Read William Morgan Bible 1588 original edition 1.Samuel 8 Bible Online

1.Samuel 8 - William Morgan Bible 1588 original edition bible

1.Samuel 8

¹Pobl Israel (am i feibion Samuel gam arfer eu llywodraeth) yn gofyn brenin. A phan heneiddiodd Samuel, yna y gosododd efe ei feibion yn farnwŷr ar Israel.

²A henw ei fab cyntafanedic ef oedd Ioel, ac enw yr ail Abiah [y rhai hyn oeddynt] farnwŷr yn Beerseba.

³Ai feibion ni rodiasant yn ei ffyrdd ef, eithr troasant ar ôl cybydd-dra, a chymmerasant obrwy, a gŵyrasant farn.

⁴Yna holl henuriaid Israel a ymgasclasant, ac a ddaethant at Samuel i Ramah,

⁵Dywedasant hefyd wrtho ef, wele ti a heneiddiaist, a’th feibion ni rodiasant yn dy ffyrdd di: yn awr gosot arnom ni frenin i’n barnu ni megis yr holl genhedloedd [eraill.]

⁶A’r ymadrodd fu ddrwg gan Samuel, pan ddywedasant, dyro i ni frenin i’n barnu: a Samuel a weddiodd at yr Arglwydd.

⁷A dywedodd yr Arglwydd wrth Samuel, gwrando ar lef y bobl yn yr hyn oll a ddywedant wrthit: canys nid ti y maent yn ei ddirmygu onid myfi a ddirmygasant rhac teyrnasu arnynt.

⁸Yn ôl yr holl weithredoedd y rhai a wnaethant o’r dydd y dugum hwynt o’r Aipht hyd y dydd hwn, ac [fel] y gwrthodasant fi, ac y gwasanaethasant dduwiau dieithr: felly y gwnaethant hwy hefyd i ti.

⁹Ac yn awr gwrando ar eu llais hwynt, etto gan destiolaethu testiolaetha iddynt, a dangos iddynt ddull y brenin yr hwn a deyrnasa arnynt.

¹⁰Felly Samuel a fynegodd holl eiriau’r Arglwydd wrth y bobl y rhai oeddynt yn ceisio brenin ganddo ef.

¹¹Ac efe a ddywedodd, dymma ddull y brenin yr hwn a deyrnasa arnoch chwi: efe a gymmer eich meibion, ac ai gesyd iddo yn ei gerbydau, ac ym mysc ei wŷr meirch, i redeg o flaen ei gerbydau ef:

¹²Ac [ai] gesyd [hwynt] iddo yn dywysogion miloedd, ac yn dywysogion dec a deugain, ac i aredic ei âr ef, ac i fedi ei gynhaiaf ef, ac i wneuthur arfau ei ryfel ef, a pheiriannau ei gerbydau.

¹³A’ch merched a gymmer ef yn Apothecaresau, yn gogesau hefyd, ac yn bobyddesau.

¹⁴Efe a gymmer hefyd eich meusydd a’ch gwinllannoedd, a’ch olew lannoedd goref, ac ai dyru iw weision.

¹⁵Eich hadau hefyd, a’ch gwin-llannoedd a ddegymma efe, ac ai dyru iw stafellyddion, ac iw weision.

¹⁶Eich gweision hefyd, a’ch morwynion, eich gwŷr ieuaingc goref hefyd, a’ch assynnod, a gymmer efe, ac [ai] gesyd iw waith.

¹⁷Eich defaid hefyd a ddegymma efe, chwitheu hefyd fyddwch yn weision iddo ef.

¹⁸A’r dydd hwnnw y gwaeddwch rhac eich brenin yr hwn a ddewisasoch i chwi: ac nid ettyb yr Arglwydd chwi yn y dydd hwnnw.

¹⁹Er hynny y bobl a wrthodasant wrando ar lais Samuel, ac a ddywedasant, nid [felly:] eithr brenin fydd arnom ni.

²⁰A byddwn ninnau hefyd fel yr holl genhedloedd [eraill:] a’n brenin a’n barna ni, efe a aiff allan hefyd o’n blaen ni, ac efe a ymladd ein rhyfeloedd ni.

²¹A gwrandawodd Samuel holl eiriau y bobl, ac ai hadroddodd hwynt lle y clybu’r Arglwydd.

²²Yna y dywedodd yr Arglwydd wrth Samuel, gwrando ar eu llef hwynt, a gosot frenin arnynt: a dywedodd Samuel wrth wŷr Israel, ewch bob vn iw ddinas ei hun.