Read Xitsonga Jeremiah 45 Bible Online

Jeremiah 45 - Xitsonga bible

Jeremiah 45

¹Rito leri muprofeta Yeremiya a ri byeleke Baruku, n'wana Neriya, enkarhini lowu a tshamaka a tsala marito lawa ebukwini, a ri karhi a byeriwa hi Yeremiya, hi lembe ra vumune ra Yoyakimi, n'wana Yosiya, hosi ya Yuda, a ku:

²“Ku vula Yehovha, Xikwembu xa Israele, eka wena, Baruku:

³U te: ‘Yo mina! Hikuva Yehovha u ndzi engeterile ku vaviseka hi nhlomulo. Ndzi tikarhata hi ku konya, kambe a ndzi kumi ku wisa.’

⁴U ku eka yena: Ku vula Yehovha, a ku: Waswivo, leswi ndzi swi akeke ndzi ta swi mbundzuxa, ni leswi ndzi swi byaleke, ndzi ta swi tsuvula; swi tano emisaveni hinkwayo.

⁵Loko u ri wena xana u ta tilavela swilo leswikulu-ke? U nga tshuki u swi lava! Hikuva waswivo, ndzi ta tisela nyama hinkwayo makhombo, ku vula Yehovha; kambe ndzi ta ku nyika vutomi bya wena xi va xuma xa wena, hinkwako laha u nga ta ya kona.”