Read Xitsonga Psalms 47 Bible Online

Psalms 47 - Xitsonga bible

Psalms 47

¹N'wina matiko hinkwawo, phokotelani, Mi bumabumela Xikwembu hi rito leri tlakukeke.

²Hikuva Yehovha, La nge henhlahenhla, wa chaveka; Hi yena hosi leyikulu emisaveni hinkwayo.

³Wa hi tsongahatela matiko, Wa veka tinxaka ta vanhu ehansi ka mikondzo ya hina.

⁴U hi hlawulele ndzhaka ya hina, Ku kwetsima ka Yakobo, loyi a n'wi rhandzaka.

⁵Xikwembu xi tlhandlukile exikarhi ka huwa ya ku tsaka; Yehovha u humelele hi mpfumawulo wa nanga.

⁶Yimbelelani Xikwembu, yimbelelani! Yimbelelani hosi ya hina, yimbelelani!

⁷Hikuva Hosi ya misava hinkwayo i Xikwembu; Yimbelelani risimu!

⁸Xikwembu xi fuma matiko, Xikwembu xi tshamile exiluvelweni xa xona lexi kwetsimaka.

⁹Tihosana ta matiko ti hlengeletana Ni tiko ra Xikwembu xa Abrahama, Hikuva switlhangu swa misava i swa Xikwembu: Xi tlakukile ngopfungopfu.