Read Xitsonga Psalms 122 Bible Online

Psalms 122 - Xitsonga bible

Psalms 122

¹Ndzi tsakile loko va te eka mina: A hi yeni endlwini ya Yehovha!

²Milenge ya mina yi yimile Etinyangweni ta wena, Yerusalema,

³Yerusalema, la akiweke, Wu nga muti lowu manyaneke,

⁴Laha tinxaka ta Yehovha ti tlhandlukelaka kona Hi nawu wa Israele, ku dzunisa vito ra Yehovha.

⁵Hikuva hi kona ku vekiweke swiluvelo swa ku avanyisa, Swiluvelo swa yindlu ya Davhida.

⁶Kombelani ku rhula ka Yerusalema! Lava ku rhandzaka, a va tshame eku rhuleni!

⁷Ku rhula a ku ve endzeni ka rirhangu ra wena, Ni ku etlela ka tiko etindlwini ta wena ta vuhosi!

⁸Hikwalaho ka vamakwerhu ni vanakulorhi, Ndzi navela ku rhula ka wena.

⁹Hikwalaho ka yindlu ya Yehovha, Xikwembu xa hina, Ndzi ta lava vunene bya wena.