Read William Morgan Bible 1588 original edition 1.Samuel 6 Bible Online

1.Samuel 6 - William Morgan Bible 1588 original edition bible

1.Samuel 6

¹Tywysogion y Philistiaid yn offrymmu gyd a’r Arch, ac yn ei gollwng hi adref. 19 Dialedd Duw ar y Bethsemesiaid am edrych yn yr Arch. A bu Arch yr Arglwydd yng-wlad y Philistiaid saith o fisoedd.

²A’r Philistiaid a alwasant am yr offeiriaid, ac am y dewiniaid gan ddywedyd: beth a wnawn ni i Arch yr Arglwydd? hyspysswch i ni pa fodd yr anfonwn hi adref.

³Yna y dywedasant hwythau, os ydych ar ddanfon ymmaith Arch Duw Israel, nac anfonwch hi yn wâg, onid gan roddi y rhoddwch iddi offrwm tros gamwedd: yna i’ch iacheuir, ac y bydd hyspys iwch pa ham nad ymadawodd ei law ef oddi wrthych chwi.

⁴Yna y dywedasant hwythau, beth [fydd] yr offrwm tros gamwedd yr hwn a roddom ni iddi hi? ac hwy a ddywedasant pump o ffolennau aur, a phump o lygod aur [yn ôl] rhif pendefigion y Philistiaid: canys yr vn plâ [sydd] arnynt hwy oll, ac ar eich pendefigion chwi.

⁵Am hynny y gwnewch luniau eich ffolennau, a llunniau eich llygod y rhai ydynt yn difwyno y tir, a rhoddwch ogoniant i Dduw Israel, ond odid efe a yscafnha ei law oddi arnoch, ac oddi ar eich duwiau, ac oddi ar eich tir.

⁶A pha ham y caledwch chwi eich calon, megis y caledodd yr Aiphtiaid, a Pharao eu calon? pan wnaeth efe wrthiau yn eu plith hwy, oni ollyngasant hwy hwynt i fyned?

⁷Ac yn awr cymmerwch, a gwnewch vn fenn newydd, a dwy fuwch flith y rhai nid aeth iau arnynt: a deliwch y buchod dann y fenn, a dygwch eu lloi hwynt oddi ar eu hôl i dŷ.

⁸Yna cymmerwch Arch yr Arglwydd a rhoddwch hi ar y fenn, a’r tlyssau aur y rhai a roddasoch iddi yn offrwm dros gamwedd a osodwch mewn cîst wrth ei hystlys hi, a gollyngwch hi i fyned.

⁹Yna edrychwch os aiff hi i fynu i Bethsemes tua ei chartref, efe a wnaeth i ni y mawr ddrwg hwn: ac onid ê, yna y cawn wybod nad ei law ef a gyffyrddodd a ni [ond mai] damwain oedd hyn i ni.

¹⁰A’r gwŷr a wnaethant felly, ac a gymmerasant ddwy fuwch, flithion, ac ai daliasant hwy tann y fenn, ac a gaeuasant eu lloi mewn tŷ:

¹¹ac * a osodasant Arch yr Arglwydd ar y fenn, a’r gist, air llygod aur, a lluniau eu ffolennau hwynt.

¹²Yna y buchod a aethant yn inion a’r hŷd y ffordd tua ffordd Bethsemes, ar hŷd yr vn briffordd yr aethant, gan gerdded, a brefu, ac ni ŵyrasant tua’r llaw ddehau, na’r llaw asswy: a phendefigion y Philistiaid a aethant ar eu hôl hyd derfyn Bethsemes.

¹³A [thrigolion] Bethsemes oeddynt yn medi cynhaiaf y gwenith yn y dyffryn, ac a dderchafasant eu llygaid, ac a ganfuant yr Arch, ac a lawenychasant wrth ei gweled.

¹⁴A’r fenn a ddaeth i faes Iosuah y Bethsemesiad, ac a safodd yno: ac yno [’r oedd] maen mawr, a hwynt a holltasant goed y fenn, ac a offrymmasant y buchod yn boeth offrymmau i’r Arglwydd.

¹⁵Yna y Lefiaid a ddescynnasant Arch yr Arglwydd, a’r gîst yr hon [oedd] gyd a hi, yr hon [yr oedd] y tlyssau aur ynddi, ac ai gosodasant ar y maen mawr, a gwŷr Bethsemes a offrymmasant boeth offrymmau, ac a aberthasant ebyrth i’r Arglwydd y dydd hwnnw.

¹⁶A phendefigion y Philistiaid ill pump a welsant, ac a ddychwelasant i Acaron y dydd hwnnw.

¹⁷Ac dymma y ffolennau aur, y rhai a roddase y Philistiaid yn offrwm tros gamwedd i’r Arglwydd: dros Asdod vn, dros Gasa vn, dros Ascalon vn, dros Gath vn, [ac] vn dros Acaron,

¹⁸A’r llygod aur [yn ôl] rhifedi holl ddinasoedd y Philistiaid [yn perthynu] i’r pum pendefig, yn gystal y dinasoedd caeroc, a’r trefi heb gaerau: hyd y [maen] mawr Abel yr hwn y gosodasant arno Arch yr Arglwydd, [yr hwn sydd] hyd y dydd hwn ym maes Iosuah y Bethsemesiad.

¹⁹Ac efe a darawodd o wŷr Bethsemes am iddynt edrych yn Arch yr Arglwydd, ie tarawodd ym mysc y bobl ddeng-wr a thrugain, a deng-mil a deugain o wŷr: a’r bobl a alarasant, am i’r Arglwydd daro y bobl a phla [mor] fawr.

²⁰Yna gwŷr Bethsemes a ddywedasant: pwy a ddichon sefyll yn wyneb yr Arglwydd Dduw sanctaidd hwn? ac at bwy yr aiff efe oddi wrthym ni?

²¹Am hynny yr anfonasant gennadau at drigolion Ciriathiearim gan ddyweddyd: y Philistiaid a ddugasant adref Arch yr Arglwydd, deuwch i wared, a chymmerwch hi i fynu attoch chwi.