Read Xitsonga Psalms 61 Bible Online

Psalms 61 - Xitsonga bible

Psalms 61

¹Oho Xikwembu! Yingisa ku huwelela ka mina, Yingisisa xikhongelo xa mina!

²Ndzi huwelela eka wena ndzi ri emakun'wini ya misava, eku heleni ka mbilu ya mina; Ndzi fambise eribyeni leri ndzi hlulekaka ku khandziya ka rona!

³Hikuva u xichavelo xa mina, U khokholo ra mina ra ku tiya emahlweni ka nala.

⁴Ndzi rhandza ku tshama entsongeni wa wena hi laha ku nga heriki. Ndzi ta chavela endzhutini wa timpapa ta wena.

⁵Hikuva wena, Xikwembu, u yingisile ku kombela ka mina, U ndzi nyikile ndzhaka ya lava chavaka vito ra wena.

⁶Andzisa masiku ya hosi; Malembe ya yona a ma fike emasikwini lama nga heriki,

⁷A yi tshamise emahlweni ka Xikwembu hi laha ku nga heriki! Lerisa tintswalo ni swinene, swi yi langutela!

⁸Hi laha ndzi nga ta dzunisa vito ra wena hi masiku, Ndzi hetisa ku hlambanya ka mina siku rin'wana ni rin'wana.