Read Xitsonga Psalms 146 Bible Online

Psalms 146 - Xitsonga bible

Psalms 146

¹Dzunisani Yehovha! Moya wanga, dzunisa Yehovha!

²Ndzi ta dzunisa Yehovha loko ndza ha hanya, Ndzi ta yimbelela Xikwembu xa mina loko ndza ha ri kona.

³Mi nga titshembeleni tihosi, Hambi va ri vana va vanhu lava hlulekaka ku ponisa,

⁴Ku hefemula ka vona loko ku hela, va tlhelela entshurini; Kutani hi siku rolero makungu ya vona ma ta hela.

⁵Ku katekile loyi Xikwembu xa Yakobo, xi nga matimba ya yena, Loyi ku tshemba ka yena ku nga ka Yehovha, Xikwembu xa yena.

⁶U endlile matilo ni misava, Elwandle ni hinkwaswo leswi nga ka rona. U hlayisa rito ra ntiyiso hi laha ku nga heriki.

⁷U lulamisela lava xanisiwaka; U nyika lava nga ni ndlala swakudya.

⁸Yehovha u kutsula lava khomiweke; Yehovha u hanyanyisa mahlo ya lavo fa mahlo, U olola lava korhamisiweke. Yehovha u rhandza lavo lulama.

⁹Yehovha u lwela vamatiko, U hlayisa xisiwana ni noni; Kambe u hambanyisa ndlela ya vakanganyisi.

¹⁰Yehovha u fuma hi laha ku nga heriki; Xikwembu xa wena, Siyoni, xi kona etinxakeni hinkwato! Dzunisani Yehovha!