Read Xitsonga Job 7 Bible Online

Job 7 - Xitsonga bible

Job 7

¹“Vutomi bya munhu la emisaveni i matlhari; Masiku ya yena ma fana ni masiku ya munhu la thoriweke.

²Kukotisa khumbi loko ri navela ndzhuti, Ni mutirhi loko a langutela hakelo ya yena,

³Ndzi averiwe tin'hweti ta ku vaviseka, Ndzi hlayeriwe vusiku bya mahlomulo hi masiku.

⁴Loko ndzi etlela, ndzi ku: ‘Ndzi ta pfuka rini? Vusiku byi ta xa rini?’ Ndzi karhala hi ku hundzuluka vurhonga byi kondza byi huma.

⁵Nyama ya mina yi tlhomene hi swivungu ni mabuwu ya misava Nhlonge ya mina yi oma, yi tlhela yi huma vuvopfu.

⁶Masiku ya mina ma tsemiwa hi ku hatlisa kukota xiluko xa muluki, Ma hangalaka, ku nga ri na ku tshemba.

⁷“Yehovha tsundzuka leswaku vutomi bya mina i ku huhuta ntsena, Mahlo ya mina ma nga ha voni ku tsaka;

⁸Tihlo ra la vonaka a ri nga ha tlheli ri ndzi vona; Mahlo ya wena ma ta ndzi lava, kutani ndzi ta va ndzi nga ha ri kona,

⁹Mapapa ma hangalakile, ma mukile; Hi sweswo, ni loyi a rhelelaka exivandleni xa vafi, a nga na ku tlhela kona.

¹⁰A nga ha vuyeli endlwini ya yena, Vuako bya yena a byi nga n'wi tivi.

¹¹“Loko swi ri tano ndzi nga ka ndzi nga tipfali nomu, Kambe ndzi ta vulavula hi gome ra mbilu ya mina, Ndzi ta humesa ku bava ka moya wa mina.

¹²Xana ndzi lwandle, kumbe dragona, Leswi u ndzi vekeleke valanguteri?

¹³Loko ndzi ku: ‘Masangu ya mina ma ta ndzi wisisa,’ Xilawu xa mina xi ta olovisa ku vaviseka ka mina,

¹⁴Kava laha u ndzi khindlimusaka hi milorho, U ndzi rhurhumerisa hi mahlori.

¹⁵Hilaha mbilu ya mina yi nga hlawula mbitsi ni ku fa! Ku tlurisa loko ndzi hlayisa marhambu lawa!

¹⁶Ndzi phiriwa hi ku hanya! A ndzi rhandzi ku hanya hilaha ku nga heriki! Ndzi tshike, hikuva masiku ya mina i huhuto ntsena,

¹⁷Munhu i yini leswaku u n'wi endla lonkulu, Ni leswaku u n'wi tsetselela;

¹⁸U va u n'wi endzela hi siku rin'wana ni rin'wana, U n'wi ringa hi mikarhi hinkwayo xana?

¹⁹U ta tshika rini ku ndzi xondzolota hi mahlo, U ta ndzi ha rini nkarhi wa ku mita marhi?

²⁰Loko kumbe ndzi endlile xivi, ndzi ku endlele yini, wena mulanguteri wa vanhu? U ndzi veke ha yini lexi u copaka nseve wa wena ka xona, Ndzi hundzuka ndzi va ndzhwalo eka mina,

²¹A ku ndzi khomeri ku dyoha ka mina ha yini, U va u susa ku homboloka ka mina-ke? Hikuva ndzi ya etlela entshurini, U ta ndzi lava, kutani ndzi ta pfumaleka.”