Read Xitsonga Psalms 1 Bible Online

Psalms 1 - Xitsonga bible

Psalms 1

¹Ku katekile munhu la nga fambiki hi ku letela ka lavo homboloka, La nga yimiki endleleni ya vadyohi, La nga tshamisiki exitshan'weni xa vasandzi,

²Kambe a titsakela enawini wa Yehovha, A wu anakanya nhlekanhi ni vusiku.

³U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

⁴A swi tano ka lavo homboloka: Va fana ni mungu lowo hungiwaka hi mheho.

⁵Hikwalaho, lavo homboloka va nga ka va nga yimi eku avanyisiweni, Hambi va ri vadyohi enhlengeletanweni ya lavo lulama;

⁶Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.