Read William Morgan Bible 1588 original edition 1.Samuel 5 Bible Online

1.Samuel 5 - William Morgan Bible 1588 original edition bible

1.Samuel 5

¹Dialedd Duw ar dy Dagon, ac ar ddinasoedd y Philistiaid y rhai y dygpwyd yr Arch iddynt. Yna y Philistiaid a gymmerasant Arch Dduw, ac ai dugasant hi o Eben-ezer i Asdod.

²A’r Philistiaid a gymmerasant Arch Dduw, ac ai dugasant i mewn i dŷ Dagon, ac ai gosodasant hi yn ymyl Dagon.

³A’r Asdodiaid a gyfodasant yn foreu drannoeth, ac wele Ddagon wedi syrthio i lawr ar ei wyneb ger bron Arch yr Arglwydd, yna y cymmerasant Ddagon, ac ai gosodasant eilwaith yn ei le.

⁴Codasant hefyd yn foreu drannoeth, ac wele Ddagon wedi syrthio i lawr ar ei wyneb ger bron Arch yr Arglwydd, a phen Dagon, a dwy gledr ei ddwylo oeddynt wedi eu torri ar y trothwy, yn vnic dagon a adawyd o honaw ef.

⁵Am hynny ni sathr offeiriaid Dagon, na neb a ddelo i mewn i dŷ Ddagon ar drothwy Dagon yn Asdod hyd y dydd hwn.

⁶A thrwm fu llaw’r Arglwydd ar yr Asdodiaid, canys efe ai destruwiodd hwynt, ac ai tarawodd hwynt, sef Asdod, ai holl derfynau a chlwyf y marchogion.

⁷Pan welodd gwŷr Asdod mai felly [’r oedd,] yna y dywedasant, ni chaiff Arch Duw Israel aros gyd a ni, canys caled yw ei law ef arnom, ac ar Ddagon ein duw ni.

⁸Am hynny yr anfonasant, ac y casclasant holl bendefigion y Philistiaid attynt, ac a ddywedasant: beth a wnawn ni i Arch Duw Israel? yna hwynt a attebasant, dyger Arch Duw Israel o amgylch [i] Gath, a hwy a ddygasant Arch Duw Israel oddi amgylch.

⁹Ac wedi iddynt ei dwyn hi o amgylch, yna y bu llaw yr Arglwydd yn erbyn y ddinas a dinistr mawr iawn, ac efe a darawodd wŷr y ddinas o fychan hyd fawr a chlwyfau y marchogion, y rhai a lechasant ynddynt hwy.

¹⁰Am hynny yr anfonasant hwy Arch Dduw i Acaron, a phan ddaeth Arch Dduw i Acaron, yna’r Acaroniaid a waeddasant gan ddywedyd: dugasant attom ni o amgylch Arch Duw’r Israel i’n lladd ni, a’n pobl.

¹¹Am hynny yr anfonasant, ac y casclasant holl bendefigion y Philistiaid, ac a ddywedasant: danfonwch ymmaith Arch Duw Israel a dychweler hi adref, fel na laddo hi ni, a’n pobl: canys dinistr angefol [oedd] drwy yr holl ddinas [a] throm iawn oedd law Duw yno.

¹²A’r gwŷr y rhai ni buant feirw a darawyd a chlwyf y marchogion: a gwaedd y ddinas a dderchafodd [i’r] nefoedd.