Read Xasasti talacaxlan San Marcos 11 Bible Online

San Marcos 11 - Xasasti talacaxlan bible

San Marcos 11

¹Acxni̠ tácha̠lh nac aktum ke̠stí̠n huanicán Monte de los Olivos, xma̠lakatancs aktiy ca̠chiquí̠n ca̠huanicán Betfagé y Betania, u̠ma̠ko̠lh ca̠chiquí̠n ta̠pekstokuilako̠lh Jerusalén, Jesús ca̠máca̠lh cha̠tiy xdiscípulos

²y ca̠huánilh: —Capimpítit nac a̠má ca̠chiquí̠n hua̠ntu̠ huilachi tuncán, acxni̠ nachipiná̠tit nac aktum chiqui huixinín naucxilhá̠tit pi̠ chi̠ya̠huacani̠t tantum burro hua̠ntu̠ ni̠ti̠ a̠ ke̠tahuilay, la̠li̠huán naxcutá̠tit y nali̠taná̠tit.

³Y para tícu naca̠huaniyá̠n túcu li̠layá̠tit, huixinín cahuanítit: “Quimpu̠chinacán maclacasquimputún y pálaj napu̠spitparay.”

⁴Xlacán táalh y xli̠ca̠na tama̠nóklhulh tantum burro xchi̠ya̠huacani̠t nac xtanquilhtí̠n aktum chiqui lacatzú cmá̠lacchi. Xlacán táxcutli

⁵y hua̠nti̠ antá xtalayá̠nalh lacatzú taúcxilhli hua̠ntu̠ xtatlahuamá̠nalh, chiné ca̠huaníca: —¿Túcu tlahuaputuná̠tit? ¿Túcu li̠layá̠tit xcutá̠tit tamá burro?

⁶Ama̠ko̠lh discípulos chuná takalhtí̠nalh la̠ xca̠huanini̠t Jesús y niaj tu̠ ca̠huanícalh, ca̠ma̠xquí̠calh talacasquín natalé̠n.

⁷Tali̠mínilh a̠má burro antaní xuí Jesús y tali̠ke̠tlapánilh clhaka̠tcán, Jesús ke̠táhui

⁸y la̠li̠huán táalh pekán cJerusalén. Lhu̠hua ti̠ tzúculh tatarami̠y clhaka̠tcán nac tiji antaní xlacama y makapitzí̠n tzúculh taca̠y lactzú xmakxpi̠ní̠n ke̠ske y na̠ xtatarami̠y nac tiji.

⁹Y lhu̠hua cristianos ti̠ xtapu̠lamá̠nalh xa̠hua ti̠ xtasta̠laniti̠lhay chiné tzúculh tama̠tasi̠y: —¡Cama̠xquí̠hu cá̠cni̠t Dios! ¡Dios casiculana̠tláhualh eé chixcú hua̠nti̠ xlá macamima!

¹⁰¡Dios casiculana̠tláhualh xli̠ma̠peksí̠n hua̠ntu̠ xlá ma̠lakacha̠ni̠t xlacata naquinca̠ma̠peksi̠yá̠n na̠chuná la̠ ma̠peksí̠nalh xamaká̠n quinquilhtzucutcán rey David! ¡Calakachixcuhuí̠hu Dios caj xpa̠lacata tu̠ tlahuama!

¹¹Pus chuná tanu̠chá Jesús nac Jerusalén, acali̠stá̠n alh nac lanca pu̠siculan xalac Jerusalén. Y acxni̠ ko̠tanu̠ko̠lh ca̠ta̠ampá xdiscípulos nac Betania porque aya xca̠smalankama. Jesús lacaquilhni̠y akatum suji porque ni̠tu̠ xkalhi̠y xtahuácat (Mateo 21.18‑19)

¹²Li̠cha̠lí tzi̠sa Jesús taca̠xpá nac Betania y la̠ta xtla̠huama xlá tzúculh tzincsa.

¹³Ali̠mákat úcxilhli akatum suji luu stakni̠t xtá̠ya xapalhma, alh ucxilha para xkalhi̠y xtahuácat pero ni̠tu̠ maclánilh acxni̠ lákcha̠lh porque ni̠ xquilhtamacú xuani̠t la̠ natahuacay xtahuácat.

¹⁴Jesús chiné huánilh a̠má suji: —Aquit clacasquín pi̠ niaj para cha̠tum cristiano nahuaparay mintahuácat. Y xtama̠kalhtahuaké̠n hua̠k takáxmatli hua̠ntu̠ huánilh a̠má suji. Jesús ca̠pu̠tlakaxtuy hua̠nti̠ xtasta̠namá̠nalh nac lanca pu̠siculan xalac Jerusalén (Mateo 21.12‑17; Lucas 19.45‑48; Juan 2.13‑22)

¹⁵Caj li̠puntzú tácha̠lh nac Jerusalén, Jesús tuncán ta̠nu̠lh nac lanca pu̠siculan y tzúculh ca̠tamacxtuy hua̠nti̠ antá xtasta̠namá̠nalh xa̠hua ti̠ xtatama̠huanamá̠nalh nac xtanquilhtí̠n pu̠siculan, ca̠ma̠kpu̠spítnilh xmesajcán hua̠nti̠ xtalakpali̠má̠nalh tumi̠n xa̠hua ti̠ xtakalhi̠y xpa̠lokoyucán ca̠na̠spu̠n y xtasta̠y.

¹⁶Niajti̠ má̠xqui̠lh quilhtamacú xlacata nata̠tanu̠ya̠chá xlí̠sta̠t nac xtanquilhtí̠n pu̠siculan.

¹⁷Y chiné ca̠huánilh a̠ma̠ko̠lh lacchixcuhuí̠n: —Nac xtachuhuí̠n Dios hua̠ntu̠ tatzoktahuilani̠t nac li̠kalhtahuaka chiné huan: “Umá quínchic luu cajhuá nali̠ma̠xtucán pi̠ antá naquintakalhtahuakaniy xli̠hua̠k cristianos cani̠huá xalaní̠n”, pero huixinín aya li̠ma̠xtuni̠tátit cumu la̠ xpu̠tatze̠knicán kalha̠naní̠n.

¹⁸Makapitzí̠n xma̠kalhtahuake̠nacán judíos xa̠hua xanapuxcun cura takáxmatli hua̠ntu̠ xlá xquilhuama huata tzúculh talacputzay lácu natatlahuay xlacata tze̠k natamakni̠y, porque xtape̠cuaniy la̠ta xca̠ma̠kalhchuhui̠ni̠y cristianos y xli̠hua̠k xtaca̠najlaniy hua̠ntu̠ xlá xca̠li̠ta̠chuhui̠nán.

¹⁹Acxni̠ aya tzúculh ca̠smalankán Jesús ca̠ta̠taca̠xpá xdiscípulos y ca̠ta̠ampá cBetania. Suji sca̠cni̠t hua̠ntu̠ tilacaquílhni̠lh Jesús (Mateo 21.20‑22)

²⁰Li̠cha̠lí lacatzi̠sa lacatzú tati̠táxtulh antaní xyá a̠má suji hua̠ntu̠ tilacaquílhni̠lh Jesús y taúcxilhli pi̠ hua̠k csca̠cko̠ni̠t la̠ta xakán hasta xtankáxe̠k.

²¹Pedro lacapa̠stactá̠yalh y chiné huánilh Jesús: —Quimpu̠chinacán, caúcxilhti a̠má suji hua̠ntu̠ tilacaquilhni ko̠tán, aya acsca̠cta̠yako̠ni̠t.

²²Jesús chiné kálhti̠lh: —Huá lí̠lalh xlacata nali̠pa̠huaná̠tit Dios.

²³Pus luu xli̠ca̠na cca̠huaniyá̠n para tícu nahuaniy eé ke̠stí̠n: “Catake̠nu la̠ tahuila y capit taju̠ya nac pupunú”, para xlá ca̠najlay y catzi̠y pi̠ chuná naqui̠taxtuy xli̠ca̠na chuná ámaj qui̠taxtuniy.

²⁴Na̠chunali̠túm para túcu namaksquiná̠tit Dios acxni̠ huixinín nakalhtahuakaniyá̠tit, para li̠pa̠huaná̠tit y catzi̠yá̠tit pi̠ xlá amá̠n ca̠ma̠xqui̠yá̠n xli̠ca̠na chuná naca̠qui̠taxtuniyá̠n.

²⁵Na̠chunali̠túm acxni̠ huixinín nakalhtahuakaniyá̠tit Dios, para tícu minta̠cristiano ta̠ra̠tlahuani̠tán y ta̠la̠makasi̠tzi̠ni̠tán, pus huata pu̠lhá cata̠pa̠ti y cama̠tzanke̠nani laquimpi Mintla̠ticán hua̠nti̠ huilachá nac akapú̠n na̠ naca̠ma̠tzanke̠naniyá̠n mintala̠kalhi̠ncán.

²⁶Pero para huixinín ni̠ nala̠ma̠tzanke̠naniyá̠tit hua̠ntu̠ ca̠tlahuanini̠tán minta̠cristiano, pus na̠chuná Mintla̠ticán Dios hua̠nti̠ huilachá nac akapú̠n na̠ ni̠ catica̠ma̠tzanke̠nanín mintala̠kalhi̠ncán. Hui̠nti̠ ni̠tu̠ taliucxilha xli̠ma̠peksí̠n Jesús (Mateo 21.23‑27; Lucas 20.1‑8)

²⁷Tataspitpá nac Jerusalén y acxni̠ xtalakchokopu̠lay Jesús nac pu̠siculan talaktalacatzúhui̠lh xanapuxcun cura chu xma̠kalhtahuake̠nacán judíos, xa̠hua lakko̠lutzi̠nni ma̠peksi̠naní̠n.

²⁸Chiné takalhásquilh: —¿Túcu xpa̠lacata huix li̠si̠tzi̠ya la̠ta tu̠ lama nac pu̠siculan? ¿Tícu ma̠xqui̠ni̠tán li̠ma̠peksí̠n xlacata chuná natlahuaya?

²⁹Pero Jesús ca̠kálhti̠lh: —Pus aquit na̠ huí hua̠ntu̠ camá̠n ca̠kalhputzayá̠n, para huixinín naquila̠kalhti̠yá̠hu pus aquit na̠ nacca̠huaniyá̠n tícu quima̠xqui̠ni̠t li̠ma̠peksí̠n xlacata hua̠ntu̠ ctlahuay.

³⁰La̠nchuj tuncán caquila̠huaníhu, ¿tícu má̠xqui̠lh li̠ma̠peksí̠n Juan Bautista xlacata naakmunu̠nún, pi̠ huá Dios osuchí lacchixcuhuí̠n?

³¹Xlacán tzúculh tala̠li̠ta̠kalhchuhui̠nán, xtala̠kalhasquín y xtala̠huaniy: —Para nahuaniyá̠hu pi̠ Dios ma̠lakácha̠lh naquinca̠huaniyá̠n: “¿Lácu chi̠nchú ni̠ li̠ca̠najlanítit hua̠ntu̠ ca̠li̠ta̠chuhui̠nán?”

³²Y para nahuaniyá̠hu pi̠ huá cristianos li̠ma̠péksi̠lh na̠ ni̠lay. Pus ni̠chuná xtali̠kalhti̠namputún porque xtacatzi̠y pi̠ luu lhu̠hua xca̠najlanicani̠t xlacata pi̠ Dios xli̠ca̠na xma̠lakacha̠ni̠t Juan Bautista naliakchuhui̠nán xtalacapa̠stacni, huá xtali̠pe̠cuaniy xli̠lhu̠hua cristianos; y xlacán ni̠ tacátzi̠lh lácu natakalhti̠nán.

³³Chiné tali̠huánilh Jesús: —Ni̠ ccatzi̠yá̠hu. Jesús ca̠kálhti̠lh: —Pus na̠ ni̠para aquit cactica̠huanín tícu quima̠xqui̠ni̠t li̠ma̠peksí̠n xlacata la̠ta tu̠ aquit tla̠n ctlahuay.