Read Xitsonga Psalms 83 Bible Online

Psalms 83 - Xitsonga bible

Psalms 83

¹Oho Xikwembu, u nga tshuki u miyela! U nga miyeli, u nga wisi, Xikwembu!

²Hikuva valala va wena va dzumadzuma, Lava ku vengaka va tlakusa tinhloko.

³Va kanelela tiko ra wena emakungu lama teleke hi mano, Va hleva lava u va chavelelaka.

⁴Va ku: “Tanani, a hi va hetiseni exikarhi ka matiko Leswaku vito ra Israele ri nga ha twakari.”

⁵Va endle makungu va ri mbilu yin'we, Va hlangene ku lwa na wena;

⁶Va mitsonga ya Edomu ni Vaiximaele, Vamowabu, ni va Hagara.

⁷Gebali na Amoni na Amaleke, Va Filista ni vaaki va Tiri,

⁸Va Axuru, na vona, va hlangene na vona; Va lombile vana va Lota mavoko ya vona.

⁹U va endla hi laha u endleke va Midiyani, Na Sisera, na Yabini, exinambyaneni xa Kixoni!

¹⁰Va herisiwele Eni-Dori, Va endliwe vulongo bya misava.

¹¹Endla tihosi ta vona, ti va tani hi va Orebe na Zebe, Ni tihosana hinkwato ta vona, tani hi Zeba na Salmuna.

¹²Hikuva va ku: “A hi yeni, hi teka tindlu ta Xikwembu!”

¹³Oho Xikwembu xanga! U va fanisa ni xidzedze, Ni mungu lowu hungiwaka hi moya,

¹⁴Ni ndzilo lowu pfurhaka exihlahleni, Ni malangavi ya ndzilo lowu hisaka etintshaveni!

¹⁵U va hlongorisa hi xidzedze xa wena, U va rhurhumerisa hi mheho leyi chavisaka ya wena!

¹⁶U funengeta hi tingana mimombo ya vona, Leswaku va lava vito ra wena, Yehovha!

¹⁷Ni leswaku va khomiwa hi tingana, ni ku chavisiwa ni makumu, Va khomiwa hi mapfalo va fa.

¹⁸Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.