Read Xitsonga Jeremiah 47 Bible Online

Jeremiah 47 - Xitsonga bible

Jeremiah 47

¹Rito ra Yehovha leri nga ta eka muprofeta Yeremiya hikwalaho ka. Vafilista, loko Faro a nga si herisa Gaza.

²Ku vula Yehovha: “Vona, mati ma karhi ma tlhandluka ma huma etlhelo ra n'walungu; i boboma leri tihalakelaka, ri funengeta misava, ni lava yi teleke vona, ni miti ni lava akeke eka yona.

³Vanhu va huwelela, ni vaaki hinkwavo va misava va kolola, hikwalaho ka mpfumawulo wa ku kandziya ka mikondzo ya tihanci ta yena ta matimba, ni ku tsutsuma ka tigolonyi ta yena, ni ku dzumadzuma ka masondzo ya tona, vatatana a va languti vana va vona, hikuva ku karhele mavoko.

⁴Hikwalaho ka siku leri taka ra ku herisa Vafilista hinkwavo, ra ku angwetlela Tiri na Sidoni ni lava siyiweke ku va tatisa; hikuva Yehovha u ta herisa Vafilista lava seleke exihlaleni xa Kafitoro.

⁵“Mpandhla wu ta va kona eka Gaza Axikeloni u ta onhiwa swin'we ni leswi seleke swa rivala ra vona. U ta titlhavetela kangani-ke?

⁶Yo! Banga ra Yehovha! U ta wisa rini? Tlhelela enkotlotweni wa wena, u wisa u yimile!

⁷U ta wisisa ku yini? Yehovha u ri lerisile hikwalaho ka Axikeloni, ni ka ribuwu ra lwandle, laha a ri kongomiseke kona?”