Read Xitsonga Psalms 138 Bible Online

Psalms 138 - Xitsonga bible

Psalms 138

¹Ndzi ta ku tlangela hi mbilu hinkwayo ya mina, Ndzi ku yimbelelela emahlweni ka swikwembu.

²Ndzi ta ku khinsamela endlwini ya wena leyo kwetsima, Ndzi twarisa vito ra wena, hikwalaho ka tintswalo ni ku tshembeka ka wena, Hikuva u engetile ntwalo wa wena hi ku heta leti u nga swi hlaya.

³Siku leri ndzi nga rila ka wena, u ndzi twile, U ndzi tiyisile, matimba ma nghene emoyeni wa mina.

⁴Oho Yehovha! Tihosi hinkwato ta misava ti ta ku dzunisa, Loko ti twa marito ya nomu wa wena;

⁵Ti ta khensa tindlela ta Yehovha, Hikuva ku kwetsima ka Yehovha kukulu.

⁶Yehovha u tlakukile; u vona lava titsongahataka, U tiva vatikurisi va ha ri kule.

⁷Loko ndzi famba exikarhi ka maxaniseko, wena wa ndzi hanyisa, U tshambuluta voko ra wena ku ndzi sirhelela ka vukari bya valala va mina, Kutani voko ra wena ra xinene ra ndzi ponisa.

⁸Yehovha u ta tirha ematshan'weni ya mina ku yisa eku heteleleni. Yehovha! Tintswalo ta wena hi leti nga heriki, U nga tshiki mitirho ya mavoko ya wena!