Read Xitsonga Job 17 Bible Online

Job 17 - Xitsonga bible

Job 17

¹“Ku hefemula ka mina ka lahleka, Masiku ya mina ma timeka, Sirha ri ndzi langutele.

²Hakunene mitseketselo yi ndzi rhendzele. Kutani mahlo ya mina ma byisiwile hi ku hlohlotela ka vona!

³“Wa nga ndzi vekela xilangutelo ematshan'weni ya mina, u va wena u humelelaka, Hikuva i mani la nga ndzi yimelelaka, a katsakanya na mina?

⁴Hikuva timbilu ta vona u ti pfalele ku twisisa; Hikwalaho u nga ka u nga va tlakusi.

⁵Loyi a nyiketaka vanakulobye leswaku va phangiwa, Mahlo ya vana va yena ma ta hela.

⁶“U ndzi endlile xivuriso xa matiko, Ndzi loyi va n'wi tshwutelaka marhi emahlweni,

⁷Mikosi yi sivile mahlo ya mina; Kutani swirho hinkwaswo swa mina swi fana ni mindzhuti.

⁸Lavo lulama va hlamala hikwalaho, Lava nga hava milandzu va pfukela vakanganyisi vukari.

⁹Hambiswiritano, lowo lulama u tiyisela endleleni ya yena, Ni lowa mavoko yo basa u engetela ku tiya mbilu.

¹⁰Loko mi ri n'wina hinkwenu, tlhelani mi vuya; Ndzi nga ka ndzi nga voni munhu loyi a tlhariheke exikarhi ka n'wina.

¹¹Masiku ya mina ma hundzile, Makungu ya mina lama rhandziwaka hi mbilu ya mina, Makungu ya mina ma wile hansi.

¹²Va ku: ‘Vusiku i nhlekanhi, Ku vonakala, loko ku ri kona,’ va ku: ‘Munyama wu kusuhi!’

¹³Kutani ndzi langutile tlhelo ra vafi leswaku yi va yindlu ya mina, Ndzi andlarile masangu ya mina tlhelo ra munyama.

¹⁴Ndzi ri eka sirha: ‘U tatana!’ Ni ka swivungu: ‘Mi manana ni vamakwerhu!’

¹⁵Kutani sweswi, ku tshemba ka mina ku kwihi? Ku ta voniwa hi mani, xana?

¹⁶Ku ta xikela enyangweni ya ndhawu ya vafi, Laha hi nga ta etlela swin'we entshurini.”