Read Xitsonga Job 18 Bible Online

Job 18 - Xitsonga bible

Job 18

¹Kutani Bilidada wa Xuwaka, a hlamula, a ku:

²“Mi ta heta rini ku vulavula koloko xana? Mi va ni ku twisisa, kutani hi ta vulavula.

³Hi endliwile ha yini tihomu? Hi hungukise ha yini emahlweni ka n'wina?

⁴Wena la tihandzulaka hi vukari bya wena, Xana misava yi ta hundzuka swahava hikwalaho ka wena-ke? Ni maribye ma tshinetiwa evutshan'weni bya wona xana?

⁵“Ku vonakala ka lowo biha ku ta timeka, Kutani malangavi ya ndzilo wa yena ma nga ka ma nga pfurhi.

⁶Ku vonakala ku ta hundzuka munyama entsongeni wa yena, Rivoningo ra yena ra le henhla ka yona ri ta timiwa.

⁷Mikondzo ya yena leyi tiyeke yi ta larisiwa, U ta wisiwa hi makungu ya yena.

⁸Hikuva u ta kandziya kukuto hi milenge ya yena; U ta famba ehenhla ka marindzi,

⁹Ntlhamu wu ta n'wi phasa xirhendze, Kukuto wu ta n'wi boha;

¹⁰Ntlhamu wu fihliwile emisaveni emahlweni ka yena, Xirimbana xi n'wi langutele endleleni.

¹¹Michavo yi n'wi tshukisa matlhelo hinkwawo. Yi n'wi tshunxa, yi n'wi tsutsumela.

¹²Ndlala yi n'wi heta matimba; Ku onhaka ku n'wi khoma hi matsheve.

¹³Nhlonge ya miri wa yena yi dyiwa hinkwayo, Swilo swa yena swi dyiwa hi mativula ya rifu.

¹⁴U ta susiwa entsongeni wa yena lowu a wu tshembeke, U kokiwa ka hosi ya ku chaviseka.

¹⁵A ku na ombe wa varikwavo la akaka entsongeni wa yena, Xivavula xi halatiwa henhla ka vuako bya yena.

¹⁶Ehansi, timitsu ta yena ta oma, Ehenhla, marhavi ya yena ma tsemiwa.

¹⁷Xitsundzuxo xa yena xi herile emisaveni; U pfumala vito erivaleni ra le masin'wini.

¹⁸U ta hlongoriwa eku vonakaleni, a ya emunyameni, A susiwa emisaveni leyi akiweke.

¹⁹A nga siyi n'wana, hambi a ri ntukulu exikarhi ka tiko ra yena, Evuakweni bya yena ku pfumaleka masiyela lama humaka eka yena.

²⁰Tinxaka leti nga ta ta ti ta hlamala eku onhakeni ka yena, Rixaka ra sweswi ri khomiwa hi ku rhurhumela.

²¹Vuako bya mbabva byi tano, Ni vutshamo bya la nga tiviki Xikwembu byi tano.”