Read Xitsonga Psalms 52 Bible Online

Psalms 52 - Xitsonga bible

Psalms 52

¹Xana u tidzunisela yini hi ku biha, wena nhenha? Tintswalo ta Xikwembu ti kona hi masiku.

²Ririmi ra wena ri luka ku onha ntsena, I rikari leri lotiweke leri vulaka mavunwa ntsena.

³U rhandza leswo biha ku tlula leswinene, Ni mavunwa ku tlula rito lero lulama.

⁴U rhandza marito hinkwawo ya ku onha, Wena ririmi ra ku kanganyisa!

⁵Hikwalaho Xikwembu xi ta ku heta hi laha ku nga heriki, Xi ta ku khoma, xi ku susa entsongeni wa wena, Xi ku tsuvula emisaveni ya lava hanyaka.

⁶Lava lulameke va ta swi vona, va chava, Kambe va ta n'wi hleka, va ku:

⁷“Hi loyi munhu la nga titekelangiki Xikwembu ku va khokholo ra yena, Loyi a tshembiseke rifuwo ra yena lerikulu, Loyi a titiyisaka hi vumbabva bya yena!”

⁸Kambe mina, ndzi fana ni mutlhwari lowu hlukeke endlwini ya Xikwembu, Ndzi tshemba tintswalo ta Xikwembu hi masiku lama nga heriki.

⁹Ndzi ta ku vonga hi masiku, hikuva u tirhile; Ndzi ta tshemba vito ra wena hikuva ri nene, Emahlweni ka vahlawuriwa va mina.