Read Xitsonga Exodus 35 Bible Online

Exodus 35 - Xitsonga bible

Exodus 35

¹Kutani Muxe a vitana nhlengeletano hinkwayo ya vana va Israele, a ku eka vona: “Hi leti timhaka leti Yehovha a mi leriseke ku ti endla:

²Ku ta tirhiwa masiku ya ntlhanu na rin'we, kambe siku ra ntlhanu na mambirhi, ri ta va leri hlawuriweke, i Savata leyi hlawuleriweke Yehovha. Mani na mani la tirhaka ntirho hi siku lero, u ta dlawa.

³Mi nga tshuki mi tshivela ndzilo etindlwini hinkwato ta n'wina hi siku ra Savata.”

⁴Kutani Muxe a byela nhlengeletano hinkwayo ya vana va Israele, a ku: “Lexi lerisiweke hi Yehovha hi lexi:

⁵Humesani swilo swa n'wina leswi mi swi nyikaka Yehovha. Munhu un'wana ni un'wana la swi rhandzaka hi mbilu, u ta tisela Yehovha ku nyika ka yena: nsuku, ni silivhere, ni koporo;

⁶ni xivunguvungu, ni scarlet, ni crimson, ni ntsembyana lowo saseka, ni voya bya timbuti,

⁷ni madzovo ya makhuna lama totiweke hi leswo tshwuka, ni madzovo ya maxwale, ni mirhi ya munga;

⁸ni mafurha ya rivoningo, ni mirhi ya risuna ya ku endla mafurha yo tola, ni mirhi ya risuna leyo hisiwa;

⁹ni maribye ya onikisi, ni maribye leyi nghenisiwaka etifukwaneni ta efodi, ni ya nguvu ya xifuva.

¹⁰“Kutani vavanuna hinkwavo lavo tlhariha exikarhi ka n'wina, va ta ta, va ta tirha hinkwaswo leswi lerisiweke hi Yehovha:

¹¹Tabernakela, ni ntsonga wa yona, ni xifunengeto xa yona, ni swovetana, ni mapulangi ya yona, ni timbalelo ta yona, ni timhandze ta yona, ni switshamo swa yona;

¹²ni areka ni mimpingu ya yona, ni vukhongelelo, ni nguvu leyi lukiweke,

¹³ni tafula ni mimpingu ya rona, ni mitirho hinkwayo ya yona, ni vuswa bya xikombiso;

¹⁴ni kandelari yo voninga, ni mitirho ya yona, ni mavoningo ya yona, ni mafurha ya ku voninga;

¹⁵ni alitari ya mirhi ya risuna, ni mimpingu ya yona, ni mafurha yo tola, ni mirhi ya risuna leyo hisiwa; ni nguvu leyi lukiweke leyi nga enyangweni ya Tabernakela;

¹⁶ni alitari ya magandzelo lama hisiwaka, ni roster ya koporo ni mimpingu ya yona, ni mitirho ya yona, ni nkamba ni xitshamo xa wona;

¹⁷ni tinguvu ta xivava, ni timhandze ta tona, ni switshamo swa tona, ni nguvu leyi nga enyangweni ya huvo;

¹⁸ni timhingu ta Tabernakela, ni timhingu ta huvo ni tingoti ta tona;

¹⁹ni tinguvu ta ku tirha ntirho wa vukwetsimelo, ti nga tinguvu leti hlawuriweke ta muprista Aroni, ni tinguvu ta vana va yena ta ku tirha ntirho wa vuprista.”

²⁰Nhlengeletano hinkwayo ya vana va Israele yi suka emahlweni ka Muxe.

²¹Kutani munhu un'wana ni un'wana la tsundzuxiweke hi mbilu ya yena, ni hinkwavo lava swi rhandzeke va tisa leswi va swi nyikaka Yehovha, ku ta tirha ntirho wa Yindlu ya nhlengeletano, ni hinkwaswo swa ntirho wa yona, ni tinguvu leti hlawuriweke.

²²Ku ta vavanuna ni vavasati; hinkwavo lava swi rhandzeke hi mbilu; va tisa swingwavila ni masindza ni tintlhama, ni tinxakaxaka ta mitirho ya nsuku; un'wana ni un'wana a humesa ku nyika ka yena ka nsuku loku a ku hlawuleleke Yehovha.

²³Un'wana ni un'wana la ngi a ri ni xivunguvungu, ni scarlet, ni crimson, ni ntsembyana lowo saseka, ni voya bya mbuti, ni madzovo ya makhuna lama totiweke hi leswo tshwuka, ni madzovo ya xwale, va swi tisa.

²⁴Un'wana ni un'wana la nga humesa nyiko ya silivhere, ni koporo, va yi tisa eka Yehovha; ni hinkwavo lava nga ni mirhi ya munga ya mitirho ya Tabernakela, va yi tisa.

²⁵Vavasati hinkwavo lavo tlhariha va luka hi mavoko ya vona, kutani va tisa lexi va xi lukeke, xivunguvungu, ni scarlet, ni crimson, ni ntsembyana lowo saseka.

²⁶Kutani vavasati hinkwavo lava tsundzuxiweke hi timbilu ta vona, va luka voya bya timbuti.

²⁷Loko ti ri tihosana ta tiko, ti tisa maribye ya onikisi ni maribye lama nghenisiwaka etifukwaneni ta efodi ni le ngubyini ya xifuva,

²⁸ni mirhi ya risuna, ni mafurha ya rivoni ni mafurha ya ku tola, ni ya mirhi ya risuna leyi hisiwaka.

²⁹Vana va Israele, ni vavasati hinkwavo lava rhandzeke ku tisa swilo swa ntirho hinkwawo lowu Yehovha a nga lerisa Muxe leswaku wu endliwa, va tisela Yehovha nhlengo hi ku rhandza ka vona.

³⁰Kutani Muxe a ku eka vana va Israele: “Vonani, Yehovha u vitanile Besalele, n'wana Uri, n'wana Huru wa rixaka ra Yuda;

³¹u n'wi chele hi moya wa Xikwembu, ni vutlhari ni ku twisisa, ni ku tiva ku tirha mitirho hinkwayo,

³²ni ku thya yin'wana, ku endla mitirho ya nsuku, ni ya silivhere, ni ya koporo,

³³ni ku vatla maribye lama nghenisiwaka eswifukwaneni, ni ku vatla mirhi, ni ku tirha mitirho hinkwayo ya vutlhari.

³⁴Kutani u n'wi nyikile swin'we na Oholiyabu, n'wana Ahisamaki, wa rixaka ra Dani, vutlhari bya ku dyondzisa van'wana.

³⁵U va tatisele vutlhari leswaku va tirha mitirho hinkwayo ya valuki, ni vaswuri va xivunguvungu, ni scarlet ni crimson, ni ntsembyana lowo saseka, leswaku va endla mitirho hinkwayo, ni leswaku va chula yin'wana.