Read Xitsonga Job 26 Bible Online

Job 26 - Xitsonga bible

Job 26

¹Kutani Yobo a hlamula, a ku:

²“U pfunise ku yini la nga riki na matimba! U tiyisile ku yini voko leri nga riki na matimba!

³U byeleterise ku yini loyi a pfumalaka vutlhari! U vonakisile ku twisisa kunghasi!

⁴Timhaka leti u byela mani xana? I moya wa mani lowu humaka enon'wini wa wena-ke?

⁵Lava feke va rhurhumela, Ehansi ka mati ni swiaki swa kona.

⁶Ndhawu ya vafi yi fununguriwe emahlweni ka xona, Swidziva a swi sirheriwi,

⁷Xi andlala n'walungu, ehenhla ka xibakabaka, Xi lengeleta misava ehenhla ka hava.

⁸Xi sivela mati emapepeni ya xona, Mapapa ma nga phatluki hi ku tika ka wona.

⁹Xi pfalela masungulo ya xiluvelo xa xona, Hi ku ma funengeta hi mapapa ya xona.

¹⁰Xi akerile empfhukeni wa mati xirhendzevutana, Ku fika laha ku vonakala ku avanaka kona ni munyama.

¹¹Timhandze ta le tilweni ta tsekatseka, Ti khindlimuka hi ku holoveriwa ka xona.

¹²Hi matimba ya xona xi kukumukisa lwandle, Hi vutlhari bya xona xi hlula ku tikukumuxa ka rona.

¹³Ku huhutela ka xona ku xisa ehenhla. Voko ra xona ri tlhava nyoka leyi balekaka.

¹⁴Vona, sweswo i vuhandle bya tindlela ta xona, Hi twa tingomela letitsanana ta xona ntsena; Loko ti ri tindlati ta matimba ya xona, i mani la nga ti twaka xana?”