Read Xitsonga 1 Chronicles 6 Bible Online

1 Chronicles 6 - Xitsonga bible

1 Chronicles 6

¹Vana va xinuna va Levhi: Gerixoni, Kohata, Merari.

²Vana va xinuna va Kohata: Amirama, Yisihara, Hebroni, Uziele.

³Vana va Amirama: Aroni, Muxe, Mariya (Meriyamu). Vana va xinuna va Aroni, Nadabu, Abihu, Eliyazara, Itamara.

⁴Eliyazara a veleka, Finiyasi; Finiyasi a veleka Abixuwa;

⁵Abixuwa a veleka Buki; Buki a veleka Uzi;

⁶Uzi a veleka Zerahiya; Zerahiya a veleka Merayoto;

⁷Merayoto a veleka Amariya; Amariya a veleka Ahituba;

⁸Ahituba a veleka Sadoki; Sadoki a veleka Ahimaasi,

⁹Ahimaasi a veleka Azariya; Azariya a veleka Yohanani;

¹⁰Yohanani a veleka Azariya; loyi ngi a ri muprista endlwini leyi Solomoni a yi akeke eYerusalema.

¹¹Azariya a veleka Amariya, Amariya a veleka Ahituba;

¹²Ahituba a veleka Sadoki; Sadoki a veleka Xalumi;

¹³Xalumi a veleka Hilkiya; Hilkiya a veleka Azariya;

¹⁴Azariya a veleka Seraya; Seraya a veleka Yosadaki;

¹⁵Yosadaki a suka loko Yehovha a yisa Yuda na Yerusalema, evukhumbini hi voko ra Nebukadnetsara.

¹⁶Vana va xinuna va Levhi: Gerixomu, Kohata, Merari.

¹⁷Hi wona mavito ya vana va xinuna va Gerixomu: Libini na Ximeyi.

¹⁸Vana va xinuna va Kohata; Amirama, Yisihara, Hebroni na Uziele.

¹⁹Vana va xinuna va Merari: Maheli na Muxi. Hi tona tindlu ta Levhi hi vatata wa vona.

²⁰Ya Gerixomu: Libini, n'wanakwe; Yahata, n'wanakwe; Zima, n'wanakwe;

²¹Yowa, n'wanakwe; Ido, n'wanakwe; Zera, n'wanakwe; Yeyaterayi, n'wanakwe;

²²vana va xinuna va Kohata: Aminadaba, n'wanakwe; Kore, n'wanakwe; Asiri, n'wanakwe;

²³Elkana, n'wanakwe, Ebiyasafa, n'wanakwe; Asiri, n'wanakwe;

²⁴Tahata, n'wanakwe; Uriele, n'wanakwe; Uziya, n'wanakwe Xawulu, n'wanakwe.

²⁵Vana va xinuna va Elikana: Amasayi na Ahimoto;

²⁶Elikana, n'wanakwe; Elikana Sofayi n'wanakwe; Nahata, n'wanakwe;

²⁷Eliyabu, n'wanakwe; Yerohama, n'wanakwe; Elkana, n'wanakwe;

²⁸Vana va xinuna va Samiele: mativula, Vhaxini; wa vumbirhi, Abiya.

²⁹Vana va xinuna va Merari: Maheli; Libini, n'wanakwe; Ximeyi, n'wanakwe; Uza, n'wanakwe;

³⁰Ximeya, n'wanakwe; Hagiya, n'wanakwe; Asaya, n'wanakwe.

³¹Hi vona lava Davhida a va vekeke ku yimbelela endlwini ya Yehovha, ku sungula hi nkarhi lowu areka yi kumeke ndhawu yo wisa.

³²Va tirha ntirho wa ku yimbelela emahlweni ka Yindlu ya Tabernakela ya nhlengeletano, ku fika nkarhi lowu Solomoni a akeke yindlu ya Yehovha Yerusalema; va tirha ntirho wa vona hi nawu lowu va wu vekeriweke.

³³Hi vona lava khomeke ntirho lowu, ni vana va vona. Exikarhi ka vana va xinuna va Kohata: Hemani, muyimbeleri, n'wana Yuwele, n'wana Samiele,

³⁴n'wana Elikana, n'wana Yerohama, n'wana Eliele, n'wana Towa,

³⁵n'wana Sufu, n'wana Elkana, n'wana Mahata, n'wana Amasayi,

³⁶n'wana Elkana, n'wana Yuwele n'wana Azariya n'wana Sofoniya,

³⁷n'wana Tahata n'wana Asiri, n'wana Ebiyasafa,

³⁸n'wana Kora, n'wana Yisihara, n'wana Kohata, n'wana Levhi, n'wana Israele.

³⁹Na Asafa makwavo, la yimeke evokweni ra yena ra xinene: Asa n'wana Berekiya, n'wana Ximeya,

⁴⁰n'wana Mikaele, n'wana Baaseya, n'wana Malikiya,

⁴¹n'wana Etini, n'wana Zera, n'wana Adaya,

⁴²n'wana Etani, n'wana Zima, n'wana Ximeyi,

⁴³n'wana Yahata, n'wana Gerixomu, n'wana Levhi.

⁴⁴Vana va xinuna va Merari, vamakwavo, va le ximatsini: Etani, n'wana Kixi; n'wana Abidi, n'wana Maluka,

⁴⁵n'wana Haxabiya, n'wana Amasiya, n'wana Hilkiya,

⁴⁶n'wana Amisi n'wana Bani, n'wana Xemere,

⁴⁷n'wana Maheli, n'wana Muxi, n'wana Merari, n'wana Levhi.

⁴⁸Vamakwavo, Valevhi, a va vekeriwe mitirho hinkwayo ya yindlu ya Xikwembu.

⁴⁹Aroni ni vana va yena va tirha ntirho wa alitari ya tiholokosta ni wa alitari ya mirhi ya risuna, a va tirha ni ntirho hinkwawo wa xikwetsimisiso, va phahlela Israele timhamba hilaha Muxe, nandza wa Yehovha, a leriseke hinkwaswo hakona.

⁵⁰Hi vona vana va xinuna va Aroni: Eliyazara, n'wanakwe; Finiyasi n'wanakwe; Abixuwa, n'wanakwe.

⁵¹Buki, n'wanakwe; Uzi, n'wanakwe; Zerahiya, n'wanakwe;

⁵²Merayoto, n'wanakwe; Amariya, n'wanakwe, Ahituba, n'wanakwe;

⁵³Sadoki, n'wanakwe; Ahimaasi, n'wanakwe.

⁵⁴Hi byona vuako bya vona ni laha va akeke kona emindzilekaneni ya vona. A va ri vana va Aroni va yindlu ya va Kohata, hikuva va hlawuriwe hi vuhlolotwana eku sunguleni,

⁵⁵va nyikiwa Hebroni etikweni ra Yuda, ni tikwana ra wona ematlhelweni hinkwawo.

⁵⁶Kambe masimu ya muti ni swimitana swa wona, swi nyikiwa Kalebe, n'wana Yefune.

⁵⁷Vana va Aroni va nyikiwa miti ya vuchavelo, Hebroni, na Libina ni tikwana ra wona, Yatiri na Exitemoka ni tikwana ra wona,

⁵⁸Hileni, ni tikwana ra wona, Debiri, ni tikwana ra wona,

⁵⁹Axani ni tikwana ra wona, Beta-Xemexe, ni tikwana ra wona;

⁶⁰wa nyimba ya Benjamini, Geba ni tikwana ra wona, na Alemete, ni tikwana ra wona; na Anatoto ni tikwana ra wona. Miti hinkwayo ya vona a yi ri khume na minharhu, hi tindlu ta vona.

⁶¹Vana va xinuna van'wana va Kohata va nyikiwa miti ya khume hi vuhlolotwana, yi huma eka tindlu ta nyimba ya Efrayimi, ni ka nyimba ya Dani, ni ka hafu ya nyimba ya Manase.

⁶²Vana va xinuna va Gerixomu, hi tindlu ta vona, va nyikiwa miti ya khume na minharhu, yi huma enyimbeni ya Isakara, ni le nyimbeni ya Neftali, ni le nyimbeni ya Manase, eBaxani.

⁶³Vana va xinuna va Merari, hi tindlu ta vona, va nyikiwa hi vuhlolotwana, miti ya khume na mimbirhi yi huma enyimbeni ya Rhuveni ni le nyimbeni ya Gadi, ni le nyimbeni ya Zebuloni.

⁶⁴Vana va Israele va nyika Valevhi miti ni matikwana ya yona.

⁶⁵Va va nyika hi vuhlolotwana miti leyi va yi vuleke hi mavito ya yona, yi huma enyimbeni ya vana va Yuda, ni le nyimbeni ya vana va Simiyoni, ni le nyimbeni ya vana va Benjamini.

⁶⁶Loko ti ri tindlu ta vana va Kohata leti nyikiweke miti ya tiko ra vona enyimbeni ya Efrayimi,

⁶⁷va nyikiwa miti ya vuchavelo entshaveni ya Efrayimi, wu ri Xikeme ni tikwana ra wona, na Gezere ni tikwana ra wona,

⁶⁸na Yokimeyama ni tikwana ra wona na Bet-Horoni ni tikwana ra wona,

⁶⁹na Ayaloni ni tikwana ra wona, na Gati-Rimoni ni tikwana ra wona;

⁷⁰ni ka hafu ya nyimba ya Manase: Anere ni tikwana ra wona, na Bileyama ni tikwana ra wona, yi va ya yindlu ra vana van'wana va Kohata.

⁷¹Vana va xinuna va Gerixomu va nyikiwa Golani wa Baxani, ni tikwana ra wona, na Axitaroto, ni tikwana ra wona, swi huma endlwini ya hafu ya nyimba ya Manase,

⁷²swa nyimba ya Isakara: Kedexe ni tikwana ra wona, Daberata, ni tikwana ra wona,

⁷³Ramoto, ni tikwana ra wona, Aneme ni tikwana ra wona;

⁷⁴swa nyimba ya Asere: Maxale, ni tikwana ra wona, na Abidoni, ni tikwana ra wona;

⁷⁵na Hukoko, ni tikwana ra wona, na Rehobo ni tikwana ra wona;

⁷⁶swa nyimba ya Neftali: Kedexe wa Galeliya, ni tikwana ra wona, na Hamoni, ni tikwana ra wona, na Kiriyatayimi, ni tikwana ra wona.

⁷⁷Vana va xinuna va Merari lava seleke va nyikiwa Rimoni, ni tikwana ra wona, na Taboro, ni tikwana ra wona, swi huma enyimbeni ya Zebuloni,

⁷⁸ni le hase ka Yordani, wa Yeriko, evuxeni bya Yordani, enyimbeni ya Rhuveni, va nyikiwa Beseri emananga, ni tikwana ra wona, na Yahasa, ni tikwana ra wona,

⁷⁹na Kedemoto, ni tikwana ra wona, na Mefata, ni tikwana ra wona;

⁸⁰ni le nyimbeni ya Gadi: Ramoto wa Giliyadi, ni tikwana ra wona, na Mahanayimi, ni tikwana ra wona,

⁸¹na Hexiboni, ni tikwana ra wona, na Yazere, ni tikwana ra wona.