Read Xitsonga Ezra 10 Bible Online

Ezra 10 - Xitsonga bible

Ezra 10

¹Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

²Kutani Xekaniya, n'wana Yehiele, wa vana va Elamu, a vulavula, a ku eka Ezra: “Hi dyohele Xikwembu xa hina hi ku teka vasati vambe va matiko lawa; hambiswiritano ku tshemba ka ha ri kona eka Vaisraele, emhakeni yoleyo.

³Sweswi, a hi endleni ntwanano na Xikwembu xa hina ku tlherisa vasati valavo hinkwavo, ni vana lava velekiweke hi vona, hi laha hosi yanga yi vulaka hakona, ni lava rhurhumerisiwaka hi milawu ya Xikwembu xa hina; kutani a ku endliwe hi milawu.

⁴Yima, hikuva mhaka leyi yi na wena, hi ta ku yimela, tiyisa mbilu, u tirha.”

⁵Kavaloko Ezra a yima a hlambanyisa tihosana ta vaprista, ni ta Valevhi, ni ta Vaisraele, hinkwavo leswaku va endla hi marito walawo kutani va hlambanya.

⁶Ezra a suka emahlweni ka yindlu ya Xikwembu a nghena ekamareni ya Yohanani, n'wana Eliyaxibi, kuteloko a nghenile kona, a nga dyi vuswa, a nga nwi mati, hikuva a a vavisekile hi ku tiarisa ka lava nga tlhela eku bohiweni.

⁷Kutani va tivisa hinkwavo lava tlheleke eku bohiweni etikweni ra Yuda na Yerusalema, va ku:

⁸“Hlengeletanani eYerusalema, kutani mani na mani la nga tiki hi masiku manharhu hi ku vula ka tihosana ni vakulukumba, swilo hinkwaswo swa yena swi ta dyiwa, yena a humesiwa enhlengeletanweni ya lava tlheleke eku bohiweni.”

⁹Kutani vanhu hinkwavo va Yuda, ni va Yerusalema, ni va Benjamini, va hlengeletana eYerusalema hi masiku manharhu; yi nga n'hweti ya ntlhanu na mune, hi siku ra makume mambirhi ra n'hweti. Tiko hinkwaro ri ta tshamisa erivaleni, emahlweni ka yindlu ya Xikwembu, va ri karhi va rhurhumela hikwalaho ka mhaka leyi nga kona, ni hikwalaho ka timpfula.

¹⁰Kutani muprista Ezra a yima a ku eka vona: “Mi dyohile hi ku teka vasati vambe, mi engeterile hakona, milandzu ya Israele.

¹¹Sweswi, dzunisani Yehovha Xikwembu xa vatata wa n'wina, mi endla hi ku rhandza ka yena mi tihlawula eka vamatiko ya misava, ni le ka vavasati vambe.”

¹²Kutani nhlengeletano hinkwayo yi hlamula hi marito lama tlakukeke, va ku: “E, hi fanele ku endla swoleswo hilaha u vulaka hakona.

¹³Kambe tiko ri kurile, kutani hi nkarhi wa timpfula letikulu, a ku na laha hi nga yimaka kona ehandle, kambe a hi ntirho wa siku rin'we, kumbe wa masiku mambirhi, hikuva hi tele ngopfu, lava hi dyoheke emhakeni yoleyo.

¹⁴A ku yime tihosana ta hina ematshan'weni ya nhlengeletano hinkwayo, kutani hinkwavo lava tekeke vasati vambe emitini ya vona, va ta ta hi nkarhi lowu nga ta vekiwa, va ri ni vakulukumba va muti wun'wana ni wun'wana, ni vaavanyisi va vona, mahlundzu ya vukari bya Xikwembu xa hina ma ko ma suka ehenhla ka hina hikwalaho ka mhaka leyi.”

¹⁵Kambe Yonatani, n'wana Asahele na Yahaziya, n'wana Tikivha, va ala, va yimeriwa hi Mexulama na Xabetayi, Valevhi.

¹⁶Loko va ri lava tlheleke eku bohiweni, vona va endlisa sweswo, va veka muprista Ezra, ni vavanuna van'wana, lava va nga tihosana ta tindlu ta vatata wa vona, va hlawuriwa hi tindlu ta vatata wa vona, hinkwavo va vuriwa hi mavito ya vona, va ta swin'we, hi siku ro sungula ra n'hweti ya vukhume, ku ta lavisisa mhaka yoleyo.

¹⁷Hi siku ro sungula ra n'hweti yo rhanga, va hetisa timhaka ta vavanuna lava tekeke vasati vambe.

¹⁸Ku kumiwa vana van'wana va vaprista lava tekeke vavasati valavo; eka vana va Yexuwa, n'wana Yosadaka, ni ka vana va vamakwavo, Maaseya, Eliezere, Yaribi, Gedaliya;

¹⁹vona va tlakusa mavoko, va tiboha, leswaku va ta tlherisa vasati va vona, hikuva a va ri ni nandzu; va tlhavela milandzu ya vona magandzelo ya khuna lerintshwa.

²⁰Eka vana va Imere, Hanani, na Zebadiya;

²¹eka vana va Harimi, Maaseya, Eliya, Xemaya, Yehiele, Uziya;

²²eka vana va Paxahuru, Eli-Howenayi, Maaseya, Iximaele, Netanele, Yozabadi, Eliyasa.

²³Eka vana va Levhi: Yozabadi, Ximeyi, Kelaya (a nga Kelita), Petahiya, Yuda, Eliezere.

²⁴Exikarhi; ka vayimbeleri: Eliyaxibi; eka valanguteri va tinyangwa: Xalumi, na Teleme, na Uri.

²⁵Loko va ri va Israele, eka vana va Paroxi: Ramiya, Yiziya, Malikiya, Miyamini, Eliyazara, Malikiya, Benaya.

²⁶Eka vana va Elamu: Mataniya, Zakariya, Yehiele, Abidi, Yeremoto, Eliya.

²⁷Eka vana va Zatu: Eli-Howenayi, Eliyaxibi, Mataniya, Yeremoto, Zabada, Aziza.

²⁸Eka vana va Bebayi: Yohanani, Hananiya, Zabayi, Atalayi.

²⁹Eka vana va Bani: Mexulama, Maluka, Adaya, Yaxubu, Xeyala, Yeremoto.

³⁰Eka vana va Pahata-Mowabu: Adina, Kelala, Benaya, Maaseya, Mataniya, Besalele, Binuyi, Manase.

³¹Eka vana va Harimi: Eliezere, Yixiya, Malikiya, Xemaya, Ximeyoni,

³²Benjamini, Maluka, Xemariya.

³³Eka vana va Haxumu: Matenayi, Matata, Zabada, Elifelete, Yeremayi, Manase, Ximeyi.

³⁴Eka vana va Bani; Maadayi, Amirama, Uwele,

³⁵Benaya, Bedeya, Keluhi,

³⁶Vhaniya, Meremoto, Eliyaxibi,

³⁷Mataniya, Matenayi, Yaasu,

³⁸Bani, Binuyi, Ximeyi,

³⁹Xelemiya, Natani, Adaya,

⁴⁰Makina-Debayi, Xaxayi, Xarayi,

⁴¹Asarele, Xelemiya, Xemariya,

⁴²Xalumi, Amariya, Yosefa.

⁴³Eka vana va Nebo: Yeyiele, Matitiya, Zabada, Zebina, Yadayi, Yuwele, Benaya.

⁴⁴Valavo hinkwavo, a va tekile vasati vambe, van'wana eka vona a va velekeriwe vana hi vasati valavo.