist arnaf: yntef a ddywedodd, na elwais fy mab, dychwel [a] gorwedd.

⁷Ac nid adwaene Samuel etto yr Arglwydd, ac nid eglurasid iddo ef air yr Arglwydd etto.

⁸A’r Arglwydd a alwodd Samuel trachefn y drydedd waith, ac efe a gyfododd, ac a aeth at Eli, ac a ddywedodd wele fi, canys gelwaist arnaf: yna y deallodd Eli mai yr Arglwydd a alwase ar y bachgen.

⁹Am hynny Eli a ddywedodd wrth Samuel, dôs a gorwedd, ac os geilw efe arnat, yna dywet, llefara Arglwydd, canys dy wâs sy yn clywed: felly Samuel a aeth, ac a orweddod yn ei le

¹⁰Yna y daeth yr Arglwydd, ac a safodd, ac a alwodd megis o’r blaen Samuel, Samuel: a dywedodd Samuel, llefara, canys y mae dy wâs yn clywed.

¹¹A dywedodd yr Arglwydd wrth Samuel wele fi yn gwneuthur pêth yn Israel, yr hwn pwy bynnac ai clywo fe *a ferwinia ei ddwy glust efe.

¹²Yn y dydd hwnnw y cyfodaf yn erbyn Eli yr hyn oll a ddywedais am ei dŷ ef, gan ddechreu a diweddu [ar yr vnwaith.]

¹³Mynegais hefyd iddo ef y barnwn i ei dŷ ef yn dragywydd, am yr anwiredd yr hwn a ŵyr efe, o herwydd iw feibion hauddu iddynt felldith, ac nas gwaharddodd efe iddynt hwy.

¹⁴Ac am hynny y tyngais wrth dŷ Eli [nid byw fi] os gwneir iawn am anwiredd tŷ Eli ag aberth, nac a bwyd offrwm byth.

¹⁵Yna y cyscodd Samuel hyd y boreu, ac efe a agorodd ddrysau tŷ yr Arglwydd: ond Samuel oedd yn ofni mynegu y weledigaeth i Eli.

¹⁶Ac Eli a alwodd ar Samuel, ac a dywedodd, Samuel fy mab: yntef a ddywedodd wele fi.

¹⁷Yna y dywedodd efe, beth [yw] yr gair yr hwn a lefarodd efe wrthit? na chela attolwg oddi wrthif? fel hyn y gwnelo Duw i ti, ac fel hyn y chwanego, os celi di oddi wrthif ddim o’r holl beth yr hwn a lefarodd efe wrthit.

¹⁸Felly Samuel a fynegodd iddo yr holl eiriau, ac nis celodd rhagddo: dywedodd yntef, yr Arglwydd [yw] efe, gwnaed a [fyddo] yn ddâ yn ei olwg.

¹⁹A chynnyddodd Samuel, a’r Arglwydd oedd gyd ag ef, ac ni adawodd [i vn] oi eiriau ef syrthio i’r ddaiar.

²⁰A gwybu holl Israel o Dan hyd Beerseba mai prophwyd yr Arglwydd [oedd] Samuel ffyddlon.

²¹A’r Arglwydd a ymddangosodd trachefn yn Silo: canys yr Arglwydd a ymeglurhaodd i Samuel yn Silo drwy air yr Arglwydd.