Read Xitsonga Genesis 36 Bible Online

Genesis 36 - Xitsonga bible

Genesis 36

¹Rixaka ra Esawu, a nga Edomu, hi leri:

²Esawu a a tekile vasati va yena eka vana va Vakanana: a a ri Ada, n'wana Elone wa Muhiti, na Oholibama, n'wana Ana, n'wana Sibeyoni wa Muhivhi,

³na Basemati, n'wana Iximaele, makwavo wa Nebayoto.

⁴Kutani Ada a velekela Esawu, Elifasi; Basemati a veleka Rhuwele;

⁵Oholibama a veleka Yewuxi, na Yalamu na Kora. Valavo i vana va Esawu a va velekeke etikweni ra Kanana.

⁶Kutani Esawu a teka vasati va yena ni vana va yena va xinuna ni va xisati, ni vanhu hinkwavo va yindlu ya yena, ni mitlhambi ya yena, ni swifuwo swa yena hinkwaswo, ni xuma xa yena hinkwaxo lexi a nga xi kuma etikweni ra Kanana, a ya aka kun'wana, ekule na Yakobo ndzisana ya yena;

⁷hikuva swifuwo swa vona a swi tele hi ku hundzisisa ni ku aka swin'we, kutani tiko leri va nga luvela eka rona ri tsandzeka ku va eneta hikwalaho ka mitlhambi ya vona.

⁸Kavaloko Esawu a ya aka entshaveni ya Seyira; Esawu hi yena Edomu.

⁹Rixaka ra Esawu, tata wa Vaedomu, entshaveni ya Seyira, hi ro leri:

¹⁰Mavito ya vana va Esawu hi lawa: Elifasi, n'wana Ada, nsati wa Esawu; Rhuwele, n'wana Basemati, nkata Esawu.

¹¹Vana va Elifasi: Temani, na Omara, na Sefo, na Gatamu, na Kenazi.

¹²Timina a a ri nhlantswa ya nkata Elifasi, n'wana Esawu; kutani a velekela Elifasi, Amaleke. Hi vona vana va Ada, nkata Esawu.

¹³Vana va Rhuwele hi lava: Nahata, na Zera, na Xama, na Miza. Volavo a va ri vana va Basemati, nkata Esawu.

¹⁴Vana va Oholibama, n'wana Ana, n'wana Sibeyoni, nkata Esawu, hi lava: a velekela Esawu Yewuxi, na Yalamu, na Kora.

¹⁵Tihosana ta tinyimba ta vana va Esawu hi leti: eka vana va Elifasi, n'wana Esawu wa mativula, hosana i Temani, ni hosana Omara, ni hosana Sefo, ni hosana Kenazi,

¹⁶ni hosana Kora, ni hosana Gatamu, ni hosana Amaleke. Hi tona tihosana ta Elifasi etikweni ra Edomu. Hi volavo vana va Ada.

¹⁷Vana va Rhuwele, n'wana Esawu, hi lava: hosana Nahata, ni hosana Zera, ni hosana Xama, ni hosana Miza. Valavo i tihosana ta Rhuwele, etikweni ra Edomu. Hi volavo vana va Basemati, nkata Esawu.

¹⁸Vana va Oholibama, nkata Esawu, hi lava: hosana Yewuxi, ni hosana Yalamu, ni hosana Kora. Valavo i tihosana leti velekeke hi Oholibama, n'wana Ana, nkata Esawu.

¹⁹Hi vona valavo vana va Esawu, a nga yena Edomu, ni tihosana ta vona, hi teto.

²⁰Vana va Seyira, wa Muhori, valavo va nga vaaki va tiko, hi lava: Lotani, na Xobala, na Sibeyoni, na Ana, na Dixoni, na Ezere, na Dixani.

²¹Hi tona tihosana ta Vahori, vana va Seyira, etikweni ra Edomu.

²²Vana va Lotani, Hori na Hemami; makwavo wa xisati wa Lotani a a ri Timina.

²³Vana va Xobala, hi lava: Alivhani, na Manahate, na Ebali, na Xefo, na Onamu.

²⁴Vana va Sibeyoni hi lava: Aya na Ana. Hi yena Ana la nga kuma swihlovo leswo kufumela emananga, loko a ri karhi a risa timbhongolo ta Sibeyoni, tata wa yena.

²⁵Vana va Ana, hi lava: Dixoni na Oholibama, n'wana wa wansati wa Ana.

²⁶Vana va Dixoni, hi lava: Hemi-Dani, na Exibani, na Yitirana, na Kerani.

²⁷Vana va Ezere, hi lava: Bilihani, na Savhana, na Akani.

²⁸Vana va Dixani hi lava: Usi na Arani.

²⁹Tihosana ta Vahori hi leti: hosana Lotani, ni hosana Xobala, ni hosana Sibeyoni, ni hosana Ana,

³⁰ni hosana Dixoni, ni hosana Ezere, ni hosana Dixani. Hi to teto tihosana ta Vahori, hi vuhosi bya tona etikweni ra Seyira.

³¹Hi leti, tihosi leti nga fuma etikweni ra Edomu, loko ku nga si fuma hosi eka vana va Israele.

³²Etikweni ra Edomu ku fuma Bela, n'wana Beyori; vito ra muti wakwe a wu ri Dinihaba.

³³Bela a fa, kutani ndzhaku ka yena ku fuma Yobabu, n'wana Zera, wa Bosira.

³⁴Yobabu a fa, kutani ndzhaku ka yena ku fuma Huxama, wa tiko ra Vatemani.

³⁵Huxama a fa; kutani ndzhaku ka yena ku fuma Hadadi, n'wana Bedadi, loyi a tshamaka a hlula Vamidiyani etikweni ra Mowabu, vito ra muti wa yena a wu ri Avhiti.

³⁶Hadadi a fa, kutani ndzhaku ka yena ku fuma Samila, wa Masireka.

³⁷Samila a fa; kutani ndzhaku ka yena ku fuma Xawulu wa Rehoboto, wa le kusuhi ni nambu.

³⁸Xawulu a fa; kutani ndzhaku ka yena ku fuma Baali-Hanani, n'wana Akibora.

³⁹Baali-Hanani, n'wana Akibora, a fa; kutani ndzhaku ka yena ku fuma Hadari; vito ra muti wa yena a wu ri Pawu, ni vito ra nsati wa yena a a ri Mehetabele, n'wana Matirede, n'wana wa xisati wa Mezahaba.

⁴⁰Mavito ya tihosana leti nga huma eka Esawu, hi tinyimba ta vona, ni matiko ya vona, hi mavito ya vona, hi lawa: hosi Timina, hosi Alivha, hosi Yetete,

⁴¹hosi Oholibama, hosi Ela, hosi Pinoni, hosi Kenazi, hosi Temani, hosi Mibisara,

⁴²hosi Magadiele, hosi Iramu.

⁴³Hi tona tihosi ta Edomu hi maako ya tona etikweni leri ngi ti ri fuwile. Hi yena Esawu tata wa Vaedomu.