Read Xitsonga Proverbs 9 Bible Online

Proverbs 9 - Xitsonga bible

Proverbs 9

¹Vutlhari byi akile yindlu ya byona, Byi vatlile timhandze ta yona ta ntlhanu na timbirhi.

²Byi tlhavile tihomu ta byona, byi pfanganyisile vhinyo, Byi andlarile tafula ra byona.

³Byi rhumile malandza ya byona. Byi yimile eswitsungeni swa muti, byi huwelela, byi ku:

⁴“Mani na mani la rivaleke, a a hambukele halenu.” Eka lava pfumalaka ku anakanya, byi ku:

⁵“Tanani, mi dya swakudya swa mina, Mi nwa vhinyo leyi pfanganyisiweke.

⁶Tshikani ku rivala mi ta hanya, Mi famba endleleni ya vutlhari!”

⁷La layaka musandzi u tilavela xisandzu, Ni la tshinyaka lowo biha wa kuma xivati.

⁸U nga tshuki u laya musandzi, kumbe xana u ta ku venga, Laya wa ku tlhariha, yena u ta ku rhandza.

⁹Dyondzisa la nga ni ku anakanya, u ta engeta a tlhariha, U dyondzisa la lulameke, u ta engetela ku tiva ka yena.

¹⁰Masungulo ya vutlhari i ku chava Yehovha. Ni vutivi bya lava tengeke hi kona ku twisisa.

¹¹Hikuva ha mina, masiku ya wena ma ta andzisiwa, Kutani malembe ya ku hanya ka wena ma ta lehisiwa.

¹²Loko u tlhariha, u ta pfuniwa hi vutlhari bya wena; Kambe loko u ri musandzi, hi wena swaku u nga ta onhakeriwa.

¹³Ku rivala i wansati wa pongo, A ku na mbilu yo rhula, a ku tivi nchumu.

¹⁴Ku tshamisa emahlweni ka nyangwa ya yindlu ya kona, Exitulwini xo tlakuka, exitsungeni xa muti.

¹⁵Ku huwelela lava hundzaka hi ndlela, Lava fambaka hi ku lulama,

¹⁶Ku ku: “Mani na mani la rivaleke a a hambukele halenu,” Ni ka la pfumalaka vutlhari, ku ku:

¹⁷“Mati lama yiviweke ma nandziha, Ni vuswa lebyi dyiwaka exihundleni bya xawula!”

¹⁸Kasi yeloyi a nga tivi leswaku hilaha va ku fa va nga kona, Ni leswaku lava a va rhambeke va le mikoveni ya xivandla xa vafi.