Read Xitsonga Psalms 116 Bible Online

Psalms 116 - Xitsonga bible

Psalms 116

¹Ndzi rhandza Yehovha, hikuva u yingisile rito ra mina, Ni ku sindzisa ka mina.

²Hikuva u ndzi rhiyele ndleve ya yena, Kutani ndzi ta n'wi khongela evutomini bya mina hinkwabyo.

³Mapindza ya rifu a ma ndzi tsondzerile, Maxangu ya sirha a ma ndzi khomile, A ndzi kumile ni gome ni ku vaviseka,

⁴Kutani ndzi khongerile vito ra Yehovha: “Oho Yehovha, ponisa moya wanga!”

⁵Yehovha u ni tintswalo ni ku lulama, Xikwembu xa hina xi tele nsovo.

⁶Yehovha wa hlayisa lava pfumalaka mano; A ndzi ri ekhombyeni, kutani u ndzi ponisile.

⁷Moya wa mina, tlhelela eku wiseni ka wena, Hikuva Yehovha u ku katekisile.

⁸Ina, u lamurile moya wanga eku feni, Mahlo ya mina eswirilweni, ni milenge ya mina eku weni.

⁹Ndzi ta famba emahlweni ka Yehovha Emisaveni ya lava hanyaka.

¹⁰Ndzi pfumerile, hikwalaho ndzi vurile; A ndzi ri ekhombyeni lerikulu!

¹¹Emahikeni ya mina, ndzi te: “Munhu un'wana ni un'wana u ni vunwa.”

¹²Ndzi ta tlangela Yehovha hi yini? Mikateko hinkwayo ya yena yi le henhla ka mina.

¹³Ndzi ta tlakusa ndzheko wa xilamulelo, Kutani ndzi ta khongela vito ra Yehovha.

¹⁴Ndzi ta tirha ku hlambanya ka mina, eka Yehovha, Emahlweni ka tiko ra yena hinkwaro.

¹⁵Ri ni risima eka Yehovha, Rifu ra varhandziwa va yena.

¹⁶Hakunene, Yehovha, ndzi nandza wa wena, Ndzi nandza wa wena, n'wana wa nandza wa wena wa wansati, U tshunxile mapindza ya mina.

¹⁷Ndzi ta ku gandzela hi timhamba ta mikhenso, Ndzi ta vitana vito ra Yehovha.

¹⁸Ndzi ta tirha ku hlambanya ka mina Emahlweni ka tiko hinkwaro ra yena,

¹⁹Erivaleni ra Yindlu ya yena. Exikarhi ka wena, Yerusalema! Dzunisani Yehovha!