Read Xitsonga Hosea 12 Bible Online

Hosea 12 - Xitsonga bible

Hosea 12

¹Efrayimi u ndzi rhendzele hi mavunwa, ni yindlu ya Israele, hi ku kanganyisa; loko a ri Yuda, wa ha tiarisa, wa ala ku yingisa Xikwembu, Muhlawuriwa la tshembekaka.

²Efrayimi u tixurhisa hi moya, u landzela moya wa le vuxeni. Siku hinkwaro u andzisa vunwa ni ku onhaka. Va endle xinakulobye na Asiriya, kutani va yisa mafurha eEgipta.

³Yehovha u ni ku tengisana na Yuda, kambe u ta tshinya Yakobo hikwalaho ka ku famba ka yena, a n'wi endlela leswi fanelaka maendlelo ya yena.

⁴U khome makwavo hi xirhendze a ha ri ekhwirini ra mana wa yena, ni le vukulwini bya yena wa ha lwa ni Xikwembu.

⁵A lwa ni ntsumi, a va a yi hlula, a ri karhi a rila, a yi khongela. A yi kuma eBetele, kutani kona yi vulavula na hina.

⁶Yehovha i Xikwembu xa tinyimpi, Yehovha hi rona vito ra yena.

⁷Kambe loko u ri wena, tlhelela eka Yehovha, u hlayisa tintswalo ni ku lulama, u titshembela Xikwembu xa wena hi masiku.

⁸Efrayimi i Mukanana (muxavisi); evokweni ra yena u tamele xikalo xa ku xisa, u rhandza ku kanganyisa.

⁹Kutani u te: “E, ndzi fuwile, ndzi tilavele rifuwo”; eka hinkwaswo leswi ndzi swi fuweke, ku nga ka ku nga kumeki ku biha eka mina, ni leswi swi nga vaka nandzu.

¹⁰Kasi hi mina Yehovha, Xikwembu xa wena, loko wa ha huma etikweni ra Egipta. Ndza ha ta ku akisa emitsongeni, kukotisa loko ku endliwa siku ra nkhuvo.

¹¹Ndzi vulavurile ni vaprofeta, ndzi andzisile swikombiso, kambe hi vaprofeta ndzi vulavurile swifaniso.

¹²Kungakuloko Giliyadi a tiendle swahava vona va ta ya hela ntsena. Ku tlhaviwa tinkunzi eGiligala. Tialitari ta vona ti kotisa tinhulu ta maribye emasin'wini.

¹³Yakobo u chavile etikweni ra Aramu; Israele u tirhele wansati, ku kuma nsati a tiendle murisi.

¹⁴Hi muprofeta, Yehovha u humesile Israele eEgipta, kutani hi muprofeta, Israele u hlayisiwile.

¹⁵Efrayimi u karihisile Yehovha ngopfu; u ta hlayiseriwa milandzu ya yena ya ngati; hosi ya yena yi ta n'wi tlherisela ku xumbadza ka yena.